© Luis Buñuel Film Institute
Mexiko-Frantzia. Zuzendaritza: Luis Buñuel. Ekoizpena: Producciones Tepeyac, Dismage. Ekoizleak: Oscar Dancigers, Jacques Mage. Gidoia: Luis Buñuel, Luis Alcoriza eta Raymond Queneau, José André Lacour-en nobelan oinarriturik. Argazkia: Jorge Stahl Jr. Musika: Paul Misraki. Muntaketa: Marguerite Renoir, Denise Charvein. Aktoreak: Simone Signoret, Charles Vanel, Georges Marchal, Michel Piccoli, Michèle Girardon.
HIZKUNTZA: frantsesa / AZPITITULUAK: euskara
Latinoamerikako herrialde batean agintariek iragarri dutenez nazionalizatu egingo dira bertako diamante-meatzeak, eta horrek errebolta izugarriak ekarri ditu berekin lurralde osoan. Era askotako pertsona talde bat behartuta dago oihanean barrena sartzera, ihes egin eta euren bizitzak salbatzeko: Shark abenturazalea, prostituta bat, Djin, apaiz bat, aita Lizardi, eta diamanteen bilatzaile bat, Castin, haren alaba María gormutuarekin batera.
Musika eta jokoaren bitartez, haurraren irudimena garatzeko tailerra.
Adina: 6-10 urte.
Izen-ematea: Casares Kultur Etxean 943 35 11 49 casareskulturetxea@donostia.eus
Ezagutzen dituzu herrialde ezberdinetako soinuak? Eta instrumentuak? Entzutearekin bakarrik, antzemango zenituzke? Zatoz frogatzera!
XIXgarren mendeko bergantin batean hegoaldera egingo dugu bidaia hitzaldian. Malvinas edo Falkland uharteetik Antartikaraino eramango gaitu Maria Intxaustegik bere espedizio gida lanak eta ikerkuntzak azaltzeko. Shackelton, Scott, James Cook, Francis Drake, Elkano eta beste hainbat esploratzaile ditu lagun; beren pausoak eta nabigazio erabakiak aztertzen ditu Antartikako Weddell itsasoan, -15ºC-tan 37 metroko masta batean igota dagoela, izotza eta izeberren artean itsasontziari igarobidea bilatzeko.
Mariak itsasoan igaro zuen konfinamendu garaia, Bark Europako eskifaiarekin bizitako abenturan. Otsailean, Ushuaiara bueltatu ziren Antartikatik. Bi hilabetez mundutik at konexiorik gabe egon ondoren, pandemiaren berri izan zuten lehenengoz. Koronabirusa munduan zabaldu zen eta muga guztiak itxita zeuden. Hego hemisferioan negu beltza eta gogorra zetozen, eta erreserban zuten erregai eta janariarekin erabaki erradikal bat hartu zuten: Holandara bueltatzea, eskalarik gabe eta haize oihalek bakarrik lagunduta, garai bateko nabigatzaileak bezala. 81 egun eta 10.000 milia baino gehiago egin zituzten hegoaldetik iparralderaino Atlantiko osoa zeharkatuz. Bark Europa belaontzian eskifaiak bizitako esperientzia The Voyage (Richard Simko, 2021) dokumentalean biltzen da eta hitzaldiaren ondoren proiektatuko da.
Maria Intxaustegi (Donostia, 1989) itsaspeko arkeologoa, historialaria, kapitaina, buzo profesionala eta espedizio gida da. Jakin-minez beteta eta itsasoarekin guztiz maiteminduta, bere lehendabiziko ikerkuntzak Aro Modernoko itsasontzi hondoratuekin lotuta daude. Buzo profesionala bilakatu zen itsaspeko arkeologian aritzeko eta mundu osoan zehar ibili da ur-azpiko ondarea aztertzen.
2015ean, Texas A&M Unibertsitatean zegoela “Premio Iberoamericano Cortes de Cádiz” saria irabazi zuen. Ikasketak ordaintzeko profesionalki nabigatzen hasi zen, kapitain titulua eskuratu, eta hortik aurrera, belaontzi handiekin ibili da, batez ere, itsaso australean Aro Modernoko espedizioak aztertzen. Gaur egun, Bark Europan XIX mendeko bergantinean ari da lanean Antartikako espedizio gida bezala kontinente izoztua esploratzen, Alegria Expediciones enpresa eratu berriarekin esplorazio ibilbideak antolatzen, Ondaresub bere erakundearekin ur-azpiko ikerkuntzak egiten eta, EHUn doktoregotza bukatzen ari da Habanako XVIIIgarren mendeko ontziolari buruz.