Euskaraz.net

Urriaren 24ko oharra: Covid-19aren ondorioz Lapurdin hartutako segurtasun neurriak direla eta, kontzertua bertan behera geratu da. Donostia Kulturak barkamena eskatzen du egoera honek sor ditzakeen eragozpenengatik.

"Arnasa"... "Hatsa"... "Bizia"...: Hau da bizidun oro tai gabe akuilatzen duen indarra, hau da hain zuzen Peio Ospitalen bakarkako lehen lan honen haria eta ardatza. Lau urteetako lanaren amaitza da hau, 14 kantuz osatua. Poesiaz jantziriko sorkuntzak dira, prozesu abstraktu baina oinarri-oinarrizko hau erdigune izanik: Bizi indarra.

45 minutuko saioetan tarte bat egongo da haurrek irakurtzeko eta beste bat kontalariaren txisteak, asmakizunak edota ipuinak entzuteko. Kontalaria haur bakoitzaren irakurketa mailara egokituko da, eta bakoitzak ahal duena irakurriko du (letrak, silabak, esaldiak...). Hori guztia euskaraz eta giro goxoan, Lur Kortak gidatzen duen taldearen eskutik.

Doan izango da, baina izena eman behar da aukeratzen den liburutegian. Kontuan hartu behar da talde txikiak izango direla, 10 gehienez, eta heldurik gabe.

Higiene neurriak eta distantziak betearaziko dira. Gauzak horrela, maskara ezinbestekoa izango da, gela jarriko zaie haurrei sarreran eta ez dituzte materialak partekatuko. Liburutegiak emango dio haur bakoitzari eguneko liburua eta material osagarria.

Bere debut album nabarmenaren (“Om”, 2016) eta ospetsu bihurtu zuen bigarren diskoaren ondoren (“Eason”, 2018), Izarok bere lan berria, “Limones en invierno” izenekoa aurkeztuko du.

Kantautore bizkaitarrak berak dioenez: “disko berriak egun eguzkitsuak argitzen dituzten argi zitrikoak jasotzen ditu, baina baita neguko errekak estaltzen dituzten behe-lainoak ere”.

Filma irudi batetik abiatzen da: preso bat, Iruñeko kartzela utzi eta hainbat urte geroago, bere ziegara itzultzen da. Egun horretan kartzela betiko eraitsia izango da. Pozik behar luke, baina presoa, ziegan dagoela, negarrez hasi da. Ziega hartan eman zituen presoak, intsumitu izateagatik, bere bizitzako 2 urte eta 4 hilabete.