Euskaraz.net

Zelakoa litzateke mundu bat benetako berdintasunarekin? Desoreka eta injustiziaz betetako mundu ilunean argia piztuko bagenu? Guztion energia erabiliz denontzat aukera berdinak bermatzen dituen mundu bat asmatuko bagenu? Eta, bapatean, zientzialari batek asmatuko balu ezjakintasun guztiekin bukatzeko makina miraritsua? Horrek berdintasuna ahalbideratuko luke? Eta asmatzailea emakumea balitz? Ustezko zientzia kongresu zoro eta dibertigarri honetan bi Antzezleek dena buruz gora jarriko dute eta emakume zientzialarien historian zehar nabigatuko dugu. Marie Curie ardatz eta gidari izanik, emakumeak zientzian izandako benetako pisuaz jabetuko gara eta hainbat esperimentu egingo ditugu ere. Eta bidaia honen ondoren, guztion barnean ideia berriak piztuz, makina horrek barnean gordetzen duen sekretuaz jabetuko gara beharbada...

Areto Nagusia.

Oharra: Gonbidapenak martxoaren 7-12 bitartean Kultur Etxean banatuko dira.

Migrazioa mugimendua da. Mugitzea, funtsean, gorputz bat lekuz aldatzea. Lekuz aldatzean gorputzaren barruko guztia mugitzen da harekin: ametsak, beldurrak, minak eta itxaropenak. Migrazioa mugimendua da. Eta mugimendua arintasuna, mugarik eza. Gorputzak irekitasuna behar du mugitzeko: irekia egon mugimendua abiatzeko, irekia egon mugimendua jasotzeko.

Aukeran Dantza Konpainiak emanaldi honekin hori bera proposatzen dio publikoari: mugimenduari irekitzeko ariketa bat. Ireki gogoak, ireki kuriositatea, ireki gorputzak. Ez dadin norbera izan hormarik altuena. Irekitasuna adierazi dantzaren bitartez, jarrera eszenikoaren bitartez. Historiari begiratu, gure mina besteena ere badela oroitzeko. Mina ukatu gabe, enkontruak ospatzeko prest egotea da publikoari proposatzen zaiona. Zer da migratzaile izatea ez bada, funtsean, mugitzea: gorputz bat lekuz aldatzeko prest egotea, eta leku berri horretan norbera den gorputza berriro deskubritzea.

Zuzendaritza: Edu Muruamendiaraz Dramaturgia eta eszena zuzendaritza: Oier Guillan Musika konposagilea: Xabi Aburruzaga Koreografia berezia "Aukeran 2.5.": Iker Karrera Koreografia garaikideak: Ane Anza, Maier Muruamendiaraz Argiztapen-diseinua eta zuzendaritza teknikoa: Carlos Solano Jantziak: Oscar Armendariz Dantzariak: Ane Anza,Bingen Esturo, Ane Etxeberria, Unai Iraola, Maier Muruamendiaraz, Nahikari Sanchez, Uxue Sanchez, Danel Serrano, Claudia Talavera Ekoizpena: Eli Alberdi Ekoizpen laguntzailea: Jaione Jauregi Zuzendari teknikoa: Carlos Solano Banaketa: Bapo Bapo Produkzioak

Informazio gehiago: Aukeran Dantza Konpainia

Esku programa

Sozialismoaz Ikasten.

Bertsolariak: Txaber Altube, Aitor Bizkarra, Lurdes Ondaro

Antolatzaileak: Gazte Koordinadora Sozialista

Talde balioaniztun eta esperimental honek mota guztietako musika-estiloekin egiten du proba, euskara, gaztelania eta ingelesera egokituz. Hilean 17.000 entzule baino gehiago dituzte Spotifyn eta abesti aipagarriak dituzte, besteak beste, “Zugaz”; musikaren arloan aurrera egiten saiatzeko unea dela uste dute orain.

Talde gazte eta gogotsu honek 3 urte baino gehiago daramatza sare sozialetan abestiak eta ekitaldiak argitaratzen; hala ere, inoiz baino gehiago, beren musika-proiektuarekin serioski lan egiteko unea dela uste dute orain, eta hori nabaritzen da beraien abestien eboluzioan eta kalitatean.

Txiltxoko Kutxa Kultur Musika 2022rako hautatutako banda, musikaren arloko egoitza artistikoen programarako, Kutxa Fundazioak sustatua. Gure lurraldeko talde edo bakarlari berrien hazkunde eta garapen profesionala bultzatzeko sortu zen, eta 2011. urtetik ari da garatzen.

Irakurketa sustatzeko kluba. 8-10 urteko haurrentzat. Saio hauetan, Mari Garciaren eskutik, ekimen batzuk elkarrekin burutuko dituzte; hala nola irakurketa ozenak, liburuen aurkezpenak, irakurritako liburuei buruzko komentario eta gomendioak, eta liburuez gozatzeko hainbat ekimen lasaiak. 

Hurrengo larunbatetan, goizeko 11:00etan:

Dohainik. Izena eman behar da. Telefonoa: 943 481999. Emaila: haurliburutegia@donostia.eus