Oporretan Euskaraz 2022

Nolako udalekuak izango dira?

Udaleko Euskara Zerbitzuaren helburua da haurrei aisialdiaz euskaraz gozatzeko aukera eskaintzea. Egitarau zoragarria prestatzen ari da udalekuaz arduratzen den Urtxintxa taldea.

Izena ematean nahitaezkoa izango da Donostiako Udalak apirilaren  12an onartutako "Oporretan Euskaraz 2022 - Oinarriak eta Funtzionamendu arauak" onartzea.

 

Parte-hartzaileak

2017 – 2011 urte bitartean jaiotako haurrak (biak barne)


Udalekuaren data

Uztailaren 4tik 29ra


Ordutegia:

  • Astelehenetik ostiralera: 9:00-13:30
  • Zaintza zerbitzua eskainiko da: 08:30etatik 9:00etara (izena emateko garaian zerbitzua erabiliko den ala ez adierazi behar da)

 

Jasotze-puntuak

Eskola publikoak izango dira haurrak jasotzeko lekuak. Auzoak erabakitzerako garaian, hainbat irizpide kontuan hartu dira: auzoaren biztanle kopurua, euskaldunen portzentajea, euskara sustatzeko helburua duen beste udalekuren bat antolatzen ote den auzoan eta abar. Horren ondorioz, ondorengo  8 jasotze-puntu edo ikastetxe publiko erabiliko dira.

Toki bakar bat aukeratu behar da izena ematean.

 

AUZOA

IKASTETXEA
Parte  Zaharra
Orixe (Urgull,)
Altza
Altza Herri ikastetxea  (Txapinene kalea 21)
Amara Berri
Amara Berri-Salaberria (J.M.Salaberria 14)
Antigua
Jakintza (Heriz pasealekua 109)
Gros-Ategorrieta
Zuhaizti-Ategorrieta (Atarizar kalea 22)

   Aiete

     Aiete ikastetxea (Arostegi kalea 1)
Loiola-Loiolako Erriberak
Ikasbide (Pablo Gorosabel 1)
Intxaurrondo
Intxaurrondo Hegoa (Baratzategi 19)

 

Kuotak

 

 

OPORRETAN EUSKARAZ 2022

Arrunta

Familia ugaria

Familia ugari berezia

Guraso bakarreko familia

Gizarte laguntzadun familia

164,06 €

123,04 €

82,03 €

123,04 €

16,40 €

 Oharrak

  • Guraso bakarreko familiak ondokoak kontsideratuko dira: guraso bakar batek (Familia liburuan guraso bakar bat agertzen denean edo gurasoa alarguna denean soilik) eta seme-alaba batek edo gehiagok osatutako familia unitatea, baldin eta bere 2020ko soldata lanbide arteko soldata 2,5 aldiz baino txikiagoa izan bada (13.300 x 2,5 = 33.250 €). Egoerak kobraketa egunaren aurretik ez badira egiaztatu, kuota osoa ordainaraziko zaie familiei.
  • Gizarte-laguntza jasotzen duten familietako haurrak. Egoera hau Donostiako Udaleko Gizarte Zerbitzuen bidez egiaztatuko da.

 

Izen ematea egiteko eta urrats guztien jarraipena egiteko (izen ematea ondo dagoela ikusteko, zozketaren emaitza, egokitu zaion/zaien taldea):

  • INTERNET BIDEZ. Izen ematean jarri den NAN zenbakiarekin begiratu ahal izango da, eta soil-soilik NAN horri lotutako datuak ikusi ahal izango dira.
  • Udaleko Euskara Zerbitzuaren bulegoan: Konstituzio plaza, 2 behea). Ordutegia: 9:00 – 14:00. Inprimakia bete behar da.

 

Data garrantzitsu batzuk:

  • Maiatzaren 2tik 10era: izena emateko epea
  • Maiatzaren 23an: zozketa
  • Maiatzaren 31etik aurrera: epez kanpoko izen emateak libre geratzen diren plazak bete arte edo bajak badaude.
  • Ekainaren 3an kobratuko da izen emate kuota, bakoitzak adierazitako kontu korrontean.
  • Ekainaren 10ean taldeak osatuko dira, eta zozketaren emaitza kontsultatu den modu berean ikusi ahal izango dute familiek.
  • Ekainaren amaieran, Udaleko Euskara Zerbitzuak onartutako haur bakoitzaren familiari jakinaraziko dio Udalekuari buruzko informazioa.


Bi modu izena emateko:
Aukera egin aurretik, arretaz irakurri izena emateko modu bakoitzaren azalpena. Kontuan izan haur bakoitzak modu bakar batean egin dezakeela eskaera.

  • Banakako izen-ematea: haur bakoitzak izen-emate orri bat beteko du, eta zozketan parte hartzeko zenbaki bat izango du.
  • Taldekako izen-ematea: gehienez hiru lagun edo senide izan daitezke. Aukera hau erabiliz gero, elkarrekin izena emandako guztiak zenbaki bakar batekin sartuko dira zozketan. Beraz, bi aukera bakarrik daude: horietako denek lekua lortzea edo, bestela, denak kanpoan geratzea. Talde hau osatzen dutenak adin ezberdinekoak izan daitezke.

 

Zozketari buruz:

Dagoen aurrekontuak eta izen emateak ahalbidetzen duen talde kopurua osatuko da, eta zozketa publiko bidez eskainiko dira plazak.
Zozketa maiatzaren 23an egingo da. Aurrerago jakinaraziko da ordua eta lekua.

Emaitzak maiatzaren 23an, arratsaldean, argitaratuko dira. Izen ematean emandako NAN zenbakia erabiliz ikusi ahal izango da izen emate horri dagokion emaitza hemen, edo telefonoz deituta.

 

Plaza libreak eta epez kanpoko izen emateak

Zozketa ondoren baja batzuk egon ohi direnez, sortu diren leku libreak ikusgai egongo dira www.donostiaeuskaraz.eus web gunean, eta epez kanpo izen emateko aukera egongo da ohiko bideetatik: inprimakia beteta eta bulegora ekarrita, emailez bidalita (udala_euskara@donostia.eus). Eta internetez hemen.

Matrikula ordaindu ondoren ez da dirurik itzuliko, baldin eta udalekuan esku hartzeko ezinbesteko ezintasuna idatziz eta modu frogagarrian adierazten ez bada.

Itzuli