Euskaraz.net
Euskararen Txantxangorria Hemen ere Euskaraz Donostia.eus Ir directamente al contenido Donostiako Udala- eu
- es
Albisteak
Auzoetako euskara batzordeek 47.000 euro jasoko dituzte
2019-07-23
Udaleko Euskara Zerbitzuak auzoetako euskara batzordeen egitasmoak finantzatzeko 47.000 €ko diru laguntza eman du. Diru kopuru hori 11 auzotan (Aiete,Altza, Amara Berri, Añorga, Bidebieta,Egia, Intxaurrondo, Loiolako Erribera, Martutene, Morlans eta Parte Zaharra) banatuko da, horietan osatuta baitituzte euskara sustatzeko batzordeak.
Langabeentzako doako euskara ikastaroak udazkenean
2019-07-16
Donostiako Udaleko Euskara Zerbitzuak hiru hilabeteko euskara ikastaroak eskainiko ditu doan hiriko langabeentzat. 120 orduko ikastaroak eskainiko dira goizez egunero, urriaren 9tik abenduaren 5era.
Izena emateko epea zabalik egongo da irailaren 2tik 20ra eta homologatutako edozein euskaltegitan egin daiteke.
Zabalik udako ikastaroen dirulaguntzak eskatzeko epea
2019-07-05
Udako ikastaroen dirulaguntzak eskatzeko epea zabalik dago eta eskabideak ikastaroa hasi eta hilabeteko epean aurkeztuko dira, irailaren 30eko mugapean. Autoikaskuntzaren, Barnetegien eta Udako ikastaroen kasuan ere hilabeteko epea izango dute dirulaguntza eskatzeko.
Poltsiko antzerkiaren sorkuntzarako X. deialdia zabalik irailaren 26a arte
2019-06-26
Poltsiko Antzerkiaren alorrean euskarazko sorkuntzak bultzatzeko X. proiektu deialdia jarri da martxan. Proiektuak aurkezteko epea 2019ko uztailaren 1an abiatu eta irailaren 26an amaituko da. Bi diru-laguntza izango dira: irabazleak 4.000 euro jasoko ditu; finalistak, berriz, 3.200 euro.
Euskaragida.eus webguneak euskarazko kultur eta aisialdiko produktuak jasotzen ditu
2018-12-20
Donostiako Udaleko Euskara Zerbitzuak euskaragida.eus izeneko euskarazko kultur eta aisialdiko produktuen gida argitaratu du. Bakarka, lagun artean nahiz familian aisialdia euskaraz gozatzeko era guztietako eta adin guztiei zuzendutako produktuak jasotzen dira bertan: aldizkariak, komikiak, DVDak, joko eta jolasak, musika, liburuak, hiztegiak, gurasoentzako nahiz euskara ikasteko material berezitua, web orri interesgarriak eta abar.
"Easy Guide To Euskera", bisitariei euskara ezagutzera emateko kanpaina, aurkeztu da
2018-12-18
Donostiak euskara eta euskal kultura bultzatzearen aldeko apustua egiten du. Hiriek gero eta elkarren antza handiagoa dute, baina bisitariek benetakotasuna eta leku bakoitza ezberdin eta berezi egiten duena bilatzen dituzte. Hori guztia gure hizkuntza eta kultura nazioartean hedatzeko eta balioa emateko aukera bikaina da.
300 gaztek euskara eta hizkuntzen inguruan arituko dira Tabakaleran abenduaren 13an,14an eta 18an
2018-12-13
300 gaztetik gora elkartuko dira gaurtik aurrera Tabakaleran euskara eta hizkuntzei buruz hitz egin eta gogoeta egiteko. Abenduaren 13an, 14an eta 18an, Donostiako hamahiru ikastetxetako 14 eta 20 urte bitarteko gazteak bilduko ditu UdalekoEuskara Zerbitzuak.
2019ko Poltsiko Antzerki Sorkuntza: "Ama-Alu-lur" proiektuak irabazi du
2018-10-16
Euskarazko formatu txikiko antzerki sorkuntza eta ekoizpena bultzatzeko 2019ko Poltsiko Antzerki Sorkuntza izeneko programak baditu dagoeneko lehen eta bigarren sariak. Jasotako proiektuen artean, epaimahaiak lehen saria eman dio Intujai teatro taldearen Ama-Alu-lur (Sorgin baten ametsak...) antzezlanari. Bigarren sariak, berriz, Txinparta taldearen Zurrunbiloan lanari egokitu zaio.
Koldo Mitxelena Lehiaketaren irabazleek saria jaso dute
2018-05-06
29. Donostiako Koldo Mitxelena Literatura Lehiaketaren sari-emate ekitaldia larunbatean izan zen Udaletxeko Udalbatza Aretoan. Bertan irabazleei eta haien lanei protagonismo berezia eman zitzaien musika, bertso eta sorpresez beteriko ekitaldian.
Aforismo lehiaketa sarien banaketa abenduaren 15ean izango da
2017-11-18
Oihenart aforismoen lehiaketa EHUko Filosofia eta Hezkuntza Zientzien fakultateak antolatzen du, Donostiako Udaleko Euskara Zerbitzuaren laguntzarekin. Edonork parte har dezake bertan eta aurtengo sari banaketa abenduaren 15ean 12etan EHUko Filosofia eta Hezkuntza Zientzien fakultatean izango da. Irabazleak izan dira: Ekaitz Goikoetxea Asurabarrena eta Juan Ramon Alberdi Ibarmia.