KEES Metodologia
Kirol Entrenamenduetan Euskara Sustatzeko Metodologia
Donostiako Udaleko Euskara Zerbitzuaren helburu estrategikoetako bat da sustatzea euskararen erabilera kirol esparruan. Gazte asko kirolari lotuak bizi dira, beraien aisialdian kirola egiteak garrantzia handia du eta ordu asko ematen dute horretan. Bestalde, gazteak dira gaur egun euskara gaitasun gehien dutenak, eta beraz, euskara erabiltzeko baldintza onenak dituztenak. Gaur egungo donostiar gazte gehienek badakite euskaraz eta adin tarte hau oso garrantzitsua da hizkuntza ohiturak finkatzeko.
KEES Kirol Entrenamenduetan Euskara Sustatzeko egitasmo honen helburu nagusia da haur eta gazteek euskara erabiltzea eskolaz kanpoko kirol jardueretan. Era berean, ondoko helburuak ere erdietsi nahi dira:
-Haur eta gazteen hizkuntza-ohiturak modu naturalean aldatzea
-Donostiako kirol elkarteetan entrenatzaile euskaldunen kopurua igotzea eta entrenamenduak euskaraz egitea
-Donostiako kirol elkarteetan euskararen erabilera eta presentzia areagotzea
KEES metodologiaren ezaugarri nagusiak
Kirol Entrenamenduetan Euskara Sustatzeko Metodologiak kirol hezitzaile-entrenatzailea du ardatz. Bera da euskararen erabilera sustatzeko arduradun nagusia; entrenamendu saioak euskaraz gidatzeko gaitasuna duten entrenatzailea. Hala, kirol hezitzaileak euskaraz egingo die haurrei beti; entrenamenduetan informazioa, aginduak eta zuzenketak euskaraz emango ditu. KEES metodologiaren bidez entrenatzaileek baliabide eta tresnak ezagutuko dituzte gaur egun bizi dugun elebitasunezko errealitateak haurrekiko komunikazioan sortzen dituen egoera anitzak kudeatu ahal izateko.
Haurrek ez dute KEES metodologiaren berri izango. Entrenatzailearen zeregina izango da metodologia aplikatzea baina haurrek ez dute metodologia honetan parte hartzen ari direla jakin behar. Helburua da haurren hizkuntza ohiturak ahalik eta modu naturalenean aldatzea.
Zer da KEES Metodologia?
KEES Metodologia zure kirol klubean txertatu nahi duzu?
Harremanetan jartzeko:
-Donostiako Euskara Zerbitzua: donostia_euskara@donostia.eus / 943 48 37 50
-Kirolean Euskaraz: kaixo@kirolean.eus / 649 42 55 84
2022-2023 ikasturtea
Donostiako 22 Kirol Elkarte ari dira haur eta gazteen hizkuntza-ohiturak aldatzeko lanean:
1- Añorga Kirol eta Kultura Elkartea
2- Askatuak Saskibaloi Taldea
3- Egiako Eskubaloi Taldea
4- Fortuna Kirol Elkartea
5- Atletico San Sebastian Kluba
6- Bera Bera
7- Judo Club San Sebastian
8- Gros Xake Taldea
9- Ur kirolak
10- Groseko Indarra Surfa
11- Konporta
12- Martutene kirol elkartea
13- Irutxulo sub urpekariak
14- Donostia Gimnastika erritmikoa
15- Tximeleta KE
16- Reala, atletismo saila
17- Kostkas
18- Ibaeta Basket
19- Jakintza Atletismoa
20- Duna Surf
21- Luberri
22- Donostiarra