Euskaraz.net

Publiko helduari zuzendutako bisita gidatua. Ondarearen Europako Jardunaldietako programazioaren barruan. Urgull mendia Donostiako erdigunean dagoen gune naturala da, itsasoaren eta hiriaren gaineko talaia, historiaren lekuko. Urgull mendian barrena egingo dugun ibilaldi honek parajeaz gozatzeko eta ondareari buruzko hausnarketa egiteko aukera emango digu. Ondareak eta paisaiak iragana erakusteaz gain, oraina ulertzen eta etorkizuna irudikatzen laguntzen digute.

Bisita gidatu hau doakoa da, baina aurrez izena eman behar da: stm_erreserbak@donostia.eus / 943 48 15 61 (astelehenetik ostiralera, 12:00-14:00).

Manou enara txiki bat da, eta istripu baten ondoren, kaio bikote batek haziko du. Bera ere kaioa dela sinetsita haziko da, baina laster jakingo du ez dutela inoiz kaio gisa onartuko. Kaioen taldean egokitzen saiatu baina huts egingo du, eta horregatik, bere espezie bereko txoriak ezagutu eta horiekin bizitzen geratzea erabakiko du. Baina laster bai enarek bai kaioek oso arazo larri bati aurre egin beharko diote, elkarrekin lan eginez, eta Manou inoiz izan ez den heroia izango da.

Phuong, An eta Nhu hogei urte inguruko emakume vietnamdarrak dira. Ikastun tekniko gisa ziharduten lantoki batean, baina handik ihes egin eta legez kanpoko egoiliar bihurtuko dira hirurak Japonian. An bitartekari batekin harremanetan jarriko da, lana aurkitzen lagundu diezaien. Bitartekari horrek arrantzale baten txabolara −izotzez estalita dagoena− eramango ditu, bizitzeko leku bat izan dezaten lanaren truke. Pozik daude, gainera, zutena halako bi delako oraingo soldata. Lanean hasi eta Phuong min izugarria hasiko da sentitzen halako batean. Kezkatuta, Anek eta Nhuk ospitalera eramango dute Phuong, baina han ez dute gaixoa onartuko, identifikazio-txartelik ez dutelako. Zuzendariaren bigarren film luzea.

Azpitituluak euskaraz

Junsheng etxera itzuli da espetxetik irten eta gutxira, eta konturatzen da bere jaioterritik urrun sentitzen dela. Ez da han egon urte askoan, baina oraindik uste du herriko gazterik indartsuena dela. Hainbat oinaze jasan ondoren, ohartzen da itxuraz laburra izan den absentzia hori arrakala gaindiezina dela. Opera prima.

Azpitituluak euskaraz

Euskadi, 2009. Lide segurtasun-zaintzailea da; abiadura handiko trenaren obretan egiten du lan, kaleetan protesta sozialak eragiten dituen proiektu batean, hain zuzen. Lan egin eta gaua festan igaro ondoren etxera itzultzen denean, bi lagunentzako gosaria prestatzen du, baina bere alaba nerabea, Ane, ez dago etxean. Hurrengo egunean, Ane oraindik ez da agertu. Lide lasai dago, ziurrenik, aurreko egunean izandako eztabaida gogorraren ondorioz desagertuko zelako. Aneren gauzen artean bilatzen, konturatuko da ez duela benetan bere alaba ezagutzen. Opera prima.