Albisteak

Udako Euskal Unibertsitateak ikastaroetan izena emateko epea zabaldu du

2018-05-24

Udako Euskal Unibertsitateak (UEUk) 46. Udako Ikastaroetan izena emateko epea zabaldu du eta aurtengoan oso eskaintza zabala izango da: ikastaroak, tailerrak eta jardunaldiak, besteak beste. Eibarren, Gasteizen, Baionan edo Donostian burutuko dira ekainean zein uztailean. Donostian "Wikimedia lantegia: Gure aipamenak izango dira beste laurogei urtian" izeneko tailerra antolatu du.

Gehiago irakurri

Izarrak plazara Olatu Talka jaialdiko protagonista bat izango da

2018-05-21

Maiatzaren 25, 26 eta 27an izango den Olatu Talka jaialdiaren programa osoa aurkeztu da eta bertan aurtengo jaialdiko berrikuntzen eta ekitaldi nagusien berri eman da. Eneko Goia alkatea, Jon Aizpurua Olatu Talka jaialdiko zuzendaria, Gratxina Lertxundi Gure Bazterrak musika promotorako kidea, Ekain Olaizola arkitektoa eta Elene Carreto dantzaria izan dira prentsaurrekoan.

Gehiago irakurri

Martxan da VI. Euslogan lehiaketa

2018-05-15

Donostiako AEK-k euskarazko eslogan lehiaketa antolatu du euskara ikasle zein euskaldun ororentzat. Euskarazko sormena lantzea du helburu; izan ere, erdaraz pentsatutako goiburu edo esloganak nagusi dira egun publizitate arloan. Aurtengo lehiaketan sagardoa sustatzeko esloganak osatu beharko dira.

Gehiago irakurri

Euskaraldia aurkeztu da Donostian

2018-05-10

Euskaraldia, azaroaren 23tik abenduaren 3ra burutuko den ariketa soziala Euskal Herri osoan, Donostiako Tabakaleran aurkeztu da. Bertan izan dira: Eneko Goia, Donostiako alkatea; Ane Loidi, Bagera euskaltzaleen elkarteko ordezkaria; Garazi Urrosolo, auzoetako batzordeetako kideen izenean eta Ander Aizpurua, Kutxa fundazioko zuzendaria, dagoeneko martxan dauden hainbat entitateren izenean. Era berean, Donostiako hamaikakoa, erreferentziazko herritarrak, osatzen duten kideak ere izan dira.

Gehiago irakurri

"Parketarrak" egitasmoa, berriz ere, burutuko da 11 auzotan

2018-04-19

Donostiako Udaleko Euskara Zerbitzuaren eta auzoetan antolaturiko euskara batzordeen elkarlanaren ondorioz, “Parketarrak“ egitasmoa Donostiako hamaika auzotara bueltatuko da. Lehen saioak astelehenean, apirilaren 23an, izango dira, Altzan eta Morlansen. “Parketarrak” ekimenaren helburu nagusia haurrak kalean eta parkeetan jolasean ari direnean euskara erabiltzea da.

Gehiago irakurri

Zabalik da 2018ko Hausnartu Euskal Soziolinguistika Sarirako lanak aurkezteko epea

2018-03-28

Hausnartu Sariak euskal soziolinguistika esparruko ikerketak saritzen dituen lehiaketa da. Urtero, euskara eta gizartea gai hartzen dituzten ikerketa, azterketa eta hausnarketa lanak saritzen dira. Lanak jasotzeko epe-muga 2018ko irailaren 10a izango da.

Gehiago irakurri

Euskara ikasteko diru-laguntzak eskatzeko epea zabalik

2017-11-15

Donostiako Udaleko Euskara Zerbitzuak ireki du  euskara ikasteko diru-laguntzak eskatzeko epea. 2017ko urriaren 2tik azaroaren 17ra eska daitezke. Autoikaskutza eta barnetegien kasuan, ikastaroa hasi eta 30 eguneko epean eska daiteke.

Eskaerak on line egin daitezke honako  webguneetan www.donostiaeuskaraz.eus edo www.donostia.eus,  edota Euskara Zerbitzuan edo Donostiako Udaleko UdalInfo bulegoetan.

Informazio gehiago

 

Gehiago irakurri

Nerabeentzako hedabide berria jaio da

2017-11-07

BEITU! Nerabeei zuzenduriko hedabide digitala sortu du GAZTEZULOK. 14-18 urte bitarteko gazteentzat diseinatuta, aisialdiarekin lotutako euskarazko edukiak jasoko dituzte mugikorrean zuzenean. Zein da helburua? Gazteek aisialdian kontsumitzen dutena euskaraz eta eskura edukitzea.

Gehiago irakurri

Donostia Kultura Poesia lehiaketa

2017-09-19

Balea Zuria argitaletxeak Donostia Kulturaren laguntzarekin, euskarazko poesia zabaldu eta idazle gazteen lanari bultzada emateko asmoz poesia lehiaketa hau sortu dute.

Gaia, errima eta neurria libreak izango dira. Lanak aurkezteko epea 2017ko abenduaren 15ean amaituko da, eta saria 1.000 eurokoa izango da.

Gehiago irakurri

Langabeentzako doako euskara ikastaroak, 2017

2017-09-18

Donostiako Udalak doako euskara ikastaroak antolatuko ditu hiriko Euskaltegiekin lankidetzan langabezian dauden donostiarrei zuzenduta. Ikastaro hauetan izena emateko epea 2017ko irailaren 1etik 21era egongo da irekita (biak barne).

 

Gehiago irakurri