Euskaraz.net

Hizki formako hamaika aberek euskararen hiztegitik ihes egin dute eta museoan zehar ezkutatu dira. Dirudienez, bakoitzak erosoen sentitzen den ingurunean lekua topatu du. Lagunduko al diguzu bilatzen? Hamaika hizkiak aurkitzea eta horiek osatzen duten palindromoa asmatzea izango da jokoaren helburua. Asmatzen dutenen artean Pamiela argitaletxearen 5 abere ba. palindromo ilustratuen piztegia liburu zozkatuko dira.

Zatoz eta eskatu harreran jokoa egiteko gida!

Zozketan parte hartzeko, gidan idatzi behar da erantzuna eta orria museoko harreran utzi. Zorte on!!

Erakusketa iraunkorrean integratuko den jolas proposamena da, publiko orokorrarentzat eta familientzat, Bigararen eskutik.

Museoko sarrerarekin (abenduaren 5etik 8ra museorako sarrera doakoa izango da)

45 minutuko saioetan tarte bat egongo da haurrek irakurtzeko eta beste bat kontalariaren txisteak, asmakizunak edota ipuinak entzuteko. Kontalaria haur bakoitzaren irakurketa mailara egokituko da, eta bakoitzak ahal duena irakurriko du (letrak, silabak, esaldiak...). Hori guztia euskaraz eta giro goxoan, Lur Kortak gidatzen duen taldearen eskutik.

Doan izango da, baina izena eman behar da aukeratzen den liburutegian. Kontuan hartu behar da talde txikiak izango direla, 10 gehienez, eta heldurik gabe.

Higiene neurriak eta distantziak betearaziko dira. Gauzak horrela, maskara ezinbestekoa izango da, gela jarriko zaie haurrei sarreran eta ez dituzte materialak partekatuko. Liburutegiak emango dio haur bakoitzari eguneko liburua eta material osagarria.

Ipuin kontaketa.

Arantxa Molina (biolina) eta Ander Edo (ipuin kontalari eta aktore).

Adina: +6, heldurik gabe.

OHARRA:

Gonbidapenak: aldez aurretik izena eman behar da kultur etxeko e-postaren bidez (loiolakulturetxea@donostia.eus) eta 2 gonbidapen eskatu ahal izango dira gehienez.

Izena emateko epea 5 egun lehenago zabalduko da eta gonbidapenak emanaldia hasi baino ordu erdi lehenago arte jaso ahal izango dira.

rin-arinaren pausuak oinarri eraman dezagun erromeria gure etxeetara! Antiguoko Euskal Dantza Taldearen eskutik

On line. Konektatzeko informazioa https://jakintzaikastola.hezkuntza.net/eu/jakingura-elkartea webgunean

Egun batean leihoak ireki genituen eta isiltasuna beldurgarria zen.

Berriro ere leihoak ireki eta haize hotz bat sartu zen.

Atsekabeturik, gure entzumena irekitzen frogatu eta musikak liluratu gintuen.

Gure begiak ireki eta arteak eskutik hartu gintuen.

Animaturik gure bihotza irekitzea erabaki genuen eta dantzatutako muxu bat iritsi zitzaigun.

Une horretan, gure leihoak ireki genituen berriro eta itxaropen izpi bat sartu zen musikaren alaitasunarengatik, dantzaren hurbiltasunarengatik, azken finean kulturak dakarren magiarengatik.

Abenduaren 3an, Aniztasunaren eta Euskararen eguna izanik, ohi den bezala, Verdini Dantza Taldeak bere Saria emango du kultura munduko pertsona edo erakundeei, kultura munduan aniztasunaren eta Euskararen alde egiten duten lanarengatik eta haiekiko duten konpromezuarengatik.

Xabier Lete poeta eta kantari handia hil zela 10 urte betetzen direnean,  Gipuzkoako Foru Aldundiak Oiartzungo artista omendu nahi izan du Ni naiz Lete dokumentalaren estreinaldiarekin. Hainbat abeslari, idazle eta sortzaile ezagunek parte hartu dute poeta eta kantariaren lana eta bizitza omentzeko ekoitzitako lan berezi honetan. Foru erakundeak antolatutako estreinaldia Euskararen Nazioarteko Egunean egingo da, Donostiako Antzoki Zaharrean, eta omenaldira joateko aukera eskainiko zaie herritarrei, gonbidapenak aurretik eskuratu eta segurtasun neurri guztiak bermatuta.

Doako gonbidapenak eskuratzeko aukera egongo da www.gipuzkoa.eus/ninaizlete webgunean edota 943112335 telefono zenbakian.