Izarrak Plazara

5-17 urte bitarteko haur eta gazteen artean euskarazko sormen artistikoa sustatu eta ondo pasatzeko ekimena da.

Taldean edo bakarka, euren abileziak jendaurrean erakusteko ekimena da: musika tresnak jotzea, kantatzea, dantzatzea, antzerkia egitea, txisteak kontatzea, bertsoak kantatzea, magia egitea, zirku ikuskizunak eskaintzea...

Izarrak Plazara 2012. urtean sortu zen Intxaurrondoko Plazara Goaz euskara elkartearen ekimenez, auzoko Kultur Etxeak lagunduta (Donostia Kultura) eta beste erakunde batzuen babesarekin. Aurten, berriz, Bagera Donostiako Euskaltzaleen Elkarteak, Donostia Kulturak, Donostiako Udaleko Euskara Zerbitzuak eta Donostiako Udaleko Gazteria Sailak hartu dute haien gain ekimena, eta emanaldi nagusiak Olatu Talka jaialdiaren baitan egingo dira.

Programa bi kategoriatan banatzen da, adinaren arabera: 5-11 urte bitartekoak eta 12-17 urte bitartekoak. Partaideek taldeka edo bakarka aurkezteko aukera dute eta ikuskizun originala edo moldatua izan daiteke. Ikuskizunak gehienez 5 minutukoak izaten dira eta euskaraz izan behar dute. Abilezia erakusteko musika lagungarri gisa erabiliz gero, esaterako, dantza egiteko, musika lagungarri hori edozein hizkuntzatan izan daiteke, baina euskaraz izatea hobesten da.

2017ko izen-ematea

Izarrak Plazara promoziorako

  • 5-11 urte bitartekoak: Izen-ematea: Donostiako haurtxokoetan (asteartetik larunbatera arratsaldez)

Izena emateko epea guztientzat: Martxoaren 17ra arte (hau barne).

Donostiako Euskaltzaleen Bagera Elkarteak, Donostiako Udaleko Euskara Zerbitzuak eta Gazteria Sailak, eta Donostia Kulturak  elkarlanean antolatu dute Izarrak Plazara lehiaketa eta emanaldi nagusia Olatu Talka jaialdiaren baitan egingo da. Lehiaketaren helburu nagusia gazteak elkarrekin euskaraz ongi pasatzea da, eta sormen artistikoa sustatzea.: Musika jotzea, kantatzea, abestea, magia egitea, zirku ikuskizunak eskaintzea eta abar.

Helburu horiek betetzeko asmoz abilezia lehiaketa antolatu da, 18 urte bitarteko gazteentzat. Bi kategoria egongo dira: 5-11 urte eta 12-17 urte bitartekoak. Parte hartzea doan da, bakarka zein taldeka aritzeko aukera dago, neska-mutilez osatutako taldea hobetsiz

Saioak 5 minutu ingurukoak izango dira eta euskaraz izan beharko dute. Abilezia erakusteko musika lagungarri gisa erabiliz gero, esaterako, dantza egiteko, musika lagungarri hori edozein hizkuntzatan jarri ahal izango da,baina euskaraz izatea hobetsiko da.

12-17 urte bitartekoak

Izena ematen dutenek casting bat egin beharko dute apirilaren 7an Kontadoresen, eta horietatik, emanaldi nagusirako 6 bakarlari edo talde aukeratuko dira. Emanaldia Olatu Talka jaialdiaren baitan egingo dute, maiatzaren 21ean. Castingean aukeratutakoek aditu talde baten laguntzaz euren ikuskizunak hobetu ahal izango dituzte, tailer batzuek bidez. Adituak ondorengoak dira: Ainhoa Aierbek (Aktorea eta kantaria), Twin Melody musika taldea (GOAZEN-eko aktoreak) eta Edu Murumendiaraz (dantzaria). Tailer horiek Kontadoresen egingo dira apirilaren 24tik maiatzaren 18ra bitartean.

5-11 urte bitartekoak

Izena ematen dutenek entseguak izango dituzte apirilaren 4tik maiatzaren 12ra antolatzaileek ezarriko dizkieten egun eta orduetan.

Izena eman eta entseguetara joandako guztiek maiatzaren 20an Aiete Kultur Etxean egingo den emanaldian parte hartuko dute. Izen emandako jende kopuruaren arabera egun berean beste emanaldi bat egingo da Etxarrienen.

Partaide guztiek gurasoen edo tutoreen baimen sinatua eraman beharko dute castingaren egunean edo entseguen egunetan (12-17 urtekoentzat baimen inprimakia Olatu Talkaren webgunean dago eta 5-11 urtekoentzat Haurtxokoetan).

Informazio gehiago: www.olatutalka.eus webgunean eta Bagera Elkartean bagera@bagera.eus helbidean edo 943 005 074 telefono zenbakira deituz.

 

 

 

 

Izarrak Plazara 2016ko irabazleak

Ekainaren 18an Izarrak Plazara talentu lehiaketaren V. edizioaren finala ospatu genuen Intxaurrondo Kultur Etxean Bagera Elkartearekin, Plazara Goaz Intxaurrondoko Euskara Batzordearekin eta Donostia Kulturarekin elkarlanean.

7 ikuskizun iritsi ziren finalera: Itxaso Trekuk, bakarlariak, Zea Maysen “Negua joan da ta” abestia kantatu zuen. Lagunekin dantzan taldeak, berriz, dantza ikuskizun bat eskaini zuen. 8 ikaslez osatutako taldeak akrobazia eta abilezia aparta erakutsi zuten oholtza gainean.  Ondoren, Izar distiratsuaken txanda iritsi zen. 11 urteko 5 neskek beraiek sortutako arrazakeriaren inguruko  obra bat antzeztu zuten. 4. ikuskizuna Emma Herrerarena izan zen. Herrerak pianoarekin lagunduta kanta bat hautatu zuen talentu lehiaketarako. Potato Dueten txanda izan zen jarraian. 17 urteko bikote gazteak irriak eta txalo ugari lortu zituen eskainitako antzezlanarekin. Talentu lehiaketaren azken aurreko ikuskizuna Lauazeta Zunba taldearena izan zen. 7 neskek 3 abestiz osatutako koreografia taularatu zuten eta  azkenik, Kimuak taldearen antzerkia izan zen ikusgai. “Eurobisionera goaz?” izenburua jarri zioten eskainitako antzezlari.

Guztiek talentu bikaina zutela argi erakutsi zuten taula gainean eta epaimahaikideek (Ainhoa Aierbe, Karlos Ngema eta Ane Bastida) beraien denbora hartu zuten 3 sariak aukeratzeko garaian.

Hona hemen epaimahaikidek aukeratutako 3 sarien irabazleak:

12 urte beherakoen 1 saria: Kimuak taldea

13-18 urte bitarteko saria: Potato Duet

Euskararen saria: Izar distiratsuak

Ikusleen saria, berriz, Lauaizeta Zumba taldeak irabazi zuen.

Zorionak guztiei!

Hemen duzue finaleko ekitaldiaren laburpena. Hamaika Telebistak egindako bideoa da.

 


 

Itzuli