Euskaraz.net

Oharra: Covid-19ak eragindako uneko egoerarekin erantzukizunez jokatuz, Euskarabildua jardunaldia online egingo dute. Informazio gehiago

Covid-19ak ekarritako mundu mailako egoera berri honetan asko dira hausnartzeko denborarik gabe osasun publikoaren aitzakian, ezarri diren teknologiak eta horri lotutako politika publikoak. Datuen erabilerak berebiziko garrantzia hartu du, baina datuez aritzen garenean, zer datuz ari gara? Gure zein informazio dute? Eta nortzuk dute?

Datuak guk geuk sortzen ditugu, gu geu datu bezala ikusten gaituzten algoritmoen menpe. Eraikitzen dugu gure kontsumitzaile edo osasun profila, gure profil politikoa. Eta algoritmoei erabakiak hartzen uzten diegu. Baina ez al gaituzte albo kalteek kezkatzen?

Izen-ematea eta informazio gehiago: www.euskarabildua.eus

45 minutuko saioetan tarte bat egongo da haurrek irakurtzeko eta beste bat kontalariaren txisteak, asmakizunak edota ipuinak entzuteko. Kontalaria haur bakoitzaren irakurketa mailara egokituko da, eta bakoitzak ahal duena irakurriko du (letrak, silabak, esaldiak...). Hori guztia euskaraz eta giro goxoan, Lur Kortak gidatzen duen taldearen eskutik.

Doan izango da, baina izena eman behar da aukeratzen den liburutegian. Kontuan hartu behar da talde txikiak izango direla, 10 gehienez, eta heldurik gabe.

Higiene neurriak eta distantziak betearaziko dira. Gauzak horrela, maskara ezinbestekoa izango da, gela jarriko zaie haurrei sarreran eta ez dituzte materialak partekatuko. Liburutegiak emango dio haur bakoitzari eguneko liburua eta material osagarria.

Filma irudi batetik abiatzen da: preso bat, Iruñeko kartzela utzi eta hainbat urte geroago, bere ziegara itzultzen da. Egun horretan kartzela betiko eraitsia izango da. Pozik behar luke, baina presoa, ziegan dagoela, negarrez hasi da. Ziega hartan eman zituen presoak, intsumitu izateagatik, bere bizitzako 2 urte eta 4 hilabete.

Antzerkia, bertsolaritza, kantagintza, literatura... gustuko dituzu?

18-22 urte bitarte?

Ostegunak bereziak izango dira aurten ere azaroan unibertsitate inguruan dabiltzan gazteentzat. Iaz egin bezala, ahozko kultur sorkuntzarekin ondo pasatzeko Ahostegunak antolatu dugu Mintzola Ahozko Lantegiak eta UPV/EHUko Mikel Laboa Katedrak, Euskaltzaindiaren eta EHUKulturaren laguntzarekin batera.

Antzerkiaz, bertsoaz, kantuaz eta literaturaz gozatzeko saioek osatzen dute Ahostegunak. Ostegunetan egingo dira saioak, 16:00etatik 19:00etara, UPV/EHUko Gipuzkoako campusaren ondoan dagoen Euskaltzaindiaren egoitzan, Donostian. Urriaren 29an izango da lehen saioa, eta elkarren segidako beste lau ostegunetan egingo dira, azaroaren 26ra arte. Aipatutako kultur sorkuntza bat landuko da egun bakoitzean: gazteek beraien artean harreman sarea ehuntzea da helburua, esperientziak eta iritziak partekatzea, eta diziplina horretan aritu eta aditu den lagun batek edo batzuek hartuko du(te) parte saio bakoitzean. Azken egunean, aurretik egondako gonbidatu guztiekin mahai-ingurua egingo dugu.