Albisteak

“Parketarrak”, euskaraz jolasean aritzeko ekimena 17 auzotan antolatuko da maiatzaren 9tik 27ra

2022-05-09

Donostiako Udaleko Euskara Zerbitzuaren eta auzoetan antolaturiko euskara batzordeen elkarlanaren ondorioz, “Parketarrak“ izeneko egitasmoa Donostiako hamazazpi auzotan antolatuko da maiatzean. Lehen saioak maiatzaren 9an hasiko dira Morlansen, Txomin-enean, Añorgan eta Altzan. Hortik aurrera, maiatzaren 27ra arte, hiriko auzoetako hainbat parke eta plazetan euskaraz jolasean aritzeko aukera eskainiko da doan.

Gehiago irakurri

50 bidelagun gehiago behar dira. Laguntzeko prest zaude?

2022-05-04

Aurten 10 urte beteko dira mintzanet martxan jarri zenetik. Geroztik ehunka lagunek, astero ordu bat gutxienez eman dute euskaraz aritzeko. Bidelagunak eta bidelariak elkarrekin aritu dira milaka mintzapraktika ordu eginez, Euskal Herrian asko eta asko, baina gure mugetatik kanpo ere bai. Une honetan, euskaraz aritu nahi duten bidelariak zain daude, eta bidelagun gehiago behar dira mintzanet sarean.

Gehiago irakurri

"Oporretan euskaraz" udalekuetan izena emateko epea zabalik maitzaren 2tik 10era

2022-04-25

Udaleko Euskara Zerbitzuak “Oporretan Euskaraz” udaleku irekiak antolatuko ditu uztailaren 4tik 29ra. Udako jarduera honen helburua da euskararen erabilera sustatzea haurrengan. Bertan parte hartzeko izena eman ahal izango da maiatzaren 2tik 10era. Izen-ematea online egitea gomendatzen da www.donostiaeuskaraz.eus edo www.donostia.eus helbideetan. Hala ere, Udaleko Euskara Zerbitzuaren bulegoan ere egin ahal izango da, Konstituzio plazaren 2an, 9:00etatik-14:00etara.

Gehiago irakurri

XXII. Donostia Antzerki Sarirako gonbidapenak banatuko dira martxoaren 25eko 17:00tik aurrera Victoria Eugeniaren txarteldegian

2022-02-28

Antigone edo ezetzaren beharra antzezlanak lortu du Donostiako Udaleko Euskara Zerbitzuak eta Donostia Kulturak antolaturiko 22. Donostia Antzerki Saria. Lan hori izan da 2021ean Donostian helduentzako antzerki konpainia profesional batek euskaraz eskainitako antzezlanik onena. Martxoaren 25etik aurrera,  17:00tik aurrera,  Victoria Eugeniaren txarteldegian gonbidapenak banatuko dira 27ko ekitaldirako.

Gehiago irakurri

Doako euskara ikastaroak martxotik maiatzera langabe donostiarrentzat

2022-02-14

Udaleko Euskara Zerbitzuak urteko bi sasoitan antolatuko ditu doako euskara ikastaroak langabeentzat: martxotik ekainera eta urritik abendura. Orain arte, urtean behin bakarrik, udazkenean, antolatzen zituen langabeentzako ikastaroak (urritik abendura), baina 2022an, martxotik ekainera ere antolatuko dira.

Gehiago irakurri

Igor Salutregi “Azken partida” egitasmoarekin, Oihua! sorkuntza ekimenaren bigarren edizioaren irabazlea

2022-02-04

Ostirala, 2022(e)ko Otsaila(r)en 04-(e)an. Igor Salutregik irabazi du Oihua! sorkuntza ekimenaren bigarren edizioa Azken partida film laburraren proiektuarekin.

Donostia Kulturak, San Sebastian-Gipuzkoa Film Commissionek eta Donostiako Udaleko Euskara Zerbitzuak bultzatutako ekimena da Oihua!. Euskaraz filmatzen den fantasiazko generoa indartzeko helburuarekin sortu da. Deialdia 35 urte arteko sortzaile hasiberrientzat egin da. Irabazleak Maider Oleaga zuzendariaren aholkularitza izango du lan prozesuan zehar. Gainera erakundeek 7.000 bat euro jarriko dituzte ekoizpenerako, hau da, film laburra egin ahal izateko. Zentzu horretan, Larrotxene Bideoren tutoretzapean eta elkarlanean ekoiztuko da gidoia. Film laburraren filmaketa osoa Gipuzkoako Lurralde Historikoan egingo da.

Gehiago irakurri

Donostiako Udalak haurrak euskaraz matrikulatzeko deia egin die gurasoei

2022-01-12

Donostia, urtarrilaren 12an. Donostiako Udalak haurrak euskaraz matrikulatzeko deia egin die gurasoei. Jon Insaustik, Udal Gobernuko Kultura eta Euskara zinegotziak adierazi duenez, haurrak elebidunak izan daitezen aukera onena euskarazko ereduan ikastea da.Urtarrilaren 17tik 28razabalik egongo da haurrak matrikulatzeko epea. Gurasoek beraien seme-alabak zein hizkuntza eredutan matrikulatuko dituzten erabakitzeko unea izango da. Erabaki horrek duen garrantzia kontuan harturik, euskaraz matrikulatzeko deia egiten diegu, horixe baita elebitasunik orekatuena bermatzen duena”.

Gehiago irakurri

Gabonak Zuretzat: haurrentzako jarduerak

2021-12-20

Donostia Gazteriak, urtero bezala, haurrek ondo pasa dezaten egitarau berezi bat antolatu du 2022ko urtarrilaren 6 arte: ikuskizunak, tailerrak, jokoak, lehiaketak, filmak eta abar luzea! Egitaraua jarraian:

Gehiago irakurri

Euskararen Nazioarteko Eguna Donostian “Guk kirola baino gehiago egiten dugu. Gu euskaraz entrenatzen gara”

2021-12-03

KEES (kirol entrenamenduetan euskara sustatzeko metodologia) egitasmoa lantzen ari diren Donostiako 20 kirol klubei eskaini die Donostiako Udalak Euskararen Nazioarteko eguneko ekitaldi nagusia.

Gehiago irakurri

OHARRA: Euskararen Nazioarteko Egunaren inguruko egitarauan balizko aldaketak

2021-12-02

Iragarria dagoen eguraldi kaxkarra eta osasun egoerak hartu duen norabidea kontuan izanik, Euskararen Nazioarteko Egunaren egitarauan agertzen diren zenbait ekintza bertan behera gera daitezkeela jakinarazten dizuegu. Erabaki hori ekintza motaren, auzoaren, entitate antolatzailearen eta publiko motaren araberakoa izan daitekeenez, ezin genezake zehaztasun gehiago eman aldez aurretik.

Gehiago irakurri