Euskaraz.net
Euskararen Txantxangorria Hemen ere Euskaraz Donostia.eus Ir directamente al contenido Donostiako Udala- eu
- es
Zein da euskarazko zure hitzik kuttunena?
2020 / 04
Parteka ezazu zure hitza, Donostia bisitatu ezin dutenek, hiria beste modu batera ezagutu dezaten. Gure bereizgarri nagusiaren bidez: euskara. Une zailak eta ziurgabetasun handikoak bizitzen ari gara. Garrantzitsuena, orain, ospitaleetan dago. Elikadura dendetan, farmazietan edo autobusetan lanik egin behar ez dugunok, arduraz, etxetik ez irtetea da egin dezakegun gauzarik onena.
Etxealdia, hizkuntza ohiturak aldatzeko bidea
2020 / 03
Koronabirusak eragindako konfinamenduak behartuta, etxekoen arteko harremanak biderkatu egin zaizkigu egun hauetan ezinbestean, bai aurrez aurre, bai telefonoz; eta, zalantzarik gabe, egoera bitxi eta berri honen aurrean, aukera berriak zabaldu zaizkigu. Guk horietako bat proposatu nahi dizuegu.
Itxialdia arintzeko euskarazko eskaintza
2020 / 03
Koronabirus familiako Covid19 birusak gure bizimodua aldatu du eta etxean euskaraz ere disfrutatzeko aukera zabala eskainiko dizuegu. Hasierako loturak Euskara Zerbitzuak online eskaintzen dituen hainbat zerbitzutakoak dira eta, gainerakoak, umeek zein helduek egonaldia arintzeko moduko beste aukera batzuk bildu ditugu. Animo eta denon artean lortuko dugu!!
XX. Donostia Antzerki Saria ATX konpainiaren “7ak bat” antzezlanarentzat
2020 / 03
ATX konpainiaren “7ak bat” antzezlanak lortu du Donostiako Udaleko Euskara Zerbitzuak eta Donostia Kulturak antolaturiko XX. Donostia Antzerki Saria. Lan hori da Donostian 2019an helduentzako antzerki konpainia profesional batek euskaraz eskainitako antzezlanik onena. ATX konpainiak 12.000 euro jasoko ditu eta Amable Ariasenartelana. Saria emateko ekitaldia gaur, martxoaren 27an, Antzerkiaren Nazioarteko Egunean, izatekoa zen, baina, Koronabisura dela eta, ekitaldia bertan behera geratu da.
Parketarrak egitasmoa bertan behera geratzen da
2020 / 03
Parketarrak egitasmoa, haurrak euskaraz jolasteko ekimena, bertan behera geratzen da. Gaur Amaran, Amara Berrin eta Loiolan bideratzeko asmoa zegoen, baina ez da saiorik egingo eta bihar Aieteko, Bidebietako, Ibaetako eta Groseko deialdiak ere bertan behera geratzen dira. Eskerrik asko parte hartu duzuen guztioi!
Mintzalaguna
HIZKUNTZA OFIZIALAK
Zabalpen handiko komunikazioetan (kartelak, esku orriak...) edota ekitaldietan euskararen erabilera sustatzeko, bi hizkuntza ofizialen erabileraren praktika onak aurkituko dituzue ondoko argitalpenean.
Gainera, Euskara Zerbitzuak irabazi asmorik gabeko elkarte eta entitateei hizkuntza aholkularitza eta testuen zuzenketa zerbitzua eskaintzen die, betiere zerbitzuaren baldintzak eta ezaugarriak betez gero.
Itzulpen eta zuzenketarako tresnak
Euskarazko testuak sortzerakoan edota itzulpenak zein zuzenketak egiterakoan sortzen diren zalantzak argitzeko tresnak daude hemen eskura. Lan arloko idatziak zuzenak izan daitezen zenbait aholku, ohar, eredu eta adibide eskaintzen dira bertan.
