Donostiako euskal idazleak

Bilatu

Bilaketa Kronologikoki

Aire neurtuak

Mujika, Luis MariHaranburu-Altuna, 1984 Poesia

Aurkezpena

        Poema honetan, Mujikaren metafora-mundu ohizkoa apalagoa bihurtzen da, bainan poemak lirikotasun fresko sotila lortzen du, ez bakarrik tematikaren aldetik, baita alde formalaren tratamendu estilizatutik. Poematxo bakoitzak bere muina eta xarma dauka. Bestalde, autoreak olerki «neurtu» baten menderakizun aparta azaltzen digu, noizbehinka gure lirika zaharraren sotiltasuna isladatuz. Hau da Mujikak ematen digun zortzigarren poesi-liburua.

Pasartea

Gari helduek dolore

 

 

    Gari helduek dolore

urre egosietan luze,

haize gizenen zaporez

garibizarrek ongunde,

pentsa etzuenak ustez

paisaje hontan amore

lehen izana beltz ta more

gerora itzultzean urre.

 

    Artazu-n gari horia

urre gozotan gizentzen,

margo haseak baitira

soroen bizkarra leuntzen

hontan dut hats, hontan kemen:

gariburuon mamia

—bozkarioz irekia—

zakidala gero onespen.

 

    —Gariok, nauzute hase,

ezin dut, ezin gehiago,

fingabeko uda zeharo

egin da zentzunon jabe,

beterik kanpo ta barne

nik ezin opa areago,

zuengan eskax dena be

betiro niretzat asko...

 

Idazlearen beste liburu batzuk

Atzera