Albisteak

XIX. Donostia Antzerki Sarian epaimahai izateko deialdia zabaldu da

2017-12-14

Donostia Antzerki Saria euskarazko antzerki profesionala bultzatzeko eta indartzeko sorturiko saria da. Urtero, Donostian aurreko urtean euskaraz eskaini diren antzezlan onenari ematen zaio saria. Horretarako, epaimahai batek aztertzen ditu antzezlanak eta epaimahaia, 8 adituez gain, publikoaren 2 ordezkarik ere osatzen dute. Ordezkariak nortzuk izango diren erabakitzeko, www.donostiaeuskaraz.eus webgunean izen-emate prozesua zabalik egongo da abenduaren 14tik 29ra arte.

Gehiago irakurri

Abian da 29. Koldo Mitxelena literatura lehiaketa

2017-12-04

29. Koldo Mitxelena literatura lehiaketa martxan dago eta 8-18 urte bitarteko haurrek eta nerabeek parte hartu ahal izango dute. Lanak 2018ko otsailaren 9a baino lehenago aurkeztu beharko dituzte ikastetxeetan zein Udaleko Euskara Zerbitzuan eta bost lehiaketa mota bereiziko dira, kategoria guztiak adin tarte guztietan eskainiko ez badira ere: komikia, olerkia, ipuina, bertso papera eta mikroipuina.

Gehiago irakurri

"Euskaraldia, 11 egun euskaraz Donostian" ekimena aurkeztu dute

2017-12-01

“Euskaraldia 11 egun euskaraz Donostian” ekimena aurkeztu zuten larunbatean Donostiako udaletxeko batzar-aretoan. 2018ko azaroaren 23tik abenduaren 3ra aurrera eramango den jarduera aurkeztu zuten Eneko Goia Donostiako alkateak, Miren Azkarate zinegotziak eta Aitziber Gurutzeaga Bagera elkarteko kideek.

Gehiago irakurri

Euskaragida.eus webguneak euskarazko kultura eta aisialdirako produktuak jasotzen ditu

2017-11-27

Donostiako Udaleko Euskara Zerbitzuak euskaragida.eus izeneko euskarazko kultura eta aisialdirako produktuen gida argitaratu du. Bakarka, lagun artean nahiz familian aisialdia euskaraz gozatzeko era guztietako eta adin guztiei zuzendutako produktuak jasotzen dira bertan: aldizkariak, komikiak, DVDak, joko eta jolasak, musika, liburuak, hiztegiak, gurasoentzako nahiz euskara ikasteko material berezitua, web orri interesgarriak eta abar. Produktuak jasotzaileen adinaren arabera datoz sailkatuta eta bakoitzaren ezaugarri nagusiak zehazten dira (izena, egilea, argitaletxea eta gutxi gorabeherako prezioa).

Gehiago irakurri

Aforismo lehiaketa sarien banaketa abenduaren 15ean izango da

2017-11-18

Oihenart aforismoen lehiaketa  EHUko Filosofia eta Hezkuntza Zientzien fakultateak antolatzen du, Donostiako Udaleko Euskara Zerbitzuaren laguntzarekin. Edonork parte har dezake bertan eta aurtengo sari banaketa abenduaren 15ean 12etan EHUko Filosofia eta Hezkuntza Zientzien fakultatean izango da. Irabazleak izan dira: Ekaitz Goikoetxea Asurabarrena eta Juan Ramon Alberdi Ibarmia.

Gehiago irakurri

Euskara ikasteko diru-laguntzak eskatzeko epea zabalik

2017-11-15

Donostiako Udaleko Euskara Zerbitzuak ireki du  euskara ikasteko diru-laguntzak eskatzeko epea. 2017ko urriaren 2tik azaroaren 17ra eska daitezke. Autoikaskutza eta barnetegien kasuan, ikastaroa hasi eta 30 eguneko epean eska daiteke.

Eskaerak on line egin daitezke honako  webguneetan www.donostiaeuskaraz.eus edo www.donostia.eus,  edota Euskara Zerbitzuan edo Donostiako Udaleko UdalInfo bulegoetan.

Informazio gehiago

 

Gehiago irakurri

Nerabeentzako hedabide berria jaio da

2017-11-07

BEITU! Nerabeei zuzenduriko hedabide digitala sortu du GAZTEZULOK. 14-18 urte bitarteko gazteentzat diseinatuta, aisialdiarekin lotutako euskarazko edukiak jasoko dituzte mugikorrean zuzenean. Zein da helburua? Gazteek aisialdian kontsumitzen dutena euskaraz eta eskura edukitzea.

Gehiago irakurri

2016-2017 ikasturteko udako ikastaroak. Bertan behera utzitako eskaerak

2017-10-30

Deialdiaren oinarrien 8. artikularekin bat etorriz, akatsak zuzentzeko emandako epea bukatuta, hauek dira eskaera bertan behera utzi dutela jotako eskaerak eta, ondorioz, artxibatuko direnak. 

Gehiago irakurri

Donostia Kultura Poesia lehiaketa

2017-09-19

Balea Zuria argitaletxeak Donostia Kulturaren laguntzarekin, euskarazko poesia zabaldu eta idazle gazteen lanari bultzada emateko asmoz poesia lehiaketa hau sortu dute.

Gaia, errima eta neurria libreak izango dira. Lanak aurkezteko epea 2017ko abenduaren 15ean amaituko da, eta saria 1.000 eurokoa izango da.

Gehiago irakurri

Langabeentzako doako euskara ikastaroak, 2017

2017-09-18

Donostiako Udalak doako euskara ikastaroak antolatuko ditu hiriko Euskaltegiekin lankidetzan langabezian dauden donostiarrei zuzenduta. Ikastaro hauetan izena emateko epea 2017ko irailaren 1etik 21era egongo da irekita (biak barne).

 

Gehiago irakurri