Albisteak

"Oporretan euskaraz" egitasmoan izena emateko epea datorren astean zabalduko da

2018-04-24

Euskararen erabilera sustatzea helburu duten udaleku ireki hauek, Oporretan euskaraz, uztailean zehar burutzen dira, hilabete osorako. Donostian erroldatutako 5-11 urte bitarteko haurrek eman dezakete izena eta 10-12 haurrez osatutako taldeak sortzen dira. Izen-ematea maiatzaren 3tik 10era zabalik egongo da.

Gehiago irakurri

"Parketarrak" egitasmoa, berriz ere, burutuko da 11 auzotan

2018-04-19

Donostiako Udaleko Euskara Zerbitzuaren eta auzoetan antolaturiko euskara batzordeen elkarlanaren ondorioz, “Parketarrak“ egitasmoa Donostiako hamaika auzotara bueltatuko da. Lehen saioak astelehenean, apirilaren 23an, izango dira, Altzan eta Morlansen. “Parketarrak” ekimenaren helburu nagusia haurrak kalean eta parkeetan jolasean ari direnean euskara erabiltzea da.

Gehiago irakurri

Europako Hizkuntzen Mapa Tabakalera kanpora itzuli da

2018-04-11

Europako Hizkuntzen Mapa Tabakalera eraikinaren kanpora itzuli da, baina oraingoan brontzezkoa da eguraldiaren gorabeherei aurre egiteko. Donostiako alkate Eneko Goiak, Euskara zinegotzi Miren Azkaratek, Eusko Jaurlaritzako Hizkuntza Politikako sailburuorde Miren Dobaranek, Gipuzkoako Foru Aldundiko Hizkuntza Berdintasuneko zuzendari Garbiñe Mendizabalakek, Tabakalerako Zuzendari Nagusi Edurne Ormazabalek, Maparen egile Manex Izagirre arkitektoak eta Iñaki Rifaterra artistak eta Bagera Elkartearen ordezkari diren Zuriñe Gonzalezek eta Ainara Vazquezek inauguratu dute.

Gehiago irakurri

Zabalik da 2018ko Hausnartu Euskal Soziolinguistika Sarirako lanak aurkezteko epea

2018-03-28

Hausnartu Sariak euskal soziolinguistika esparruko ikerketak saritzen dituen lehiaketa da. Urtero, euskara eta gizartea gai hartzen dituzten ikerketa, azterketa eta hausnarketa lanak saritzen dira. Lanak jasotzeko epe-muga 2018ko irailaren 10a izango da.

Gehiago irakurri

IKA MIZKA egitasmoak solasean jarriko ditu gazteak

2018-03-27

"IKA MIZKA. Eta hik nola bizi dunk euskara? Aska ezank korapiloa" egitasmoak seigarren edizioan, Gipuzkoako Foru Aldundiak eta GAZTEZULOk sustatutako ekimen honetan, euskarari buruz solasean jarriko ditu Euskal Herriko Unibertsitateko, Mondragon Unibertsitateko eta Deustuko Unibertsitateko ikasleak, zizka-mizkaz betetako mahai baten inguruan.

Gehiago irakurri

Eskolatik etxerako bidean euskaraz joan nahi dute Altzan

2018-02-26

Altzako Bizarrain Euskara Elkarteak eta Harriberri Oletako Euskara Batzordeak dinamika berri bat bideratu nahi dute. Ekimen honen helburu nagusia da haurrek eskolatik etxerako bidean euskaraz egitea arduradunen bidez. Horretarako hainbat lelo prestatu dituzte: “Euskara praktikatu nahi duzu? Maila ertaina daukazu? Euskara ulertzen duzu, baina beldurra, lotsa edo ohitura faltagatik ez duzu hitz egiten? Animatu zaitez!”.

Gehiago irakurri

Euskara ikasteko diru-laguntzak eskatzeko epea zabalik

2017-11-15

Donostiako Udaleko Euskara Zerbitzuak ireki du  euskara ikasteko diru-laguntzak eskatzeko epea. 2017ko urriaren 2tik azaroaren 17ra eska daitezke. Autoikaskutza eta barnetegien kasuan, ikastaroa hasi eta 30 eguneko epean eska daiteke.

Eskaerak on line egin daitezke honako  webguneetan www.donostiaeuskaraz.eus edo www.donostia.eus,  edota Euskara Zerbitzuan edo Donostiako Udaleko UdalInfo bulegoetan.

Informazio gehiago

 

Gehiago irakurri

Nerabeentzako hedabide berria jaio da

2017-11-07

BEITU! Nerabeei zuzenduriko hedabide digitala sortu du GAZTEZULOK. 14-18 urte bitarteko gazteentzat diseinatuta, aisialdiarekin lotutako euskarazko edukiak jasoko dituzte mugikorrean zuzenean. Zein da helburua? Gazteek aisialdian kontsumitzen dutena euskaraz eta eskura edukitzea.

Gehiago irakurri

Langabeentzako doako euskara ikastaroak, 2017

2017-09-18

Donostiako Udalak doako euskara ikastaroak antolatuko ditu hiriko Euskaltegiekin lankidetzan langabezian dauden donostiarrei zuzenduta. Ikastaro hauetan izena emateko epea 2017ko irailaren 1etik 21era egongo da irekita (biak barne).

 

Gehiago irakurri

Donostiako emakumeen etxean euskarazko ikastaro eta tailerrak 2017-18 ikasturtean

2017-09-17

Donostiako emakumeen etxeak 2017ko iraila-urritik aurrerako ikastaro eta tailerren berri eman du. Euskarazko ikastaroak ere badaude horien artean, eta izena ematea zabalik dago Okendo kaleko Emakumeen Etxean.

Gehiago irakurri