Albisteak

Mintzalagun talde berriak otsailean

2017-01-10

Mintzalaguna egitasmoan izena emateko epea zabalik da urtarrilaren 27 arte. Euskara praktikatu nahi dutenek eta praktika horretan lagundu nahi duten euskaldunek izena emateko aukera dute.

Izena emateko bide nagusia Bagera elkartearen www.bagera.eus webgunea izango da. Horrez gain, elkartearen egoitzan (Hernani kaleko 15. zenbakian) edo 943005074 telefono zenbakian ere egin daiteke.

Gehiago irakurri

Koldo Mitxelena Literatura Lehiaketan parte hartzeko epea zabaldu da

2016-12-22

Donostiako Koldo Mitxelena Literatura Lehiaketaren 28. edizioaren oinarriak argitaratu dira eta parte hartzeko epea irekita dago. Donostiako ikastetxe guztietan banatu dira oinarriak eta kultur etxe, gazteleku, haurtxoko, liburutegi eta hainbat leku publikotan eta www.donostiaeuskaraz.eus webgunean eskura izango dira. Gogoratu behar da lanak entregatzeko azken eguna 2017ko otsailaren 15a izango dela.

Gehiago irakurri

101 L proiektuaren webgunea prest!

2016-12-21

Euskal Herrian hitz egiten diren hizkuntzak jasotzea da 101 L (101 ele) proiektuaren helburua. Hemengo aniztasuna jaso eta ezagutaraztea. Donostian hitz egiten diren hizkuntzak jasotzen hasi ziren, 2015eko maiatzean. Orduz geroztik 160 elkarrizketa baino gehiago egin dituzte, han eta hemen, mundu osoko jendearen lekukotasuna jasoz.

Gehiago irakurri

Donostiako egoera soziolinguistikoa testuinguru historiko batean kokatuta

2016-12-15
Euskaltzaindiak eta Donostia 2016k antolatuta, hiria eta Europako hizkuntzen perspektiba sozio-historikoa aztertuko dute, abenduaren 20an, 9:30-14:00 ordutegian. Hizlarietako bat izango da Lionel Joly ikertzailea.
Gehiago irakurri

Donostiapedia liburua abenduaren 15ean aurkeztuko da DSS2016EUren egoitzan

2016-12-14

Urte osoko lanaren ondoren Donostiapedia liburua aurkeztuko da abenduaren 15ean Donostia 2016ren egoitzan 18:00etan. Parte hartu duten herritar guztiei euren lana eskertzeko antolatutako ekitaldia izango da.

Donostia 2016k sustatutako proiektua da, beste hainbat eragilerekin elkarlanean, Wikipediako ezagutza eta herritar eta bisitarien esperientzia uztartzeko.

Gehiago irakurri

Europako Hizkuntza-Aniztasunaren Foroa

2016-12-05

UNESCO Etxea- Euskal Herriko UNESCO Zentroak eta Donostia 2016k antolatu dute Europako Hizkuntza Aniztasunaren Foroa. Izena emateko epea zabalik da eta www.donostiaforum.eu webgunean egin daiteke. UNESCOk foro hau aukeratu du Munduko Hizkuntzen Atlas berria aurkezteko.

Gehiago irakurri

270 gaztek euskarari buruz hausnartuko dute Tabakaleran Ekolingua jokoa erabilita

2016-11-28

Euskararen Nazioarteko Eguna dela eta, 270 gazte Tabakaleran elkartuko dira euskarari buruz hitz egin eta gogoeta egiteko. Gaurtik hasi eta azaroaren 30era bitartean, Donostiako zazpi ikastetxetako 16 eta 20 urte bitarteko gazteak bilduko ditu Udaleko Euskara Zerbitzuak. Ekolingua solas jokoaren bidez, gazteek hizkuntzen gaineko arrazoibide eta kontzeptuak mahai gainean jartzen dituzte eta horrek gogoeta egiteko tartea zabaltzen du.

Gehiago irakurri

Euskararen Egunaren harira, 170 bat ekintaldi antolatuko dira Donostian

2016-11-22

Euskararen Nazioarteko Eguna dela eta, 170 bat ekitaldi antolatuko dira datozen egunetan Donostian, Euskararen Hirian. Hiriko hamabost auzoetan ospakizunak aurreratu egin dituzte eta azaroaren 23tik aurrera ekimen ugari antolatuko dira. Hala ere, ekintza gehienak abenduaren 2an eta 3an egingo dira.

Gehiago irakurri

XVIII. Donostia Antzerki Sarian publikoaren ordezkari gisa epaimahaiko kide izateko deialdia

2016-11-16

Donostia Kulturak eta Donostiako Euskara Zerbitzuak antolatzen dute Donostia Antzerki Saria, euskarazko antzerki profesionala sustatzeko eta indartzeko asmoz.

 2018ko martxoaren 27an emango zaio saria 2017. urteko lanik onenari.

Lan hori aukeratzeko epaimahaia osatzeko publikoaren ordezkaria hautatzeko deialdia zabaldu da.

Izena emateko epea 2016ko azaroaren 28an amaituko da.

 

Gehiago irakurri

Donostiako Udalak euskarazko kultur eta aisialdiko produktuen gida argitaratu du

2016-11-15

Donostiako Udaleko Euskara Zerbitzuak euskaragida.eus izeneko euskarazko kultur eta aisialdiko produktuen gida argitaratu du. Bakarka, lagun artean nahiz familian aisialdia euskaraz gozatzeko era guztietako eta adin guztiei zuzendutako produktuak jasotzen dira bertan: aldizkariak, komikiak, DVDak, joko eta jolasak, musika, liburuak, hiztegiak, gurasoentzako nahiz euskara ikasteko material berezitua, web orri interesgarriak eta abar. Produktuak jasotzaileen adinaren arabera datoz sailkatuta eta bakoitzaren ezaugarri nagusienak zehazten dira (izena, egilea, argitaletxea eta gutxi gorabeherako prezioa).

Gehiago irakurri