Familia osoarentzako ikuskizun musikala dugu Epa txiki. Abesti harrigarri eta modernoen bitartez, Demode Quarteteko lau pertsonaia bitxik rock, pop, blues, reggae eta bollywood-aren iturburua gure betiko euskal abestietan dagoela erakutsi nahi diete etxeko txikienei.
Argi eta garbi daukate gure lau abeslarik euskal kulturaren jatorria beste kulturen sorrera dela, ez daukate inolako dudarik.
Ikuskizun dibertigarri, alaia eta arina da Epa txiki, umorez, dantzaz eta abestiez horniturik, haurrek zein gurasoek primeran pasako dute Demode Quartet taldearekin eta haien iritzi eroekin.
Fantasiazko eta Beldurrezko Zinemaren 29. Astearen nazioarteko film laburren maratoia.
Museoko Industrializazioaren atalera bisita egin, eta solasaldia egingo dugu. Euskal Herriaren industrializazioak gure ohituretan eta bizimoduan nola eragin duen hitz egingo dugu parte hartzaileen bizipenetatik eta esperientziatik abiatuta.
Jon Maia eta Maddalen Arzallus bertsolariak:
14:00etan bertso saioa. Eliza kalea.
14:30ean, bertso bazkaria. Hontza Kultur Elkartea, Eliza kalea 5.
Joseba Tapiaren kontzerturako sarrerak (Victoria Eugenia, abenduak 9) azaroaren 23tik abenduaren 3ra erosten dituztenek %20ko deskontua izango dute Igelaren Bandaren Ur berri, Urte berri (Victoria Eugenia, abenduak 22) edo Xabi Solanoren Inpernuko (Victoria Eugenia, abenduak 30) kontzertuetarako sarrera kopuru bera erosterakoan.
Donostia Kulturako bazkideek, 30 urtetik beherakoek, pentsiodunek, 65 urtetik gorakoek eta langabetuek, ordea, %30ekoa izango dute, ohiko %10eko deskontua eta eskaintza berezi hau metagarriak baitira.