Donostiako euskal idazleak

Bilatu

Bilaketa Kronologikoki

Arnas gaiztoa. Erromantzeen airera

Mujika, Luis MariHaranburu-Altuna, 1979 Poesia

Aurkezpena

        Luix Mari Mujikak poema liburu honetan «Hitzak ebakitzean» eta «Zortziko hautsiak» liburutan hasitako bide berri eta oparoa aurrera darama. Bide hori simbolismo kreatzaile eta surrealismoaren errotik doa, eta Mujikak, J. M. Lekuonak probatu duen bezela, klixe berriak eta oihartzun aberatsak ekarri dizkio euskal literaturari. Poema honetan autorearen metafora mundua eta irudimen ausarta da aipagarriena. «Erromantzeen airera» zatian euskal epika zaharra lirismo bizian umotua ikusten da.

Pasartea

Gauaren gaitz

 

Gauaren gaitz

egunak maiz

 

                      Egunak atarian

                arratsaren zauri

                (egunaren argia

                nola dudan senti!),

                niretzat bozkario

                egunaren berri,

                baina eguna gauez

                nekatzen zait hasi...

 

                       Gauaren gaitz

                       egunak maiz.

 

                Kantuz nabilelarik

                bizitzan igeri

                egunaren gurdia

                (ekaitz latza iduri)

                azidoz ta nekez zait

                gauean irauli...

 

                Ah, gauaren susmoa

                nola zaidan larri,

                nire amets eroak

                (jaio ez banendi!)

                gaur hits, hauts, huts, putz baino

                ez dira barnetik...

 

                        Gauren gaitz

                        egunak maiz.

 

                      Egunaren argia

                gauez itzal gazi,

                haurraren far-irria

                agureak samin,

                neke gaitzez eguna

                gau beltz zait itzuli,

                ah, bizi gazte hau zein

                zaharra jaiotzetik!!

 

                        Gauaren gaitz

                        egunak maiz...

 

Idazlearen beste liburu batzuk

Atzera