Hika hitz egiten ikasteko 15 orduko oinarrizko ikastaroa.
Binaka gauzatuko diren hika-elkarrizketatxoak izango dira ikastaroaren ardatz. Eguneroko egoeretan oinarrizkoak diren aditza-formak erabiltzera joko dugu. Hitanoa bere osotasunean landuko dugu, noka (neskari egiten zaiona) eta toka (mutilari egiten zaiona).
Doakoa. Izen-ematea: ikasbideke@gmail.com
Info +: Ikasbide Kultur Elkartea
Gure kulturaren eta gastronomiaren arteko harreman zoragarria irudikatzen duen bisita gidatua. Amaieran, gure historiaren produktu garrantzitsuenetako batzuen dastaketa izango da Bokadon.
Gure gastronomian zehar ibilbidea egingo dugu, Erromatar Inperioaren eraginarekin hasi eta 80ko hamarkadan sortu zen euskal sukaldaritza berriarekin buka: gatzetan jartzea eta beste teknika batzuk ezartzea; beste kultura gastronomiko batzuen eragina, Fantziako sukaldaritza finarena, adibidez; elikagaien sektorearen industrializazioa, eta horrek guztiak aparteko errezeta bilduma ekartzea, plater xume eta finek osatua eta euskal sukaldaritza munduko erreferentzia gastronomiko bihurtu duena...
Zatoz gure historia dastatzera!
Ikusi hemen San Telmo pil-pilean bisita gidatu gastronomiko gehiago.
Sarrerak salgai daude museoko harreran.
Eureka! Zientzia Museoan zientziaz ikasteko eta disfrutatzeko aukera zoragarria izango dugu. Izan ere, Erakusketa Iraunkorra biziari eta giza gorputzari eskaini diote, Zientziaren Lorategian inguru paregabean goza dezakegu, Planetariumean astronomiari buruz ikasi, Animalian hainbat ekosistematan bizi diren animaliak ezagutu edo Torres Quevedo Erakusketa airearen "konkistari" buruzko informazioa jaso. Era berean, hainbat simulagailu daude.
Umeentzako dantzaldia da, bai txikitxoek bai handiek gorputz osoa mugitu dezaten.
Zuzeneko musika eta antzerkia erabiliz, hamaika koreografia egingo dira.
Sukar musika taldea bost lagunek osatzen dute. Gainera, Ameztu antzerki taldeko antzezle-animatzaile bat arituko da.