Euskaraz.net

Hizki formako hamaika aberek euskararen hiztegitik ihes egin dute eta museoan zehar ezkutatu dira. Dirudienez, bakoitzak erosoen sentitzen den ingurunean lekua topatu du. Lagunduko al diguzu bilatzen? Hamaika hizkiak aurkitzea eta horiek osatzen duten palindromoa asmatzea izango da jokoaren helburua. Asmatzen dutenen artean Pamiela argitaletxearen 5 abere ba. palindromo ilustratuen piztegia liburu zozkatuko dira.

Zatoz eta eskatu harreran jokoa egiteko gida!

Zozketan parte hartzeko, gidan idatzi behar da erantzuna eta orria museoko harreran utzi. Zorte on!!

Erakusketa iraunkorrean integratuko den jolas proposamena da, publiko orokorrarentzat eta familientzat, Bigararen eskutik.

Museoko sarrerarekin (abenduaren 5etik 8ra museorako sarrera doakoa izango da)

45 minutuko saioetan tarte bat egongo da haurrek irakurtzeko eta beste bat kontalariaren txisteak, asmakizunak edota ipuinak entzuteko. Kontalaria haur bakoitzaren irakurketa mailara egokituko da, eta bakoitzak ahal duena irakurriko du (letrak, silabak, esaldiak...). Hori guztia euskaraz eta giro goxoan, Lur Kortak gidatzen duen taldearen eskutik.

Doan izango da, baina izena eman behar da aukeratzen den liburutegian. Kontuan hartu behar da talde txikiak izango direla, 10 gehienez, eta heldurik gabe.

Higiene neurriak eta distantziak betearaziko dira. Gauzak horrela, maskara ezinbestekoa izango da, gela jarriko zaie haurrei sarreran eta ez dituzte materialak partekatuko. Liburutegiak emango dio haur bakoitzari eguneko liburua eta material osagarria.

Urgullen magalean erakusketa ezagutzeko era ezberdina proposatzen dizugu asteburu honetan, pista joko baten bitartez, animatuko zara?

Egoera berrira egokitzeko 2020/2021 ikasturtean museoak ez ditu ohiko familia tailerrak antolatuko, baina, horren ordez, San Telmoz era autonomoan gozatzeko proposamenak egingo ditu astebururo familiei zuzenduta. Joko, dinamika, eskulan eta abarren bidez, museoak bideak irekiko dizkie familiei euskal kulturan, egungo munduan, artean eta aldi baterako erakusketetan murgiltzeko.

    • Jarduera egiteko materiala ostiraletik aurrera eskuragarri izango da museoan eta museoko webgunean.
    • Doan banatuko da museoko sarrerarekin batera.
    • Euskaraz eta gazteleraz izango da eskuragarri.
    • Jarduera museoan egin ahal izango da edo museotik kanpo, bisita bukatu ondoren.
    • Ez da erreserbarik behar.

2020ko Euskaraldiaren aurkezpen ekitaldia.

Ongi etorri Euskaraldira!

Euskara ulertzen duten hiztunen arteko hizkuntza ohiturak aldatzeko ariketa soziala da Euskaraldia, gizartearen gune guztietara zabaldua eta denborari dagokionez mugatua. Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. 2020an, azaroaren 20tik abenduaren 4ra egingo dugu ariketa eta aurten, norbanako bezala (ahobizi edo belarriprest izanez), parte hartzeko aukeraz gain, taldean parte hartzeko aukera ere izango dugu arigune–en bidez.

Info. +: www.donostia.euskaraldia.eus / donostia@euskaraldia.eus

Pandemia garaian nola filosofatu? Zer pentsatu datozen erronken eta eraldaketen aurrean? Galdera horiek erantzuteko, eta bide batez Nazioarteko Filosofia Eguna ospatzeko, 4. urtez jarraian antolatu da Pentsatu Jaialdia, Agora Elkartearen eta Joxe Azurmendi Katedra proiektuaren arteko lankidetzan, UPV/EHUko Gipuzkoako Campuseko errektoreordetzaren laguntzaz. Landuko diren gaiak besteak beste: animaliekiko harremana, guda, COVID-19, askatasunaren eta segurtasunaren arteko gatazka.

Bideoak, testuak eta gida didaktikoak Pentsatu!k duen webgune berrian daude eskuragarri. Talde lana errazteko, izena aurretik eman behar da filosofiaelkartea@gmail.com helbidera idatziz.

Aurtengo egoera dela eta, jaialdia on line egingo da.