"Gu ere bertsotan" egitasmoa

Gipuzkoako Bertsozale Elkarteak ahozkotasuna eta bertsolaritza sustatzeko lehen hezkuntzako ikastetxeetan garatzen duen programa da. Bertsolariak ikastetxeetara joaten dira eta haurrekin batera bertsogintza lantzen dute. Euskal Herriko herri askotan lantzen da eta arrakasta handia du gaztetxoen artean.

 

Donostian 2007-2008 ikasturtean abian jarritako programaren helburuak  asko dira: ahozko komunikazioa lantzea, sormena bultzatzea, jendaurrean egoteko eta hitz egiteko oztopoak gainditzea, ideiak ordenatzen ikasten laguntzea, komunikatzaile onak sortzea eta bertsozaletasuna sustatzea.

Gu ere bertsotan ekimena bi urtetan lantzeko aurreikusia dago, LH4-5 edo LH5-6 mailetan. Ikastetxeen esku dago urtebetez edo bi urtetan lantzea , eta mailak aukeratzea.

Ikasturte osoan bertsolaritza lantzen aritu eta gero, gaztetxo guztiak jendaurrean aritzen dira bertsotan Antzoki Zaharrean antolatzen den jaialdian.

 

Gaztetxoak bertsotan Antzoki Zaharrean

    Haurrak bertsotan Antzoki Zaharreko jaialdian

Funtzionamendua

Urrian hasten da

Hamabostean behin bertsotan aditua den kidea joango da ikastetxera eta gela bakoitzarekin ordu betez landuko du programa. Gelako irakasleak bertan egon behar du. Hurrengo asterako lana prestatuta utziko dio bertsolariak irakasleari beronek lantzeko. Zentroko irakasleari ez zaio bertsolaritzarekiko ezagutzarik eskatuko, baina bai jarrera parte-hartzailea izatea.

Jarraipen Batzordea

Ikasturtean zehar, martxo aldera, jarraipen bilera bat egingo da ikastetxe guztiekin. Gipuzkoako Bertsozale Elkarteko ordezkariez gain, Donostiako Udaleko Euskara Zerbitzukoak ere bertan izango dira. Besteak beste, programa baloratuko da, gazteen motibazioa, materiala eta ordutegiak.

Jaialdiak Antzoki Zaharrean

Ikasturte bukaeran, “ikasturte amaierako jaialdiak” antolatuko dira. Jaialdi hauek eskola orduz kanpo izango dira Antzoki Zaharrean, eta bertan, ikastetxe ezberdinetako ikasleek hartuko dute parte.

 

Bertso jaialdiak eguberri aurretik

Bertso jaialdia Ibaetan 2016an

Iazko bideari jarraituz, aurten ere, eguberriko oporren aurretik Gu ere bertsotan programan dabiltzak gaztetxoek aukera izango dute beren irakasle-bertsolariak kantuan ikusteko, gaiak proposatzeko...

Datak Gipuzkoako Bertsozale Elkarteak zehaztuko ditu ikastetxeekin batera.

2016-2017 ikasturtea

2016-2017 ikasturtean Donostiako 25 ikastetxetan landuko dute Gu ere bertsotan programa, guztira 64 taldetan.

Ikastetxeen zerrenda:

1. Aitor ikastola (2)
2. Altza ikastetxea (3)
3. Amassorrain ikastola (2)
4. Arantzazuko Ama ikastola (3)
5. Axular lizeoa (4)
6. Claret (1)
7. Ekintza ikastola (4)
8. Herri Ametsa ikastola (4)
9. Igeldo ikastetxea (1)
10. Ikasbide ikastola (2)
11. Intxaurrondo ikastola (1)
12. Jakintza ikastola (3)
13. Katalin Erauso ikastetxea (1)
14. La Anunciata ikastetxea (1)
15. La Salle ikastetxea (2)
16. La Salle-San Luis ikastetxea (2)
17. Larramendi ikastetxea (2)
18. Maria Reina ikastetxea (2)
19. Mundaiz ikastetxea (2)
20. Ntra Sra Aranzazu ikastetxea (2)
21. Orixe ikastola (4)
22. Santa Teresa ikastetxea (2)
23. Santo Tomas lizeoa (4)
24. Summa – Aldapeta ikastetxea (4)
25. Zuhaizti ikastetxea (6)

 

Itzuli