Euskaraz.net

Urriaren 15eko oharra: emanaldia bertan behera geratu da Covid-19ak sortutako egorerara egokitzeko neurriengatik ezingo baita emanaldia aurreikusitako baldintzetan eskaini.

Aurten bete dira 20 urte Zuhaitz Gurrutxagak Real Sociedad futbol taldearekin lehen mailan debuta egin zuenetik eta urteurren hau ospatzeko aitzakiarekin bakarrizketa berri bat plazaratuko du. Hasi 2000. urtetik eta gaur arte, diziplina anitzeko pertsona izan da Gurrutxaga eta horri esker esperientzia ezberdin asko bizitzeko aukera eduki du: Goi mailako –eta ez hain goi mailako- futbola ezagutu du, 90. hamarkadako txirrindulari holandar baten izenarekin batailatu zuen musika taldea sortu, aktore nahiz bakarrizketalari gisa Euskal Herriko antzoki gehienetan aritu da, eta aurkezle lanetan Euskal Telebistako hainbat saio gidatu ditu. Horrez gain, eta esperientzia guzti hauek sorturiko fluktuazio emozionalak gestionatu asmoz, urte hauetan zehar, lauzpabost psikologoren kontsultak ere bisitatu ditu. Ikuskizun berri honetan, psikologoen dibanak albo batera utzi eta oholtza gainean kontatuko dizkigu azken bi hamarkadetan bizi izan dituen gorabehera guztiak, beti ere, noski, umorea ardatz hartuta. Azken finean, ba al dago umorea baino terapia eraginkorragorik egonkortasun emozionalaren bila dabilenarentzat?

Hizki formako hamaika aberek euskararen hiztegitik ihes egin dute eta museoan zehar ezkutatu dira. Dirudienez, bakoitzak erosoen sentitzen den ingurunean lekua topatu du. Lagunduko al diguzu bilatzen? Hamaika hizkiak aurkitzea eta horiek osatzen duten palindromoa asmatzea izango da jokoaren helburua. Asmatzen dutenen artean Pamiela argitaletxearen 5 abere ba. palindromo ilustratuen piztegia liburu zozkatuko dira.

Zatoz eta eskatu harreran jokoa egiteko gida!

Zozketan parte hartzeko, gidan idatzi behar da erantzuna eta orria museoko harreran utzi. Zorte on!!

Erakusketa iraunkorrean integratuko den jolas proposamena da, publiko orokorrarentzat eta familientzat, Bigararen eskutik.

Museoko sarrerarekin (abenduaren 5etik 8ra museorako sarrera doakoa izango da)

Euskaraldiari itxiera emateko ekitaldia

Asteburu honetarako proposamena da...

Kalejira, Donostiako Alde Zaharrean kalejira kalez-kale hiriko ondarea eta historia ezagutzeko.

San Telmo zure kasa

Egoera berrira egokitzeko 2020/2021 ikasturtean museoak ez ditu ohiko familia tailerrak antolatuko, baina, horren ordez, San Telmoz era autonomoan gozatzeko proposamenak egingo ditu astebururo familiei zuzenduta. Joko, dinamika, eskulan eta abarren bidez, museoak bideak irekiko dizkie familiei euskal kulturan, egungo munduan, artean eta aldi baterako erakusketetan murgiltzeko.

> Noiz? Non? Nola?

    • Jarduera egiteko materiala ostiraletik aurrera eskuragarri izango da museoan eta museoko webgunean.
    • Doan banatuko da museoko sarrerarekin batera.
    • Euskaraz eta gazteleraz izango da eskuragarri.
    • Jarduera museoan egin ahal izango da edo museotik kanpo, bisita bukatu ondoren.
    • Ez da erreserbarik behar.

***********

Ikusi hemen museoak familientzako prestatu dituen datozen proposamenak.

Eman izena gure buletinean familia jarduerei buruzko informazioa jasotzeko posta elektronikoan!