Euskara ikasteko diru laguntzak

Donostiako Udaleko Euskara Zerbitzuak euskara ikasteko diru laguntzak ematen dizkie donostiarrei edo donostiarrak ez izanda ere bertan lan egiten dutenei.
 
Diru laguntza hauek HABEk homologatutako euskaltegiek eta zentroek emandako euskalduntze eta alfabetatze ikastaroetan parte hartzeagatik ematen dira.

Ikastaro hauek dira diruz laguntzen direnak:
  • neguko ikastaroak
  • udako ikastaroak
  • neguko zein udako barnetegiak
  • autoikaskuntza ikastaroak

Erlazionatutako estekak

2016-2017 ikasturteko diru laguntzak. Akats zuzenketa, udako ikastaroak

 

Begiratu zerrenda honetan zure diru laguntza eskaeraren egoera.

 

Aurkeztutako dokumentazioak akatsen bat baldin badu edo osatu gabe baldin badago, hamar eguneko epea duzu hutsak konpontzeko.

 

* Akatsak zuzentzeko epea: 2017ko urriaren 17tik 26ra (biak barne)

* Lekua. Euskara Zerbitzua, Konstituzio  plaza, 2

* Ordutegia: 9:00-14:00

Emandako epea amaitu eta akatsak konpondu ez badira, eskaera bertan behera utzi dela joko da, eta prozedura artxibatu egingo da, 30/1992 legearen 71. artikuluak adierazitakoarekin bat ebazpena eman ondoren (oinarrien 8. artikulua).

Behin-behineko ebazpen proposamenaren data:

2017ko azaroaren 6a.

2017-2018 ikasturteko diru laguntzak

Eskabideak aurkezteko epeak:
  • Urrian hasten diren ikastaroak: 2017ko urriaren 2tik azaroaren 17ra (biak barne)
  • Otsailean hasten diren ikastaroak: 2018ko otsailaren 1etik 28ra (biak barne).
  • Autoikaskuntza, Barnetegiak eta Udako ikastaroak: ikastaroa hasi eta 30 eguneko epean.
Eskabideak aurkezteko lekuak:
  • Internet bidez edo papereko Eskabidean
  • Euskara Zerbitzua: 9:00-14:00
  • UdalInfo bulegoak: Udaletxeko bulegoa, 9:00-14:00 eta 16:00-18:00
  • UdalInfo: Altza, 9:00-14:00
  • UdalInfo: Morlanseko bulegoa, 9:00-14:00
Diru laguntza jasotzeko baldintzak:
  • 16 urtetik gorakoa izatea eta Donostian erroldatuta egotea edo egoitza soziala Donostian duen enpresa edo entitate batean lan egitea.
  • Eskabidea behar bezala beteta eta derrigorrezko dokumentazioa dagozkien epeen barruan aurkeztea.
  • Ikastaroa amaitzerako matrikula ordainduta izatea.
  • Helduen Euskalduntzearen Oinarrizko Curriculumak jasotzen dituen azpimailetako bat gainditzea gutxienez.
  • Zerga ordainkizunetan egunean egotea (Ogasuna eta Udal Zerga Biltegiko Atala) eta Gizarte Segurantzaren aurrean.
 Diru laguntzetatik kanpo geratuko dira:

Azaroaren 17an onarturiko diru laguntzen 38/2003 Lege orokorreko  13.2 artikuluan (2003ko azaroaren 18ko BOE) xedaturiko baldintzetako batean dauden pertsonek ezingo dituzte jaso diru laguntza hauen onurak.

Erantsi beharreko dokumentazioa:

 

 

2016-2017 ikasturtea, diru laguntzen behin betiko zerrenda

 

2016-2017 ikasturtean neguko ikastaroetan euskara ikasten aritu direnentzako diru laguntzen behin betiko zerrenda

 

Behin betiko ebazpenak amaiera ematen dio administrazio-bideari. Ebazpenaren aurka birjarpen errekurtsoa jarri ahal izango da Donostiako Udaleko Tokiko Gobernu Batzarraren aurrean, eta horretarako hilabeteko epea izango da. Bestela, zuzenean aurkatu daiteke bi hilabeteko epean, txandaz egokitzen den Donostiako Administrazioarekiko Auzien epaitegian.

 

Diru laguntzen datuak: azken ikasturtean emandako diru laguntzak

(2015-2016 ikasturtea)

  • Diruz lagundutako eskabideak, guztira: 1.177
  • Emandako diru laguntzak, guztira: 223.679,96 €
Itzuli