Euskaraz.net

Martxoaren hasieran enarak iritsi izaten dira gure etxera, eta bertan gelditzen dira irailaren hondarrera arte. 2princesesbarbudes-ok haien bizimodua eta bidaiak dakartzate "Enaren kontuak" diskoan. Beraien uztako hamaika kanta, enaren istorioz josiak: nola egiten duten habia, zer jaten duten, kumeak nola hazten dituzten, zer janzten duten, nora bidaiatzen, zerekin egiten amets.

Dokumetal ornitologiko moduko honetan, Afrikako migraziotik iritsi berri diren lau enara bizardun topatuko dituzue oholtzan, jostailuzko musika-tresnekin eta pop erritmoekin kontzertu bat emateko prest.

Musika familia osoarentzat. Jostailu tresnekin jotako musika leuna; printzesa bizardunaren ahotsa da ipuin-abestien gidari. Doinu itsasgarriak dauzkaten istorioak, letra jostagarriak eta ulertzen errazak, moralismorik gabeak eta ukitu ironikoekin.

Adina:  + 6 urte

Oharra: Haurren ekitaldietarako gonbidapenak lortzeko aurrez izen ematea beharrezkoa izango da, eta horretarako dagokion kultur etxeko e-posta orokorrera bidali beharko da eskaera: aietekulturetxea@donostia.eus

Ikuskizuna baino 5 egun lehenago eska daitezke gonbidapenak (gehienez lau gonbidapen eta saioa hasi baino ordu erdi lehenago arte jaso ahal izango dira. Aretora sartzeko guztiek maskara eraman beharko dute.

Euskaltzaleentzat eta ikasleentzat

Aurten ere, urtero bezala, jardunaldiak antolatuko ditu Bagera Elkarteak. Aurtengoan euskararen inguruan azken urteetan ematen ari diren diskurtso ezberdinak izango ditugu hizpide. Hizlari gonbidatuak Jone Miren Hernandez Garcia (Gizarte antropologia irakaslea) , Kike Amonarriz Gorria (Euskal Filologian lizentziatutako soziolinguista) eta Miren Artetxe Sarasola (ikerlaria) izango dira.

Informazio eguneratua eta eta izen-ematea: www.bagera.eus / bagera@bagera.eus

Euskara gehiago, gehiagorekin, gehiagotan!

Izena eman

Inporta zaizkigun gaietara hurbiltzeko jarduera-programa: jolas librea, nekazaritza-praktika ekologikoa, landareak eta animaliak zaintzea eta errespetatzea...

Untxien artean esperientzia eder eta ezohiko bat izateko aukera eskaintzen duen jarduera gidatua. Etxeko txikienentzat gozagarri, baina baita helduentzat ere. Jaitsi zure ahotsa, begiratu non zapaltzen duzun eta ireki ondo begiak; zer ikusi eta ikasi asko emango digute gure lagun iletsuek.

Asteburu honetarako proposamena da...

Chillidarekin dantzan. Eduardo Chillidaren lanaren ezaugarri plastikoak erabiltzea proposatuko dugu psikomotrizitatea lantzeko irudimena askatuz.

San Telmo zure kasa

Egoera berrira egokitzeko 2020/2021 ikasturtean museoak ez ditu ohiko familia tailerrak antolatuko, baina, horren ordez, San Telmoz era autonomoan gozatzeko proposamenak egingo ditu astebururo familiei zuzenduta. Joko, dinamika, eskulan eta abarren bidez, museoak bideak irekiko dizkie familiei euskal kulturan, egungo munduan, artean eta aldi baterako erakusketetan murgiltzeko.

> Noiz? Non? Nola?

    • Jarduera egiteko materiala ostiraletik aurrera eskuragarri izango da museoan eta museoko webgunean.
    • Doan banatuko da museoko sarrerarekin batera.
    • Euskaraz eta gazteleraz izango da eskuragarri.
    • Jarduera museoan egin ahal izango da edo museotik kanpo, bisita bukatu ondoren.
    • Ez da erreserbarik behar.