Euskaraz.net

Artea miresten duten bi pertsonaia xarmangarrik, erritmo, kolore, forma eta mugimenduz beteriko bidaia paregabe batera eramango gaituzte. Entzun, ikusi, ukitu, sentitu, jolastu, irudikatu eta... DANTZA egin gurekin!

Adina: Denontzat.

Oharra: Sarrerak doan banatuko dira Kultur Etxean bertan, emanaldiaren egun berean 16:30ean, edukiera bete arte.

Bisita gidatua Donostiako Parte Zaharretik San Telmo museoak antolatuta, Ondarearean Europako Jardunaldien barruan. Aurten, leloa da: Ondarea, emakumearen oinordetza.

Gastronomia tailerra gure historia ezagutzeko eta dastatzeko. Museoan produktu gastronomikoak bilatuko ditugu. Gero, taloak egin eta beste kultura batzuetako antzeko elaborazioak ezagutuko ditugu.

Adina: 6-12 urte

Kutxa Ekogunea aisialdi eta ikasketa aktiborako baliabideak eskaintzen dituen parkea da, ingurumen kontzientziaziotik ekintzara igarotzeko pausua emanez. 'Paisaia naturala' eta 'paisaia kulturala'-ren arteko sintesia eta paisaiak eratzen dituzten elementu guztiak baloratzen ditu. Parkea publiko orori dago zuzenduta: norbanako, profesional, irakasle eta familiei.

Bisita honetan gure proiektu eta lantzen ditugun gaien berri emango dizuegu hainbat ekipamendu ezagutuz.

Kantu Jira: Parte Zaharreko Fermin Calbeton kalean, 12:00etan izango da hilabete honetako Kantu Jira. Lagunekin batera euskal kanta tradizionalak abesteko aukera paregabea.

Erromeria: Egun berean, Bagera Elkarteak, Udaleko Musika eta Dantza Eskolaren laguntzaz, euskal dantza tradizionalen inguruko erromeria antolatu du Parte Zaharreko Plaza Berrian (Konstituzio plazan) 18:30etatik aurrera. Donostiako Udaleko txistulariak joko dituzten kantuak dantzatzeko aukera izango dugu Aitziber Aiesta eta Jon Iraola dinamizatzaileek lagunduta.

Euskarazko lehen zirku ibiltariak Donostian bukatuko du aurtengo ibilaldia. Uda osoan herriz herri ibili ostean, Donostian, euskararen hirian, izango du azken geltokia. Iker Galartzaren ekimenez sorturiko zirkuak ez du beste hiribururik bisitatuko aurten eta Donostiako emanaldiekin bukatuko da Gure Zirkuaren bira.

Zirku klasikoaren ezaugarriak ditu

Orain arte udan Euskal Herrian egindako emanaldietan 18.000 pertsona baino gehiago izan dira. Donostian berriz, 6.250 lagun espero dira.

Ikuskizunari dagokionez, zirku klasiko baten aldagaiak izango ditu: bikote xelebre batek egingo ditu aurkezle lanak ( Poxpolo eta Don Martin) eta ikusleen algarak eragingo dituzte; magoak eta malabaristak izango dira, trapezio eta oihaletatik zintzilikatuta mugimendu ikusgarriak egingo dituztenak eta abar. Hamabi artista guztira.

1965eko urria. San Fermineko erraldoien konpartsak New Yorkeko Bosgarren Etorbidean desfilatzeko gonbidapena jaso du, baina ezingo dute denek desfilatu: arrazarekin lotutako kontuak tarteko, estatubatuar agintariek erraldoi beltzek ekitaldian parte har dezatela debekatu dute. Benetako gertakarietan oinarrituta, Muguruza, Cano eta Alderetek Manex Unanueren istorioa kontatuko dute, erraldoi beltz horietako bat eramateko ardura duen fikzio pertsonaiarena. Konpartsako kideek inposatutako erabakia onartu izana deitoratuz, etxera berriz ez itzultzeko erabakia hartuko du Manexek. Gaztearen begiradaren bitartez, 60ko hamarkadaren erdialdean gizartea irauli zuten gertakariak ezagutu ahal izango ditugu: Malcolm Xen heriotzagatiko mobilizazioak, Warholen tailerreko giro bitxia, Black Pantherren eta Kubako zerbitzu sekretuaren artean eratutako harremana eta hippie mugimenduaren hastapenak, musikako lehenengo makrojaialdien giro psikodelikoaz inguratuta.

Joseba Sarrionandiaren aurpegia poliedrikoa da; ez literatura-adierazpideko molde guztiak ukitu dituelako soilik, baita bere iruditeria, ezin konta ahala munduz osatua, sortzeko gai izan delako. Beraz, literaturaren munduan agertzen diren elementuetako asko agertuko dira hemen, zalantzarik gabe: itsasoa, portua, haurtzaroa, trenak, deserrotzea, ihesa, nora eza, erbestea, gerra, suntsipena, amodioa, deriba, mina, fantasia, misterioa, iniziazioa, tortura…