"Irakurriz gozatu" egitasmoa

“Irakurriz gozatu” Gaztezulo aldizkariak Donostiako ikastetxeetako Batxilergoko eta Lanbide Heziketako ikasleentzat prestatu duen ekimena da. Programa honen helburua gazteen artean euskal prentsa ezagutarazi, euskarazko produktu idatzien kontsumoa bultzatu eta euskaraz irakurtzeko ohitura zabaltzea da.

 

Ekimenak urte hasieran egiten da eta hiru hilabete irauten du, otsailetik apirilera.   Ekimen honen bitartez  Donostian Lehen eta bigarren mailako Batxilergoa eta Lanbide Heziketa ikasten ari diren ikasleek (20 bat ikastetxe eta bi mila ikasletik gora) Gaztezulo  hilabetekaria irakurri eta ezagutzeko aukera izaten dute.

Ikasle bakoitzak hilabete horietako aleak, hiru alegia, doan jasoko ditu bere ikastetxean.

Gaztezulo, Donostian sortu eta gaur egun Euskal Herriko gazteentzako dagoen euskarazko aldizkari bakarra da.

Beitu! 2017 urtea

Urteetan zehar ‘Irakurriz Gozatu’ ekimena martxan egon da Donostiako hainbat ikastetxetan, Donostiako Euskara Zerbitzuak bultzatuta. Bertan euskarazko irakurzaletasuna sustatzeko, hiru hilabetez GAZTEZULO aldizkaria DBH4 eta batxilergoko bi mailatan doan banatzen zen. “Irakurriz Gozatu”ren eraginkortasuna baina, gutxitzen joan da adin tarte horretako gazteen artean ondorengo aldagaiak direla eta:

-Gazteen kontsumo ohiturak erabat aldatzen ari dira, teknologia berrietara egokituz.

-Sare sozialak etengabeko Informazio eta aisialdi iturri dira gazteentzat (Instagram, whatsapp, Facebook, …)

-Irakurri eta kontsumitzen dituzten edukiak gazteleraz eta ingelesez dira ehuneko maila handi batean, eta gainera, askok gailu digitalak erabiliz irakurri eta kontsumitzen dituzte.

-Gazteek erabiltzen dituzten edukien artean euskarak ez du ia presentziarik.

Hori guztia dela eta, egitasmo berri bat martxan jartzea erabaki da:

Beitu! egitasmoa

  • Formatoa: Plataforma digital pribatu bat da (webgune itxura), soilik helbidea duenak ikus dezakeena eta mugikor eta tabletetara erabat egokitua.
  • Helbidea eta edukia partekatu daiteke: Bai, edukia erabat irekia eta partekagarria izango da (whatsapp, Facebook, … erabiliz) eta helburuetako bat ahalik eta gazte gehienetara iristea izango da.
  • Pribatua baino Publikoa: Pribatutasuna, erosten den produktua delako da, bestela edozein pertsonak atzigarri izango luke, udalek ordaindutakoa; eta irekia, partekatzeko aukera emateko da. GAZTEZULO aldizkariarekin gertatzen dena da: aldizkaria lortzeko ordaindu beharra dago, baina ondoren aldizkari hori inguruko edonork ikusteko aukera izango du.

  • Edukia: 14-18 urte bitarteko gazteen aisialdiarekin lotutako euskarazko edukiak (euskaraz ondo pasatzeko), eta gazteen aisialdiarekin lotutako euskarazko eduki hezitzaileak
  • Taldekako parte-hartzea sustatuko duten zenbait atal (lehiaketak, …)
  • Kontsulta pribatuetarako aukera (sexu kontsultak)
  • Edukien formatua: bideoak, elkarrizketak, erreportajeak, gifak, …

 

2015-16 ikasturtea

2015-16 ikasturtean Irakurriz Gozatu ekimenarekin jarraituko dugu.

2016ko otsaila, martxoa eta apirileko alea jasoko dute, ikastetxean bertan, Donostiako Batxilergoko eta Lanbide Heziketako ikasleek, euskarazko irakurzaletasuna bultzatzeko asmoz.

Azken alearekin batera bere iritzia jasotzeko inkesta bat pasako zaie, eta horren bidez ekimena bera hobetzen saiatuko gara.

Itzuli