Poltsiko antzerkia

Formatu txikiko antzerki lanen sorkuntza bultzatzea du helburu ekimen honek. Horretarako, aukeratutako proiektuaren sorkuntza eta ekoizpena laguntzeaz gain,  landutako obraren estreinaldia egingo da Poltsiko Antzerkia Jaialdiaren programazioaren barruan.

Sariaren ezaugarriak

Proiektu deialdia antzezle, antzerki talde eta elkarte artistiko guztiei zuzenduta dago.

Prestatu behar den lan artistikoa Poltsiko Antzerkia da, hau da, tabernetan egin daitekeen antzerkia.

Sariak

  • 2 diru-laguntza eskaintzen dira obraren sorkuntza eta ekoizpenerako, irabazleari 4.000 euroko diru-laguntza eta beste finalistari 3.200 euroko diru-laguntza, biak BEZ barne.
  • Honez gain, hautatutako obrak lantzeko, kultur etxeetako espazioak eskuragarri egongo dira abenduan zehar.
  • Obraren 4 ikustaldi egingo dira Poltsiko Antzerkia Jaialdiaren inguruan; Donostia Kulturak hartuko ditu bere gain ekoizpen gastuak.

 

Hautaketa irizpideak:

  • Egitasmo artistikoaren originaltasuna
  • Proiektu-txostenaren zorroztasuna
  • Taberna edota tamaina ezberdinetako bestelako espazio txikietara egokitzeko gaitasuna
  • Euskara maila

 Egutegia:

  • Hautagaitza deialdiaren hasiera: 2018ko uztailaren 2a
  • Hautagaitza aurkezten azken eguna: 2018ko irailaren 27a
  • Proiektuen aukeraketa: 2018ko urriaren 15a
  • Ikustaldia: 2019ko otsailaren 7tik 24ra bitartean (Poltsiko Antzerki Jaialdiaren barruan)

 

Antzerki Sorkuntza 2018-2019 deialdiko informazio guztia hemen daukazue: OINARRIAK

 

Erlazionatutako estekak

Poltsiko antzerkia: 2018-2019 deialdiko irabazleak

 
Euskarazko formatu txikiko antzerki sorkuntza eta ekoizpena bultzatzeko 2019ko Poltsiko Antzerki Sorkuntza izeneko programak baditu dagoeneko lehen eta bigarren sariak. Jasotako proiektuen artean, epaimahaiak lehen saria eman dio Intujai teatro taldearen Ama-Alu-lur (Sorgin baten ametsak...) antzezlanari. Bigarren sariak, berriz, Txinparta taldearen Zurrunbiloan lanari egokitu zaio.

 

Ama-Alu-Lur (Sorgin baten ametsak)

Proiektu honen ideia eta gidoia Beatriz Larrañagaren eta May Gorostiagaren eskutik datoz. Biak testuan parte hartzen dute, Imanol Arabaolaza eta Ekaitz Goikoetxearekin batera. Era berean, bertsoak, Ekaitz Goikoetxearenak dira. Azkenik, Beatriz Larrañaga eta Itziar Saenz de Ojer izango dira antzezlanean parte hartuko duten bi aktore nagusiak. Antzezlan honen abiapuntua komunikabideetan agertutako albiste bat da:Oreretako AITZBITARTE IV kobazuloan, duela 14.000 urte inguruko paleolito garaiko irudiak aurkitu dituzte. Guztien artean goi-behe metro bat baino gehiago den alu bat nabarmentzen da... Albiste horren inguruan sekulako trama prestatuko dute.

 

Zurrunbiloan

Antzezlan honetan aktore lanetan Nerea Gorriti eta Ander Azurmendi ditugu. Bestalde, gidoilari bezala, Iñigo Dierez arituko da.Proiektu honen sinopsia hauxe da: Gaizka aulki batean aurkitzen da. Ez daki nola iritsi den horretara, ezta zer gertatu zaion ere. Harrapatuta, laguntza eske hasiko da. Halako batean, eskuan gitarra daraman emakume bat agertuko zaio. Baina... Gizakia al da? Gaizkak ez du jakingo amaiera arte. Dakien bakarra gitarra jole hori bere arazoei amaiera ematen laguntzera etorri dela izango da. Horretarako, bere barnean erantzun asko aurkitu beharko ditu.

 

Proiektu irabazleak 4.000 euroko diru-laguntza jasoko du proposatutako antzezlana garatzeko eta ekoizteko. Bigarren sariak, berriz, 3.200 euroko diru-laguntza izango du. 2019ko otsailaren 7tik 24ra Donostiako hainbat taberna eta aretotan egingo den Poltsiko Antzerki Jaialdiaren 28. edizioaren barruan ikusteko aukera izango da.

Donostia Kulturak, Udaleko Euskara Zerbitzuak eta Euskal Herriko Antzerkizale Elkarteak deialdian parte hartu duten guztiei beren esker ona azaldu nahi diete.

Irabazleak urtez urte

2011ean abiatu zuten lehen aldiz modu esperimentalean ekimen hau, Euskal Kultur Erakundearekin izandako esperientzien elkartrukearen ondotik.

Deialdi bakoitzean klik eginda aurkituko duzu informazio gehiago.

 
 DEIALDIA   TALDEA ANTZEZLANA
9. (2018-2019) Intujai teatroa Ama-Alu-Lur (Sorgin baten ametsak...)
Txinparta Zurrunbiloan
8. (2017-2018) Ay teatro! Zaharrak berri (Astolasterra)

Atauts

Gudua
Rubik Puer Aeternus
7. (2016-17)

Anodino Teatroa

Erbeste

Joseba Usabiaga

Ni ala Zu
6. (2015-16)

Nomofobikak

Sarean kateatuak

Bazen behin clown

Sexijentziak askatuz
 5. (2014-15)

Atea teatro taldea (Gipuzkoa)

Ekoetikopatetikobikoa
 4. (2013-14)

TAEko ikasleak

(Gizpukoa)

Markesa Loucost
 3. (2012-13)

Keha Ziater

(Bizkaia)

 Satisfaktion
 2.(2011-12)     

Oh my God

(Bizkaia)

Zer duzu, Amy?
   1. (2011)  

Metrokoadroka

(Gizpukoa)

Arra arraroa

Ama-bi

(Lapurdi)

Tripakiak

 

 

X

Poltsiko Antzerki jaialdiaren 25. urteurreneko bideoa

Poltsiko Antzerkia: 25 urte / años from Donostia Kultura on Vimeo.

Itzuli