Albisteak

Erraza da, ostalariek euskaraz oinarrizko hiztegia ikasteko mugikorreko aplikazioa

2024-01-14

Euskaraz oinarrizko hiztegia ikasteko sakeleko telefonorako aplikazioa da Erraza da eta, batez ere, ostalaritzako langileei bideratuta dago; jatetxe zein tabernetan bezeroei begira lan egiten duten profesionalei. Eusko Jaurlaritzaren eta Donostiako Udalaren elkarlanaren emaitza izan da aplikazio mugikorra.

Gehiago irakurri

Euskaraz barra-barra marka aurkeztu da

2023-03-31

Eusko Jaurlaritzak, Nafarroako Gobernuak, Euskararen Erakunde Publikoak eta Donostiako Udalaren eskutik  Euskaraz barra-barra marka aurkeztu da. Marka berri honek merkataritzan eta ostalaritzan euskaraz hitz egiteko guneak identifikatzen ditu kontsumitzailea erdigunean jarri eta estres linguistikoa murrizteko. Euskal Herri osora zabalduko da egitasmoa. Donostian, dagoeneko, 1.132 establezimendu atxiki dira egitasmo honetara.

Gehiago irakurri

Turistentzako Euskarazko Hiztegi Txikia berritu du Udaleko Euskara Zerbitzuak

2020-02-04

Turistentzako Euskarazko Hiztegi Txikia argitara eman du UdalekoEuskara Zerbitzuak Jon Insausti Kulturako eta Euskarako zinegotziaren esanetan, patrikako hiztegian euskarazko oinarrizko hainbat hitz eta esaldi bildu dira Donostiara etortzen den bisitariak ezagutu eta erabili ditzan (agurrak, lekuen izenak, egunak, hilabeteak, zenbakiak…). Hitz horiek guztiakbederatzi hizkuntzatan kaleratu dira: euskara, gaztelania, galegoa, katalana, frantsesa, ingelesa, italiera, alemana eta, berritasun gisa, japoniera.

Gehiago irakurri

Parketarrak, euskaraz jolasean aritzeko ekimena, 18 auzotan, azaroaren 3a arte

2023-10-09

Donostiako Udaleko Euskara Zerbitzuaren eta auzoetako euskara batzordeen ekimenez, urriaren 9tik azaroaren 3a gauzatuko da Parketarrak egitasmoa Donostiako 18 auzotan. Hiriko auzoetako hainbat parke eta plazetan eskainiko diete haurrei euskaraz jolasean aritzeko aukera, doan.

Gehiago irakurri

2023-2024 ikasturtean euskara ikasiko dutenek jada eska dezakete dirulaguntza Udalean

2023-10-02

2023-2024 ikasturtean Donostiako edozein euskaltegitan izena eman dutenek zabalik dute jada Donostiako Udalaren dirulaguntza eskatzeko epea. Urriaren 1etik dago zabalik dirulaguntza-eskaera egiteko epea eta eskaera, ikastaroa hasi eta hilabeteko epean egin beharko dute, online, zein aurrez aurre.

Gehiago irakurri

Donostian egingo du lehen geldialdia Euskaraz barra-barraren ihes-gela ibiltariak

2023-09-25

Urriaren 6, 7 eta 8an izango da Donostiako Gipuzkoa Plazan Euskaraz barra-barra egitasmoaren ihes-gela, gizartearen aktibazioa sustatzeko asmoz sortutako ‘17. logela’ istorio misteriotsuarekin. Jada ireki dute ihes-gelan erreserba egiteko epea. Doan da.

Gehiago irakurri

Zabalik dago euskara ikasteko matrikulazio kanpaina hiriko euskaltegi eta zentro homologatuetan

2023-09-06

2023-2024 ikasturtean matrikula egin dutenek dirulaguntza eskatu ahal izango dute urriaren 1etik aurrera. Bestalde, ikasturtean zehar, ikastaroa hasten duten egunetik hilabeteko epea izango dute dirulaguntza eskatu ahal izateko.

Dirulaguntza eskaera online egiteko aukera izango da urriaren 1etik aurrera  web orri honetan. Eta, era berean, Euskara Zerbitzuaren bulegoan (Konstituzio plaza, 2) edo Udalinforen bulegoetan (Easo, Arroka, Morlans eta Altza) ere eskatu ahal izango da.

Gehiago irakurri

Merkatari eta ostalarientzako euskara ikastaroak otsailetik ekainera

2023-01-23

Donostiako Udaleko Euskara Zerbitzuak hiriko merkatarien eta ostalarien elkarte eta federazioekin batera, sektoreko profesionalentzako euskarazko ikastaroak antolatuko ditu otsailetik ekainera. Otsailaren 8ra arte eman daiteke izena on line edota aurrez aurren  Euskara Zerbitzuan zein udalinfon eskabide orria beteta.

Gehiago irakurri

Doako euskara ikastaroak langabeentzat urtarriletik martxora

2022-11-28

Udaleko Euskara Zerbitzuak bi sasoitan antolatuko ditu doako euskara ikastaroak langabeentzat 2023an: urtarriletik martxora eta urritik abendura. 2023ko urtarrilaren 12tik martxoaren 9ra egingo diren ikastaroetan parte hartu nahi dutenek izena eman beharko dute abenduaren 16ra bitartean Donostiako edozein euskaltegi homologatutan edota on-line

Gehiago irakurri

Badator Euskaraldia!

2022-11-04

2022ko azaroaren 18tik abenduaren 2ra ilusioz, arduraz, gogoz eta emozioz ekingo diogu ariketari. Kaleak beteko ditugu berriz ere, euskaraz hitz egitea inoiz baino errazago izan dadin. Belarriprestok eta ahobiziok aukera berriak izan ditzagun lan egingo dugu elkarrekin, auzoz auzo, herriz herri eta arigunez arigune. Hitzez ekiteko garaia heldu da.

Irailaren 28tik aurrera, belarriprest eta ahobizi guztiek eman dezakezue izena Euskaraldian parte hartzeko! Sartu estekan eta batu ariketara!

Donostiako Kultur Etxe guztiak, Benta Berri eta Bidebietako kiroldegiak, Begera Elkartea eta Euskara Zerbitzua informazio puntu bihurtuko dira. Bertan izena eman ahal izango da, baita txapak lortu ere.

Gehiago irakurri