Idoia Telleriaren argazkilariaren eskutik.
Gure sentimenduek gure begiradan eragiten dute. Sentitzen dugun hori gure gorputzera eramango dugu eta perspektiba hori erabilita sentimendu, kontzeptu eta formak lotzen dituen argazkiak aterako ditugu.
Telefono mugikorra ekartzea komeni da.
"Baginen bagara. Ikasi eta sortu" programaren hurrengo saioa:
(azken saioa) martxoak 5 - Nire Isla
Oharrak:
- Musukoa erabiltzea derrigorrezkoa izango da.
Ikusi hemen museoak antolatu dituen familientzako jarduera guztiak.
Eman izena gure buletinean familia jarduerei buruzko informazioa jasotzeko posta elektronikoan!
Munduan biraka dabiltzan bi feriantek kontatuko digute antzezlan honetan gizakiaren eboluzioa. Bi feriante hauek, Papillon eta Clemont, zinea eramaten zuten herriz herri kamera puskatzen zaien arte. Ikuskizuna aurrera eraman nahian proiektatu behar zuten filma haiek berek kontatzea erabakitzen dute. Maletan dakarten elementu ximpleenekin historian zehar garrantzitsuak izan diren gertakariak kontatuko dituzte. Aldi berean, gizakiak historian zehar irabazi dituen eskubideen inguruko hausnarketara salto egingo dute beti tximeleta efektuak izan duen garrantzia kontuan izanik.
Areto Nagusia.
Oharra: Gonbidapenak otsailaren 14-19 bitartean Kultur Etxean banatuko dira.
Oharra: gaztelaniazko bertsioa otsailaren 20an taularatuko da.
Egilea: David Caiña
Zuzendariak: Gorka Minguez, David Caiña.
Aktoreak: Maria Urcelay, Aitor Fernandino, Leire Ucha, Lorea Intxausti, Albar Cirarda.
Gabon Zahar gaua da. Lucía eta Celia, ahizpak; Xabier, Celiaren senarra; Pablo, Lucíaren semea; eta Uxue, bere lehengusina. Afaria eta kanpaien arteko momentu batean, familia honen arteko harreman guztiek eztanda egingo dute.
Nahiz eta egitura nahiko tradizionala eduki, FAKE, Begiari tranpa istorioa kontatzeko denboran jauzi ugari eman beharko ditugu, kronologia apurtu, itzulerarik gabeko puntu horretara nola iritsi garen ulertu ahal izateko. Aldi berean, hau, familien inguruko istorio bat da, eta hoien barnean ematen diren botere harremanen ingurukoa. Nola gehien maite dugun pertsonei errealitatea izkutatzen saiatzen garen.
Informazio gehiago: Erre Produkzioak
Basoan neskato bat bizi da, beti kapa gorria jantzita duena, txano batekin, eta guztiok Txanogorritxo deitzen dutena. Bere amona gaixo dago eta Txanogorritxo ogi, esne, ezti eta limoi saskia hartuta amonaren etxera joanen da... eta horrela, ahotsa berreskuratu eta garrasi artean rock kantak abestu ahal izanen ditu berriro. Baina... egon pixka bat... Hau al da betiko ipuina? Bai, baina hau Txanogorritxo rockeroa da.
Info+: Aupa Kultur Lanak
Muxiri zinema asko gustatzen zaio. Oso aktore ona dela pentsatzen du, eta Tomax filma bat egiteko konbentzituko du. Hasteko Erdi Aroko eszena bat. Gero abentura bat mendian. Eta bukatzeko piraten istorioa. Hau dena, beti bezala, umore, kantu, joko eta ikuslegoaren parte hartze zuzenarekin.
Adina: + 4 urte.
Oharra: Gonbidapenak lortzeko aurrez izen ematea beharrezkoa izango da, eta horretarako amarakulturetxea@donostia.eus-era bidali beharko da eskaera. Otsailaren 14tik aurrera eska daitezke gonbidapenak (gehienez lau gonbidapen) eta saioa hasi baino ordu erdi lehenago arte jaso ahal izango dira.
Paul seme bakarra da, bere etxeko erregea, alegia. Irati arrebaren jaiotzaren ondorioz, maitea izateari uzteko beldur handia izango du, eta horrek familiaren egonkortasuna mehatxatuko du.
Txotxongiloak eta antzerki errealista nahastuz, jeloskortasunari heldu, eta aurrez aurre begiratuko zaio gaiari umore-sena inoiz galdu gabe.
FETEN jaialdian 2020ko Interpretazio Onenaren Saria jaso du.
Adina: + 6 urte
Informazio gehiago: Uniko, Teatro Paraiso.
Tabakaleran ahots ugari elkartzen dira, istorio asko entzuten dira eta pertsona asko eta asko gurutzatzen dira. Bi zine-areto daude, erakusketak, artista egoiliarrak, sorkuntza liburutegi-laborategi bat eta zine-eskola bat, besteak beste. Pentsatzeko eta eztabaidatzeko guneak aktibatzen dira, ikastaroak eta lantegiak egiten dira, musika jotzen da. Tabakalera ezagutuk aniztasun horretara hurbiltzeko proposamena egiten du, ibilbide gidatu baten bidez, kultura zentroaren bazter eta proposamenak ezagut ditzazun.
Larunbat goizean etortzeko gonbita egiten dizugu, ibilbide orokorra egin eta hurbiletik ezagutzeko bizilagunen elkarte hau osatzen duten guneak, programazioak eta lagunak.
Erakusketek txikiak eta helduak praktika artistikoetara hurbildu eta elkarrekin gozatzeko guneak ahalbidetzen dituzte.
Emma Kunz (1892-1963), suitzar ikertzaile, artista eta sendatzailea izan zen. Ezaguna da, batez ere, pendulu, konpas eta erregeladun paper koadrikulatuan egindako marrazki handiengatik.
Emma Kunzen kosmologiatik abiatuta, bere lan ildoak jarraituz marrazketa lantegi bat gauzatuko dugu. Modu ludiko eta eraikitzailean, paperean, pendulu, iparroratz eta erregela bezalako tresna sinpleak erabiliz, eskala handiko proposamenak bideratuko ditugu.
Larunbatero, Kubo Kutxa aretoak doako bisita komentatuak eskaintzen ditu José Antonio Sistiagaren (Donostia, 1932) De rerum natura erakusketara.
Erakusketa sei aretotan banatuta dago, ordena kronologikoari segika; hala, bisitariak artistaren sormen-etapa guztiak azter ditzake, bai eta artistak baliatzen dituen material eta teknika askotarikoak ikusi ere.
Ezinbestekoa da aurrez erreserba egitea: aretoan bertan | T- 943 251939 | hezkuntza_kubo@kubokutxa.eus
Maialen Lujanbioren soinu-instalazioa Scala proiektuaren baitan. Leku honetan bertan, eskailera nagusi honen atzealdean izandako gertakari batetik sorturikoa da pieza hau. Eskailerapean ikusitik eskaileretarako sortua.
Errealitate zati bat, kultura garaikidearen zentroaren baitan begiratua.
Errealitatea, artea eta begirada hitz eta soinu bidez birformulatuta.
OINARRIAK
Ilustrazio eta Ipuin lehiaketak haurren eta gazteen artean irakurzaletasuna eta sormena bultzatzea du helburu. Horretarako hiru modalitate antolatu dira, haur eta gazteen adinaren arabera:
Lanak bidaltzeko azken eguna apirilaren 13a izango da.