Euskaraz.net
Euskararen Txantxangorria Hemen ere Euskaraz Donostia.eus Ir directamente al contenido Donostiako Udala- eu
- es
Albisteak
San Sebastian Eguna iritsi da!!
2020-01-17
Urtero bezala, Donostian urtarrilaren 20an urteko egunik bereziena ospatuko dugu, San Sebastian Eguna, alegia. Izan ere, gaueko 0:00etan hasiko da jaia Konstituzio plazan Donostiako Danborradarekin eta, 24 orduz, danborren soinuak hiria hartuko du.
31. Koldo Mitxelena literatura lehiaketa martxan dago
2020-01-10
31. Koldo Mitxelena literatura lehiaketa martxan dago eta 8-18 urte bitarteko haurrek eta nerabeek parte hartu ahal izango dute. Lanak 2019ko otsailaren 6a baino lehenago aurkeztu beharko dituzte ikastetxeetan zein Udaleko Euskara Zerbitzuan eta bost lehiaketa mota bereiziko dira, kategoria guztiak adin tarte guztietan eskainiko ez badira ere: komikia, olerkia, ipuina, bertso papera eta mikroipuina.
Euskarabenturan parte hartzeko epea zabalik martxoaren 15a arte
2020-01-09
Euskarabentura Euskal Herriko herrialde, hiriburu eta Gizateariaren Ondare guztietatik oinez igaroko den espedizioa da. Espedizioa 2003 eta 2004 urteetan jaiotako gazte euskaldunentzat zuzendua dago eta, parte hartzeko, lan bat aurkeztu behar dute eta motibazio gutun bat. Hori guztia martxoaren 15a baino lehenago aurkeztu behar dute.
Mintzalaguna egitasmoan parte hartzeko izen-ematea zabalik
2020-01-07
Mintzalaguna egitasmoan parte hartzeko izen-ematea zabalik da urtarrilaren 7tik 24ra arte. Donostiako Udaleko Euskara Zerbitzuak eta Bagera elkarteak lortutako akordioari esker, 25 euro soilik ordaindu behar dute praktika behar duten parte hartzaileek. Egitasmo hau euskaraz aritzeko ohitura, trebetasuna eta erraztasuna lortu nahi duten euskara ikasleei zuzenduta dago eta berebiziko garrantzia du ezagutzatik erabilerarako jauzia emateko.
Hiriko Euskararen Plan Orokorra berritzeko prozesua martxan da
2019-12-13
Euskara Zerbitzuaren Donostiako Euskararen Plan Orokorra 2015-2019 amaitzear da. Hori dela eta, martxan da berrikuspen prozesua datozen bost urteetarako plana egitek0. Prozesu horretan, Donostiako hainbat elkarte eta eragilen parte hartzea eta ekarpena oinarri izango da. Bost urteotan egindako lana herritarren artean banatu den argitalpen batean jaso da.
Udako ikastaroen diru-laguntzen behin betiko zerrenda argitaratu da
2019-12-11
2018-2019 ikasturtean udako ikastaroetan euskara ikasten aritu direnentzako diru-laguntzen behin betiko zerrenda argitaratu da. Behin betiko ebazpenak amaiera ematen dio administrazio-bideari. Ebazpenaren aurka beraztertze errekurtsoa jarri ahal izango da Donostiako Udaleko Tokiko Gobernu Batzarraren aurrean, eta horretarako hilabeteko epea izango da. Bestela, zuzenean aurkaratu daiteke bi hilabeteko epean, txandaz egokitzen den Donostiako Administrazioarekiko Auzien epaitegian.
Erraza da, Parte Zaharreko ostalarientzako egitasmo pilotuak, bigarren hiztegitxoa izango du
2019-11-14
Donostiako Udaleko Euskara Zerbitzuak, ostalaritzan euskararen erabilera sustatu nahian, “Erraza da” proiektu pilotua jarri zuen apirilean martxan Parte Zaharreko establezimenduetan. Egitasmo hau jatetxe zein tabernetan lan egiten duten eta euskara ez dakiten zerbitzari eta langileei zuzendua egon da eta harrera ona izan du. Taberna eta jatetxe guztiak bisitatu eta gero, 70 establezimendutako 209 langile animatu ziren egitasmo berritzaile honetan parte hartzera.
Euskara ikasteko matrikulazio kanpaina zabalik
2019-09-16
Donostiako Udalak eta hiriko euskaltegiek eta zentro homologatuek euskara ikasteko deia egin diete donostiarrei. 2019-2020 ikasturtean euskara ikasi nahi dutenek izena emateko aukera dute irailean hiriko euskaltegietan eta zentro homologatuetan. Udaleko Euskara Zerbitzuak euskara ikasteko diru-laguntzak emango ditu.
Auzoetako euskara batzordeek 47.000 euro jasoko dituzte
2019-07-23
Udaleko Euskara Zerbitzuak auzoetako euskara batzordeen egitasmoak finantzatzeko 47.000 €ko diru laguntza eman du. Diru kopuru hori 11 auzotan (Aiete,Altza, Amara Berri, Añorga, Bidebieta,Egia, Intxaurrondo, Loiolako Erribera, Martutene, Morlans eta Parte Zaharra) banatuko da, horietan osatuta baitituzte euskara sustatzeko batzordeak.
Euskaragida.eus webguneak euskarazko kultur eta aisialdiko produktuak jasotzen ditu
2018-12-20
Donostiako Udaleko Euskara Zerbitzuak euskaragida.eus izeneko euskarazko kultur eta aisialdiko produktuen gida argitaratu du. Bakarka, lagun artean nahiz familian aisialdia euskaraz gozatzeko era guztietako eta adin guztiei zuzendutako produktuak jasotzen dira bertan: aldizkariak, komikiak, DVDak, joko eta jolasak, musika, liburuak, hiztegiak, gurasoentzako nahiz euskara ikasteko material berezitua, web orri interesgarriak eta abar.