Gurasoentzako euskara ikastaroak

Ikastaro hauen helburua da, 2-12 urte bitarteko haurrak dituzten guraso erdaldunak euskarara hurbiltzea, eta guraso euskaldunei hizkuntza gaitasuna hobetzeko aukera ematea.

Ikasturtearen amaieran eta hasieran ikastetxeek eta guraso elkarteek informazioa jasoko dute Donostiako Udaleko Euskara Zerbitzutik. Bertan azalduko da ikastetxean guraso taldeak antolatu nahi izanez gero eman beharreko urratsak.Ikastetxearen edota gurasoen elkarteen bidez antolatuko dira taldeak, euskaltegi baten laguntzarekin.

Izen emateko jarraitu behar diren urratsak

Ikastetxeak edo Guraso Elkarteak euskara ikasteko guraso taldeak antolatu nahi baditu, zer egunetan eta zer ordutegitan eskaini nahi dituen erabakiko du. Eskaintza honen berri emango zaie guraso guztiei eta izen emateko epea jarri.

Ondoren (edo aurretik) Donostiako euskaltegi homologaturen batekin jarriko da harremanetan, nahi duenarekin, gertuen edo gustukoen duenarekin, eta euskaltegiak lagunduko dio ikastetxeari taldeak antolatzen, ikasleen mailaketa egingo du, taldeen berri emango dio Euskara Zerbitzuari...

Ikastaroaren ezaugarri orokorrak
  • Iraupena: 60 ordu, urria-maiatza
  • Erritmoa: 2/3 ordu astean
  • Ordutegia: ikastetxearen esku
  • Taldeak: 9-15 ikasle
  • Matrikularen prezioa: 60 €

Printzipioz, erritmo apaleko ikastaroak dira. Urri aldera hasi eta Aste Santu aldera amaitzen dira, baina malgutasun handiarekin jokatzen da. Talderen batek erritmo biziagoan aritu nahi badu, egin dezake, eta horrela aukera izan dezake modulu bat amaitzean bigarren bat egiteko ikasturte berean.

Eskaerak aurrekontua gaindituko balu lehentasuna izango dute 2-7 urte bitarteko haurrak dituzten gurasoek.

 

Diru laguntzen datuak

2016an emandako diru laguntzak

  • Sortu diren taldeak, guztira: 24
  • Lagundutako guraso kopurua : 244
  • Emandako diru laguntza: 16.995,68 €

2016-2017 ikasturtea

Ondoko ikastetxeetan daude guraso taldeak:

  • Aitor
  • Amara Berri
  • Jakintza
  • La Salle-San Luis
  • Claret-Mariaren Bihotza
  • San Ignacio
  • Santo Tomas
  • Zuhaizti
  • Zurriola
Itzuli