Albisteak

Europako historian barrena zentzumenen bidez "Time machine soup"

2016-02-09
Haitzuloetako gizakiengandik 80 amonak banatzen gaituztela zioen Jorge Oteizak bere Quosque Tandem…! liburuan. Premisa honetan oinarrituta eta zopa aitzakiatzat hartuta, Europako historian zehar bidaia zirraragarrian murgilduko gaituen denbora makinan sartzera gonbidatzen gaitu Time Machine Soup happening-ak. Egungo zopa industrialetik hasi eta leize-zuloetako lehenengo salda hipotetikoraino, bidaiariek hamabi zopa dastatuko dituzte, erlojuak emandako ordu bakoitzeko bana, kontinente zaharraren historiaren une esanguratsuetan geldialdiak eginez.
Gehiago irakurri

Irabazi asmorik gabeko elkarteentzat diru laguntza eskaerak egiteko epea otsailaren 29an amaituko da.

2016-02-01

Urtarrilaren 29an argitaratu dira Gipuzkoako Aldizkari Ofizialean, Donostiako Udaleko Gobernu Batzordeak onartu dituen 2016ko deialdi bakarreko diru laguntzen oinarriak. Irabazi asmorik gabeko elkarteek otsailaren 29 arte izango dute eskaerak aurkezteko.

Deialdi honen barruan daude Euskara Zerbitzuak ematen dituen laguntzen oinarriak. 2016an Euskara Zerbitzuak 37.525,35 € banatuko ditu.

Gehiago irakurri

Donostiako Udalak haurrak euskaraz matrikulatzeko deia egin die gurasoei kanpaina hastearekin batera

2016-01-22

Donostiako Udalak haurrak euskaraz matrikulatzeko deia egin die gurasoei kanpaina hastearekin batera. Miren Azkaratek, Udal Gobernuko Euskara zinegotziak adierazi du haurrak elebidunak izan daitezen aukera onena euskarazko ereduan ikastea dela: Datorren astelehenean, urtarrilak 25, hasiko da matrikulazio kanpaina eta, beste urte batez, datorren ikasturtera begira seme-alabak zein hizkuntza eredutan matrikulatuko dituzten erabakitzeko unea dute gurasoek, zentzu horretan, euskaraz matrikulatzeko deia egiten diegu, horixe baita elebitasunik orekatuena bermatzen duena”. Matrikulazio epea zabalik egongo da otsailaren 5era arte.

Gehiago irakurri

Gabonetako opariak egiteko ideiak

2015-12-22

Donostiako Udalak euskarazko kultur eta aisialdiko produktuen gida argitaratu du bakarka, lagunartean nahiz familian aisialdia euskaraz gozatzeko era guztietako eta adin guztiei zuzendutako produktuak jasotzen dira bertan, hainbat ataletan banatuta: aldizkariak, komikiak, DVDak, joko eta jolasak, CD-Romak, musika, liburuak, hiztegiak, gurasoentzako nahiz euskara ikasteko material berezitua, ...

Gehiago irakurri

110 gazte euskarari buruz hitz egin eta hizkuntzarekin jolasteko bilduko dira Tabakaleran

2015-12-16

Donostiako Udaleko Euskara Zerbitzuak hiriko bost ikastetxetako 16 urtetik 20 urte bitarteko gazteak bilduko ditu, abenduaren 17an, Tabakaleran Eko Lingua izeneko karta-jokoaren bidez euskarari buruz hitz egiteko. Helburua gazteak hizkuntzaren inguruko gogoeta egitea eta eragitea da, argumentu berriak eta kontzeptu berriak mahai gainean jarriz.

Gehiago irakurri

Bagera Elkarteak "Memelariak sarean" lehiaketa antolatu du

2015-12-11

Bagera Elkarteak "Memelariak" lehiaketa jarri du martxan. Helburua umorea erabiliz euskarazko memeak sortzea da.

Izan memelari! Zure memea euskaraz partekatu sareetan #memelariak traolarekin eta hiru meme onenak sarituko dituzte.

Gehiago irakurri

OLATU TALKA 2016! Proposamenak aurkezteko epea ireki da

2015-12-09

Artista, kolektibo, elkarte eta hiritarrek maiatzaren 20, 21 eta 22an izango den zazpigarren Olatu Talka Jaialdirako jarduerak proposatzeko aukera izango dute 2016ko urtarrilaren 26ra arte. Proposamenak www.olatutalka.eu webgunearen bidez aurkez daitezke.

Beste behin, Donostia 2016k eta Donostia Kulturak elkarlanean antolatuko dute jaialdia, azken honek 2017tik aurrera ardura osoa beregain hartu bitartean.

Gehiago irakurri

Euskaraz bizitzeko portaera gida

2015-12-04

Emunek “Irten hizkuntzaren armairutik” izeneko liburua aurkeztu du. Euskaraz bizi nahi duten euskal hiztunei dituzten zailtasunak arintzen eta gainditzen lagunduko dien liburua da.

Irten hizkuntzaren armairutik liburuan irakurleak psikologiari buruzko oinarri batzuk aurkituko ditu, estres linguistikoa zer den ulertzen lagunduko dioten oinarri batzuk.

Gehiago irakurri

IKA MIZKA 2015 martxan da

2015-11-30

Abenduaren 3an Deustuko Unibertsitateko Donostiako campusean egingo da IKA MIZKAren lehen saioa, eta ondoren UPV/EHU eta Mondragon Unibertsitako campusetan ere antolatuko dira ekitaldiak.

Gehiago irakurri

Euskararen Nazioarteko Egunaren harira 150 bat ekitaldi antolatuko dira Donostian

2015-11-26

Euskararen Nazioarteko Eguna dela eta, 150 bat ekitaldi antolatuko dira datozen egunetan Donostian, Euskararen Hirian. Hiriko hamabost auzoetan ospakizunak aurreratu egin dituzte eta azaroaren 21etik aurrera  ekimen  ugari antolatuko dira, batez ere azaroaren azken asteburuan.

Gehiago irakurri