Euskaraz.net

Uztailaren 1etik abuztuaren 31ra, Urgull, urtero udan ohi denez, aisialdi eta kultura eskaintzan hiriko protagonistetako bat bihurtzen da bertako hiru guneetan proposatutako jarduerekin eta erakusketarekin.

Eskaintza honek aisialdia, natura eta kultura uztartzea du helburu eta bereziki haurrei zuzendua dago.

• Liburutegia, Damen baterian kokatua, Donostia Kulturako Liburutegi Zerbitzuak kudeatzen du.
• Natur Txokoa, Gobernadorearen baterian, ingurugiroa hedatzeko helburupean Cristina Enea Fundazioak kudeatutako ingurumen-ikasgela da.
• Azkenik, San Telmo Museoak kudeatzen duen Mota Gazteluko Historiaren Etxeak, hiriari buruzko erakusketa eskaintzeaz gain, Donostiari begira, hiru guneetako programazioa koordinatzen du.

Uztailaren 1etik aurrera, Urgulleko hiru udal guneak astelehenetik igandera egongo dira zabalik.

Horrez gain, astelehenetik ostiralera, 18:00etan, jarduerak burutuko dira hiru guneetako batean: astelehen eta ostegunetan, Liburutegian; astearte eta asteazkenetan, Natur Txokoan, eta ostiraletan, berriz, Historiaren Etxean.  Jarduera guztiak 5 urtetik gorako haurrei zuzenduta daude, eta euskaraz eta doakoak dira (sarrera librea lekuak bete arte).

Besteak beste, jolasak, txotxongiloak, ipuin kontaketak eta irakurzaletasuna bultzatzeko ekintzak egongo dira, baita ingurugiroarekin eta hiriaren historiarekin loturiko tailerrak ere.

Trinitate plazako frontoian txikienak euskal pilotan hasteko ikastaroak emango dituzte.

Ainhoa Larrañaga 18 urteko abeslari, aktore eta konpositore bat da. Hernanin egindako telebistako “Kantugiro” lehiaketan parte hartu eta saridun izan da, eta couch izan da hiru urtez Bago!az programan. Orain, banda bat eratu du Iker Laurobarekin eta Garazi Esnaolarekin.

Gero Axular dantza taldea «GERO» taldea 2004. urtean sortu zen euskal dantza sustatu eta kultur aisiako jarduera gisa duen balioa nabarmentzeko asmoz. GERO taldeko sustatzaileek ikusi zuten gure kultura, gorde eta zaindu ez ezik, landu eta bultzatu ere egin behar dela, baita gazteria motibatu ere proiektu horretan parte izan dadin. Geroztik zazpi ikuskizun plazaratu ditu GEROk: «Sasi Artean», «Lamien Basoa», «Talaia», «Xereta», «Argizaiola», «Itzal Galdua» eta «Agorrila». Lan horietan “jantzi” berri bat eman nahi izan diegu gure dantza eta musikei. Horretarako, bertako dantzak gaurkotu eta, era berean, bestelako musikaz apaindu, argiaz margotu eta gaurko tresnez eta teknikaz hornitu ditugu. Horren bidez, ikuskizun moderno, erakargarri eta hunkigarriak sortu ditugu.
Orain arte GERO taldeak nazioarteko 34 bira egin ditu hainbat herrialdetatik: Frantzia, Belgika, Holanda, Italia, Portugal, Alemania, Hungaria, Polonia, Gales, Eskozia, Serbia, Kroazia, Danimarka, Eslovenia.