Euskaraz.net

Iñaki Agirrezabala eta Lourdes Etxaniz artisauek klaustroan egingo dute lana, publikoaren aurrean, eta bisitariei euren lanbideari buruzko informazio guztia eskaintzeko prest izango dira, euskaraz zein gaztelaniaz. Atzokoak gaur: Saskigintza programako jarduera.

Museoko sarrerarekin

Saskigintzak garrantzia handia izan zuen mendeetan zehar; izan ere, ekoizten zituzten materialak, mota askotakoak, premia handiko produktuak ziren beste jarduera ekonomiko asko egiteko. Eremu guztietan -landa, arrantza, meatzaritza, industria, merkataritza eta etxe eremuetan– erabiltzen ziren landare zuntzen bidez egindako ontziak eta piezak. Elikagaiak garraiatzeko edo kontserbatzeko tresnak ziren, eta ez zitzaien garrantzi berezirik ematen. Materia organikoz eginda zeudenez, hondatu eta bota egiten ziren erabilgarriak izateari uzten ziotenean. Hala ere, gaurdaino iritsi diren aleak iraganeko garaiez hitz egiten diguten testigantza materialak dira. San Telmo Museoak material, forma eta funtzio ezberdineko saski bilduma garrantzitsua du bere funtsetan.

XX. mendearen hasieran, mota honetako ontzi eta objektuen eskari handiak saskigintzaren garapen ikusgarria ekarri zuen. Aitzitik, jarduera 1950eko hamarkadatik aurrera gutxitzen hasi zen, materia plastikoak sartu zirenean. Gaur egun, saskigintzaren lanbidea ia desagertu egin da gure lurraldean; artisau jarduera bat da, ezagutza bat, trebetasun bat eta lan teknika batzuk, denboran zehar galduz joan garena.

Gaur egun, beste bizi filosofia bat daramaten artisau produktuen eta produktu naturalen aldarrikapen bat ikusten ari gara, eta arreta handiagoa jartzen diegu jasangarritasunari eta baliabide naturalen erabilerari. Ildo horretan, San Telmo Museoaren helburuetako bat oraina ulertzen eta etorkizuna iraganaren ezagutzatik eraikitzen laguntzen duten proiektuak dira.

"Mikelote eta Pantxo" bikote artistikoa desegin da. Haien formula komikoa gastatua zegoen, eta belaunaldi berriek haien tokia okupatu dute. Pantxok ondo hartu du behartutako erretiroa. Eskenatokietatik urruntzeko gogoa zuen aspalditik, bizimodu lasai eta normalizatua desiratzen zuen, artearen eromenetik urrrun. Mikelotek ez du bukaera onartu nahi. Antzerkiaren pozoia sakon errotuta dago bere zainetan. Eta pozoi horrek burua galtzeraino eramango du.

Egun batean Mikelote, "antzerkilari andante" estrafalarioa, Pantxoren bila joango da, trasteak prestatu eta Euskal Herrian barna joateko, herriz herri antzeztera, "Euskal Antzerkiak Behar Gaitu" uste inozoarekin. Horrela ibilbide fantastiko bat egingo dute Euskal Herrian zehar, hamaika abentura ero biziz. Mikeloteren imaginazioak sorturiko pertsonaia harrigarriak ezagutu eta egoera korapilatsuetan endredatuko dira.

Informazio gehiago: Tartean Teatroa

Sumisión City Blues, Izaki Gardenak edota Sexty Sexers bezalako bandetan aritu ondotik Joseba Baleztena Víctimas Club, Izaki Gardenak eta Señor no bandetako gitarrajola da egun. Gainera, M I C E proiektuan ere ari da, bai instrumentista gisa eta baita taldearen diskoen ekoizle modura ere.

2011an abiatu zuen bere bakarkako ibilbidea bere jarduna esparru zabalagoetara hedatuz, proiektu honekin osatzen du nafarrak bere jarduera musikala.

Orain, aldiz, beratar musikariak Joseba B. Lenoir Gang formatua berreskuratu du eta kontzertuetan disko berriko hotsak entzuteaz gain bere ibilbide osoko kantuak aditzeko aukera egonen da.

• Joseba Baleztena: Gitarra eta ahotsa
• Miren Narbaiza: Gitarra, sinteak, bateria eta ahotsa
• Ibai Gogortza: Gitarra
• Julen Postigo: Pianoa eta organoa
• Iñigo Telletxea: Baxua
• Igor Telletxea: Bateria eta perkusioa

Historiako lehiarik maiteenetako bat berpiztu egingo da Jerry New Yorkeko hotelik onenera bizitzera doanean, “Mendeko ezkontza” garrantzitsuenaren bezperan. Horrek ezkontza-planifikatzaile desesperatua Tom kontratatzera behartzen du, hura gainetik kentzeko. Katuaren eta saguaren arteko ondorengo borrokak, bere karrera, ezkontza eta, beharbada, hotela bera suntsitzearekin mehatxatzen du. Baina laster, arazo are handiago bat sortzen da: hiruren aurka konspiratzen duen langile handinahi bat.