Euskaraz.net

Egun, Esne Beltza taldeko kideen musika ibilbideak aipatzen hastea, taldeak azken lau urte hauetan egindako guztia gutxiestea litzateke. Argi dago, aurretik erretako kilometro horiek guztiek gabe, zaila izanen zela Esne Beltza bezalako musika makina perfektu bat irudikatzea, zapaldutako eszenatoki bakoitza eta grabaturiko disko bakoitza musikari bezala sendotu eta hazteko ezinbesteko bidea izan baita. Sortu zenetik etengabeko mugimenduan izan da taldea, ehunka izan direlarik eskaini dituzten emanaldiak eta sei grabatu dituzten estudioko diskoak. Musikalki koktelera koloretsua da Esne Beltza. Ezinezkoa da eremu zehatz batean kokatzea taldearen jarduna. Edozein musika estilo txikia geratzen da taldearen musika era adierazteko orduan: hip hop, reggae, soul, rock, folk, edota kunbia.

Huntza 2014an Bilboko kaleetan sortutako musika taldea da. Unibertsitate giroan elkartutako sei gaztek osatzen dute eta beraien helburua, sortzen duten musika Euskal Herri osora zabaltzea da.Taldeari forma ematen joan ziren heinean, kantuak konposatzen hasi ziren, bakoitzak bere esperientziatik jasotakoa elkarbanatuz. Aipatu bezala, Bilbon sortutako taldea den arren, taldekide guztiak gipuzkoarrak dira. Taldearen lehen agerpena 2016ko martxoaren 8an izan zen, “Harro gaude” kantua plazaratuz. Bertan, oholtza gainera salto egin zuten lehen emakumeak omentzen dira. Hasiera apal honek ateak ireki zizkien jarraian etorriko ziren kontzertu eta agerraldiei.

Kromosoma Tailerrak Domo sistemako (kupula geodesikoa) eraikuntza nola egin irakatsiko digu Clara Campoamor plazan

Ura naturan dugun baliabiderik garrantzitsuenetarikoa da, izan ere, ezinbestekoa zaigu guri, animaliei, eta landareei bizitzeko.

Beste behin ere, Herridantza Dantza Taldea Elkartea kalera irtengo da eta dantzatzera gonbidatuko gaitu. Helburua da dantza tradizionalak berreskuratzea, irakastea eta kalera ateratzea. Beraiekin batera, Jeiki Hadi Taldearen zuzeneko musika.

Koruko Ama Birjinaren Eskola 1950.urtean sortua lan handia egin du euskal dantza tradizionala berreskuratzeko, pauso eta erritmoak ikasiz. Gaur egun ordea, tradizioan oinarriturik ditu bere emanaldiak, hainbat koreografia izan ditu nabarmen azken urteetan. Oraingoan euskal dantza tradizionalean eta garaikidean oinarrituriko emanaldia eskainiko dugu, Donostiako portuan gertatu izan diren istorioen islada. Bertan euskal kultura dantza, musika eta abesbatzarekin plazaratuko degu, Eskolaren parte diren hainbat belaunaldiren laguntzarekin.

DANTZA ZUZENDARIA: Mame Amunarriz
MUSIKA ZUZENDARIA: Aitziber Lizarraga
ABESBATZA ZUZENDARIA: Jose Javier Etxeberria

DANTZARIAK: Ainhoa Gaztelumendi, Aitzol Ortiz, Amaia Lasa, Ander Garcia, Ander Liguori, Ane Figueras, Ane Gaztelumendi, Arkaitz Bastida, Eider Apaolaza, Eider Sanz, Eneko Ezponda, Eneko Lopez, Garazi Lasa, Idoia Aranburu, Iker Mateo, Irati Artola, Izar Etxeberria, Jon Mujika, Maddi Nazabal, Maialen Figueras, María Abel, Nagore Bilbao, Naiara Servert, Naroa Etxebeste, Nerea Azkona, Nerea Ramirez, Nora Azurmendi, Oihane Iriarte, Sara Olariaga, Sua Enparantza, Xanti Leonet

MUSIKARIAK: Aitziber Lizarraga, Eider Olasagasti, Eukene Riezu, Ion Gil, Janitz Enparantza, Julen Txabarri, Lierni Arozena, Sergi Jimeno.