Euskaraz.net

Edizio honetan, gai nagusia Tabua izango da. Giza talde batek debekatu edota gaitzesten dituen jokabideak edo ekintzak dira tabuak; jatorri erlijioso, sozial edo kulturala izaten dute, eta ezin izan ohi da haietaz hitz egin jendeaurrean. Baina, isilpekoak izanda ere, izan badira. Nor da sentiberago besteen aurrean agerian gelditu eta haien kritikak jasotzeko? Bidezkoa al da tabua haustea eztabaida intelektualean, artean, kulturan edo umorean? Antzerkiak laguntzen al du poetika eta estetikaren kontzepzio askotarikoak garatu daitezen eta batera existi daitezen? Tabuek betetzen al dute beren funtzioa defentsa-mekanismo gisa? Defendatu, baina, zeren aurrean?

Gaurko gizartean tabu asko erortzen joan dira, baina, dena den, politikoki zuzen jokatzeko egungo kultura honek ez al ditu beste tabu batzuk ezarri? Non hasten da tabuaren tirania eta non bukatzen da adierazpen-askatasuna? Tabu bat hausteko, tabuaz hitz egin behar da?

Informazio gehiago: dFERIA

Marterako misio tripulatu batean, ekaitz izugarri baten ondoren, Mark Watney astronauta hiltzat jo du tripulazioak, hura bertan behera utzi eta Lurrerantz jo du. Watney, ordea, bizirik dago planeta gorri zail horretan, bakarrik eta harrapaturik. Hornigai gutxi du eta, bizirauteko, senaz eta adimenaz baliatu beharko du Lurrekoei dagoela jakinarazteko.

Gari (Legazpi 1963, jaiotzez Iñaki Igon Garitaonandia), bilbotarra jaiotzez eta Gipuzkoan hezitakoa, 80ko hamarkadatik jardunean dabilen musikaria, Hertzainak taldean izan zen eta, egun, bere azken diskoa aurkezten du bere bandarekin Maldanbera, gauza txikien handitasuna aldarrikatzen duena, hurbilena eta kutunena, begietara elkarri begiratzeko garrantzia.

Dabadaba

Lehen Karlistaldian borrokatu ostean, Martin Gipuzkoako bere etxera itzuliko da, eta han, harrituta, bere anaia gazte Joakin ohikoa baino askoz ere handiagoa dela aurkituko du. Mundu osoak Lurreko gizon handiena ikusteko ordaindu nahi izango duelakoan, bi anaiek bidaia luze bati ekingo diote, Europan zehar. Bidean, anbizioak, diruak eta ospeak betirako aldatuko dute familiaren patua. Benetako gertakarietan oinarritutako istorio bat.

Antiguo Berri zinemak

Principe zinemak

Parketarrak egitasmoaren helburua haurrak bere aisialdian euskara gehiago erabiltzea da. Hiriko 8 parke eta jolaslekuetan aurrera eramaten da. Euskaraz jolastea da asmoa, haurren artean edota gurasoekin ari direnean.

Egitasmoa adinaren arabera bereizten da: 

ZABU ZIBU: 3-5 urte bitarteko haurrak dituzten familientzat. Helburua euskaraz jolastu ahal izateko tresnak eskaintzea da, beraz behar beharrezkoa da haurrak guraso edo heldu batekin etortzea.

TXIRRINTXON: 6-9 urte bitarteko haurrentzat.