Elkarri irakurriz Booktegiren ipuin-bilduma bat da, eta baita literatur solasaldi berritzaile bat ere. Bost idazle bildu eta, bakoitzak bere testuaren inguruan hitz egin beharrean, gainontzekoen ipuinak aztertuko ditu. Patxi Larrion, Beñat Sarasola, Garbiñe Ubeda, Juan Luis Zabala, Iban Zaldua.
Oharra: izena eman behar da posta elektronikoz (amarakulturetxea@donostia.eus). Gehienez bi gonbidapen bakoitzeko. Pertsona bakoitzaren izen-abizenak behar ditugu. Soilik hartuko dira kontuan maiatzaren 20tik aurrera jasotako eskaerak. Edukiera: 60 eserleku.
Elurrek Londresko The Pink Flamingo klubean egiten du lan. Dantzatzeaz eta kantatzeaz gain, bere showa izatea lortu du eta gauero jende asko joaten da bera ikustera. Harrigarria izan da Elurren eraldaketa. Izan ere, duela 10 urtera arte baserrian bizi zen bere familiarekin. Nola demontre lortu du baserritan euskaldun honek underground mugimenduko modako artista izatea Londresen? Zer bizipen izan ditu Elurrek azken 10 urte hauetan? Eta zergatik da Beyoncé guzti honen erruduna?
Esnatu Naiz antzerkia, dantza eta musika nahasten dituen showa da. Identitatea, giza-harremanak eta sexualitatea ditu hizpide, besteak beste, baina batez ere, gure nortasunarekin bat egin eta aske bizitzeko gonbitea egiten digu.
Ikuskizun honek galdera sakona proposatzen digu: gure nortasuna eta gure bizimodua bat al datoz? Beste modu batean galdetuta: gure nahiek, beharrek, ametsek eta desioek zer leku dute gure egunerokoan?
Bere azken 10 urteko bizipenen kontakizuna egitearekin batera, hainbat gai zehatzei buruzko hausnarketa egingo du Elurrek obra honetan: harreman sozialak, generoa, auto-estimua, lotsa eta beldurrak, sexualitatea, sorkuntza, bizipoza… gizartean errotuta dauden hainbat ohitura eta arau zalantzan jartzeaz gain, LGBTI+ komunitatearen eskubideen aldeko apustua egin nahi dugu obra honen bitartez.
Espazio txikietan taularatzeko ikuskizun aproposa da. Ondoren, solasaldi txiki bat egiteko aukera eskaintzen da.
Maya Erleak eta bere lagunik onenak, Willik, printzesa inurria erreskatatuko dute, eta intsektuen arteko gudu epiko batean murgilduko dira; mundu ezezagunetara eramango dituena eta bi erleen adiskidetasuna probatuko duena.