Euskaraz.net

Abenduaren 2ko oharra: gonbidapen guztiak agortu egin dira.

Azaroaren 28ko oharra: hasiera batean emanaldia 19:00etan iragarrita bazegoen ere, saioa 19:30ean hasiko da.

Euskadi. Zuzendaritza: Bertha Gaztelumendi. Ekoizpena: Tentazioa.

80ko hamarkada hasieran mugimendu antinuklearra puri-purian zegoen nazioartean, eta baita Euskal Herrian ere. Kostaldean eraikitzear ziren hiru zentralez gain (Lemoiz, Ea-Ispaster eta Deba), Arguedasen laugarren bat egiteko asmoa zegoen. Horren aurka protestatzeko, mobilizazioak antolatu ziren Tuteran.

Gladys del Estal Ferreño Tuterara joan zen, baina ez zen itzuli. Manifestazio baketsu hartan, Guardia Zibil baten tiroak hil zuen. Film honek, Gladysen gertakariaren harira, garaiko gizartearen onespena lortu zuen mugimendu sozialaren erretratu bat egin nahi du.

Aurkezpena eta solasaldia: Bertha Gaztelumendi (zuzendaria), Sabino Ormazabal (gidoilaria).

Filmari buruzko informazio gehiago: Ez, eskerrik asko! Gladysen leihoa.

«Sinesten dudalako ur-jauzi sisteman», hala esan zuen behin Joxe Azurmendik bere saiakeren zergatiaz galdetuta. «Nire ideiak norbaitek irakurtzen ditu, eta bere ideiak martxan jartzen dira. Horrek ez du beste saiakera bat idatziko, baizik nobela bat idatziko du. Orduan, ideia hauek ur-jauzi modura iritsi egiten dira iritsi behar duten tokira. Hau da nire esperantza behintzat.»

Esperantza horrekin idatziak ditu 40 liburu eta 500 artikulu inguru, azken mende erdiko Euskal Herriaren eta mundu aldakorraren lekuko izan direnak. Bere obrak gizaberearen, kulturaren, nazioaren, pentsamendu sozialaren... esparruak bustitzen ditu eta erreferentzia dira euskarazko pentsamenduan. Kongresu honek esparru horietako arituak (adituak eta hasiberriak) gonbidatu nahi ditu Azurmendik ekarritako urek martxan jarri dizkieten ideiak mahai-inguruan partekatzera. Berdin du literatur idazle, akademiko edo irakurle interesatu, berdin obra hasieratik ezagutu edo oraintxe hurbildu, ekarpen mota guztiek dute tokia.

Informazio gehiago eta izen-emateak: www.joxeazurmendikatedra.eus

“Aurkezten den lana artista bisual baten, poeta baten eta musikari baten bideak gurutzearen emaitza da. Lur- baso-gorputz konbinaziotik sorturiko kontakizuna da, eta bizitzaren erritmoan ehundua. Denborak errespetatuz. Topaketa eta banaketekin igarotzen da, halabeharra eta maitatzeko, aske izateko premia tartean direla.

Abiapuntua Eli Garmendia eta Roberto Ruiz Antúnez-en arteko gutun-trukea da, Peteris Vasks letoniarraren musikarekin inspirazio eta atzeko oihal gisa. Irudi eta testu bidez garatutako sormen-elkarrizketa. Argazki bakoitzak intuizioak, bertsoak eta hitzak sortzen ditu, aldi berean beste irudi batzuk dituztenak. Biek – argazkilariak eta poetak– musika erabiltzen dute beren intuizioen katalizatzaile gisa. Ezezagun eta esploratu gabekorantz igarotze bat dago elkarrizketa honetan. Letoniar basoa barne-ikerketako bidaiaren jarraipen gisa agertzen da…

Lan hau izaki bakoitzaren barren-barrenean lozorroan dagoen lokarturiko basora sartzeko ate bat da. Eta bere egia, misterio eta edertasunetik gure oinkaden, gure ziurgabetasunaren taupadak entzutera gonbidatzen gaitu.”

Ehundura desberdinak bilatuko ditugu gure inguruan eta hauen arabera modu desberdinetan mugituko gara espazioan.