Donostiako euskal idazleak

Bilatu

Bilaketa Kronologikoki

Hutsatik ezperantzara

Irigoien, Joan MariCAP, 1975 Poesia

Pasartea

Altza:

    zu zinen nire jaioterri.

Ume nintzenean

    nire etxeko leihoak

          azkatasun bideak ziren.

Ume nintzenean

    zure odola

          berde-berdea zen,

        eta

zure magalean

    aurkitu nuen ama lurra.

Ume nintzenean

    mundu guztia

        agurtzen zen.

Zure odol berdean,

    pinpilinpauxak,

    xoriak,

    errekak,

    zuhaitzak,

                          gizonak.

    izadia nuen maite!

Otso

    diru-zurrupatzaileak

          etorri ziren arte.

Aurrerapenaren izenean,

            errekak zikindu,

            airea kirastu,

                          eta...

                                  M

                                  i

                                  l

                                  a

                                  P

                                  i

                                  s

                                  u

                                  k

                                  o

                                  D

                                  e

                                  a

                                  b

                                  r

                                  u

                                  a

                                  k

                                altxa

                              dituzte

Erraldoientzat

    aupatutako hilobiak

          diruditen

              dorre zatar horiek

                        zure berdea

                        lurperatu dute.

Hauts,

  ke,

      eta

          zimendu,

  lehen izadi bizia zinena,

  orain kanposantu.

  Izadi sarraskitua,

                  hila...

          Izadiarekin bat,

          gizonen begiratua ere

                          hotza...

                          Herri arrotza!

                          Herri-toki?

                              Zerri-toki...!

  Ume nintzenean,

        bai,

              nire etxeko leihoak

                                azkatasun bideak ziren.

                                Orain berriz,

            preso baten

  leihoak

dira.

        Dilin                                  Dalan

                Hemen bukatzen da

        Dilin                                  Dalan

                    herri baten

        Dilin                                  Dalan

                      historia

        Dilin                                  Dalan

                        Dalan.

Idazlearen beste liburu batzuk

Atzera