Donostiako Euskara

"Donostiako Ahotsak" egitasmoa

Donostiako Udaleko Euskara Zerbitzuak Donostiako ahozko ondarea jaso, antolatu eta hedatzeko proiektua martxan jartzea erabaki zuen 2009. urtean. Lan hori burutzeko Badihardugu Euskara Elkartearekin hitzarmena sinatu zuen, eta lan horretan ari dira, Donostiako Ahotsak proiektuaren bitartez.

Euskararen normalizazioaren ikuspegitik garrantzi handiko zeregina da tokian tokiko hizkerak jasotzea eta horiei behar bezalako zabalkundea ematea. Proiektu honen bitartez Donostiako herritarren eskueran bertako hizkerari buruzko informazio interesgarria jarriko da interneten, Ahotsak.eus webgunean, eta ondare hori ezagutu ahal izango da.

Proiektu honen helburu nagusia da, Donostiako ahozko ondarea eta hizkera katalogatu eta hedatzea; hau da, gure adineko jendea elkarrizketatu eta euren euskara eta bizipenak jasotzea eta herritarren artean zabaltzea.

Helburu hori lortzeko, dagoeneko eginak dauden grabazioak berreskuratuko dira, grabazio berriak egingo dira, lortutako elkarrizken inguruko informazioa datu-basea batean txertatzen da eta Grabazioak landu eta webgunera igotzen dira.

 

Lan guzti hau bukatu ondoren, Donostiako Euskararen azterketa lanaren emaitza lortu eta denon eskura jartzea da helburua.

 

Ahotsak Ikasgelan

Ahozko ondarea, memoria historikoa eta transmisioa ikasgelan lantzeko materiala prestatuta dago eta osatzen ari dira.

Materiala gaiaren arabera sailkatuta daukate, hainbat joku prestatu dituzte, euskalkitegia jolasa ere eskura dute, eta erabat osatzen ari dira.

Ahotsak Ikasgelan

Ahotsak programan parte hartu duten adineko donostiarrei esker ona

Ahotsak programan parte hartu duten adineko donostiarrei esker ona adierazi nahi izan die Donostiako Udalak. Donostiar hauek euskara transmititu dutelako hitz egiten dute gure hizkuntza gaurko belaunaldiek.

Donostiako ahozko ondarea katalogatu eta hedatzeko Ahotsak programan parte hartu duten 138 donostiar eta euren ondorengoak gonbidatu dira azaroaren 29an, 12:00etan, San Telmon egin den “Euskara, etenik ez duen haria” ekitaldira. Donostiar hauek elkarrizketatuak izan ziren eta euren euskara eta bizipenekin 3.000 bideo/pasarte jasota daude www.ahotsak.eus/donostia web atarian.

Familia guztiak etorri ez badira ere, 300 bat lagun bildu dira San Telmoko Elizan eta Tanttakak prestatutako ikuskizun zoragarriaren ondoren tertulia goxoan egon dira eskainitako luncharen inguruan.

Hemen aurkezten dizuegu ekitaldi osoaren bideoa, edo nahiago baduzue, laburpena ere ikus dezakezue:

Itzuli