Euskaraz.net

Euskarazko tradiziozko abesti zaharrek sorgindurik, 2007ko udaberrian abiatu zen gerora Kherau boskote bizkaitarra izango zenaren plazaz plazako ibilbidea. Tradizio eta berrikuntza uztartzeko asmotan, lehenengo urratsetatik mantendu izan dute herri kantutegi eta propio sorturiko abestien arteko oreka, betiere, lehenengoei interpretazio garaikidea ematen dietelarik eta bigarrenetan pop edo rock estiloko egiturak jorratzen dituztelarik nazioarteko jatorrizko hainbat musika-tresna ibiliaz. Ikuskizun bizi eta indartsua eskaintzen dute, baina tenpo leuneko abestiei ere euren tartea uzten badakite, intimismoaren zertzeladek areagotzen dutelarik kontrastez beteriko errepertoria. Plaza bakoitzari ukitu desberdina eman guran, emankizunaren detaile eta moldeak eten gabe moldatzen dituzte, eta gehienetan, bertsolaritzak eta olerkigintzak agerpena izaten dute.

Esperimentuen bitartez printzipio zientifiko batzuk ezagutuko ditugu.

Adina: 6-12 urte.

Izen-ematea: martxoaren 1etik aurrera.

Parketarrak egitasmoaren helburua  haurrak bere aisialdian euskara gehiago erabiltzea da. Hiriko parke eta jolaslekuetan aurrera eramaten da. Euskaraz jolastea da asmoa, haurren artean edota gurasoekin ari direnean.

Bidebietan 3-8 urte bitarteko haurrak dituzten familiekin burutuko da programa. 5 urtetik beherako haurrek bere senidea den heldu batekin etorri behar dute.

3-8 urtekoentzat  (Zabu Zibu) Isasa Parkean (elizaren atzealdean)   17:00 - 18:00

(Eguraldi txarrarekin Eltzegorren lokalean)

Groseko Ulialde Alkartetxean, martxoaren 24an, 20:30ean, Bertso Afaria

Bertsolariak: Maider Arregi Markuleta eta Jokin Labayen

Safari, Ulrich Seidl, Austria, 2016, 90’, JBAEU (Jatorrizko bertsioa euskarazko azpidatziekin), DCP

Ulrich Seidl behatzaile fina da, eta oraingoan ere bere kamera dokumentala zorrotz erabiliko du Europako gizartearen dekadentzia erretratatzeko: kasu honetan, Afrikako ugaztun handien ehiza jarriko du jomugan. Bai, Botswanako naturaren erreserba batera joatea turismo egitera, esate baterako, elefante bati tiro egiteko.

Aurreko filmean Seidlek Austriako sotoetan ezkutuan dauden filiak eta fobiak disekzionatu bazituen, oraingoan aire zabalera irtengo gara. Austriako goi-klaseak kamuflajeko arropekin mozorrotuko dira eta Afrikako luxuzko resort batera joango dira, ehizaldiak antolatzera; pieza bakoitzak dauka bere prezioa, zailtasuna gorabehera. Eta aisialdi mota hori eta bizi-estilo hori azaltzeko keinu eta hitz bakoitza «gure arimaren hondoan/sotoan garen horren» isla da.

Horixe da, hain zuzen, ezagutu beharreko zuzendari austriar honen zinema dokumental eta ia fotografikoaren funtsa: dekadentzia bistaratuz gogoeta eragitea. Eta, horrela, ia inor ausartzen ez den galdera deseroso eta kritikoak sustatzea: jarraitzen al du sistema kolonialak Europa zaharrean finkatuta? Diruak guztia eros al dezake? Tiro egiteko ekintza eta zeinua aintzinako gerra amaigabe baten jarraipen gisa uler daiteke? Hori arrazismoa da? Hori faxismoa da? Seidlek zinemaren bidez erantzungo die galdera horiei, zinemaren esentziaren bidez, eta horregatik maite dugu hainbeste bere probokazioa. Jirafa baten edertasuna eta suntsipena ikusita, geure buruari galde diezaiogun zer garen, zer izan garen eta zer izan gaitezkeen berriz ere.