Albisteak

Bertso Eguna 2015 Donostian urtarrilaren 31n

2015-01-27

Berrogeita seigarren edizioa izango du BERTSO EGUNAK datorren larunbatean. Egun osoko ekitaldia prestatu dugu elkarlanean Donostiako Udalak eta Euskal Herriko Bertsozale Elkarteak, Kutxa eta EITBren laguntzarekin. 1968tik urtero-urtero Donostian egin izan da, 1970 eta 1980 urteetan izan ezik. Bertsolari Eguna zen lehen urteetan eta bertsolariak omentzen ziren. 1995 urtean helburua aldatzea erabaki zuen Euskal Herriko Bertsozale Elkarteak: ordutik mimoz prestatutako saiakera egiten da Kursaaleko oholtzan.

Gehiago irakurri

Merkatari eta ostalarientzako euskara ikastaroetan izena emateko epea zabalik

2015-01-16

Donostiako Udaleko Euskara Zerbitzuak hiriko merkatarien eta ostalarien elkarte eta federazioekin batera, aipatutako gremioetako profesionalentzat euskarazko ikastaroak antolatuko ditu datorren otsailetik aurrera. Eskaerak egiteko epea urtarrilaren 30ean amaitzen da.

Gehiago irakurri

Donostiako Udalak eta Euskaltzaindiak lankidetza hitzarmena sinatu dute

2015-01-15

Donostiako alkatea den Juan Karlos Izagirrek eta Andres Urrutiak, Euskaltzainburuak, Donostiako Udalaren eta Euskaltzaindiaren arteko hitzarmena sinatu dute. Hitzarmen honetan zehazten dira bi erakundeen arteko lankidetzaren oinarriak.

Gehiago irakurri

Lurraldea eta Hizkuntza' II. Jardunaldiak

2015-01-13

Euskararen arnasguneak babestu eta indartuko dituen arkitektura juridiko berri baten beharra aztertuko da jardunaldi hauetan.

Topaketak otsailaren 5 eta 6an egingo dira, Donostian, UPV/EHUren Carlos Santamaria zentroan.

Gehiago irakurri

Mintzalagunen 2. izen ematea zabalik

2015-01-13

Euskara ikasten ari zara eta mintzapraktika egin nahi al duzu?

Euskaraz mintzapraktika egiteko BAGERA Donostiako Euskaltzaleen Elkarteak eskaintzen duen Mintzalaguna programan 2014-2015 ikasturtean izena emateko 2. epea zabaldu da urtarrilaren 31 arte.

Gehiago irakurri

#EREEUSKARAZ lehiaketako hamar irabazleak ezagutzera eman dira

2014-12-11

Donostiako Udaleko Euskara Zerbitzuak merkataritza eta ostalaritza sektoreko hainbat eragilerekin azaroan (Donostiako Sustapena, Donosti SShpos, Gipuzkoako Merkatarien Federazioa, Auzoa, Zaharrean eta Gipuzkoako Ostalaritza Elkartea) martxan jarritako #ereeuskaraz lehiaketaren zozketa egin da, eta baditugu irabazleen izenak.

Gehiago irakurri

Belaunaldien arteko mintzodromo batekin ospatu dugu Donostian Euskararen Nazioarteko Eguna

2014-12-04

Donostiak ekimen berezi batekin ospatu du Euskararen Nazioarteko Eguna. Mintzodromoak duela bost urte sortu ziren hirian eta gaur goizean belaunaldien arteko mintzodromo bat egin da, urtemuga berezia mintzodromo berezi batekin ospatuz.

Gehiago irakurri

Euskararen Nazioarteko Egunaren harira 150 ekitaldi antolatu dira Donostian, euskararen hirian

2014-11-26

Euskararen Nazioarteko Eguna dela eta, 150 bat ekitaldi antolatuko dira datozen egunetan Donostian, Euskararen Hirian. Hiriko auzo eta herrietan ospakizunak aurreratu egin dituzte eta asteburuarekin, azaroaren 29an eta 30an, egingo dituzte horietako asko eta asko. “Euskara, etenik ez duen haria” izango da aurtengo leloa. Donostiako Udalak eta hiriko hainbat eragile eta erakundek adostutako lelo honen bidez, hizkuntza-transmisioak duen garrantzia nabarmendu nahi izan da, hau da, euskara belaunaldiz belaunaldi transmititzeak duen garrantzia.

Gehiago irakurri

Donostia Kirolak Euskararen Zilarrezko Bikain ziurtagiria jaso zuen atzo

2014-11-19

Donostia Kirolak Eusko Jaurlaritzak ematen duen Euskararen Kalitatearen Ziurtagiriaren Zilarrezko Bikain maila lortu du eta atzo bertan, azaroaren 18an, jaso zuen ziurtagiria Victoria Eugenia Antzokian egindako sari emate ekitaldian.

Gehiago irakurri

Donostiako 318 establezimenduk egin dute bat bezeroei euskara bermatzeko asmoa duen kanpainarekin

2014-11-05

Donostiako 318 establezimendutan euskaraz hitz egiteko eta euskaraz artatuak izateko aukera bermatuta daukate herritarrek. Donostiako Udalak denda eta tabernetan euskara sustatzeko abian jarritako kanpainarekin bat egindako establezimenduak dira horiek guztiak; “Merkataritzan eta ostalaritzan ere euskaraz” egitasmoaren lehen faseak emaitza oso positiboak eman ditu.

Gehiago irakurri