16-18 urte bitarteko gazteentzako euskara ikastaroak

Udaleko Euskara Zerbitzuak, hiriko euskaltegiekin elkarlanean, 16 urtetik gorako gazteentzako euskara klaseak antolatuko ditu. DBH4, Batxilergo 1 eta Erdi mailako Lanbide Heziketako gazteak lehenetsiko dira.

-Noiz: 2023-2024 ikasturtean zehar

-Ordu kopurua: 60 ordu guztira

-Adina: 16-18 urte. 2024an ezinbestean 16 urte bete behar dituzte. Gazteagoek ezin dute parte hartu.

-Baldintza: Donostian erroldatua egotea edo Donostiako ikastetxeren batean ikastea

-Datak eta ordutegiak: ikasleen arabera alda daitezke.

 

  • 16:00-18:00 Otsailaren 5etik aurrera ekainera arte, 60 ordu, 15 aste, 2 egun astean, astelehen/asteazkena, 2 ordu egunean
  • 17:00-19:00 Otsailaren 5etik aurrera ekainera arte, 60 ordu, 15 aste, 2 egun astean, astearte/osteguna, 2 ordu egunean
  • 16:00-18:00 Otsailaren 5etik aurrera, 60 ordu, 10 aste, 3 egun astean, astelehen/astearte/osteguna, 2 ordu egunean
  • 17:00-19:00 Otsailaren 5etik aurrera, 60 ordu, 10 aste, 3 egun astean, Astelehen/astearte/osteguna, 2 ordu egunean
  • 16:00-18:00 Otsailaren 5etik aurrera, 60 ordu, 7,5 aste, 4 egun astean, astelehenetik ostegunera, 2 ordu egunean

 

-Lekua: Donostiako euskaltegi homologatu batean

-Maila: euskara maila urria edo oinarrizkoa (B2 gehienez)

-Prezioa: doan, 10 euroko fidantza. Asistentziaren % 75arekin itzuliko da.

-Ratioa: 8-12 gazte talde bakoitzean

 

PROZEDURA:

1. Izena emateko fitxa gazteek beteko dute

2. Fitxa bete eta gero:

-udala_euskara@donostia.eus helbidera bidali

-Euskara Zerbitzuan eskura eman edo bulegoan bertan bete (Konstituzio plaza 2, behea, 8:00-14:00)

-Euskaltegietan eskura eman

3. Gazteen euskara maila zehazteko irizpideak

-A0 maila: Gazteak azken hilabeteotan iritsi badira.

-A1 maila: Hilabete batzuk daramate Donostian eta zertxobait badakite

-Gainerako kasuetan euskaltegi bat arduratuko da gazteei mailaketa proba egin eta bakoitzari dagokion maila esleitzeaz.

4. Taldeak euskara mailari erreparatuta osatuko dira. Ikastetxe ezberdinetako gazteak izatea lehenetsiko da.

 

Erlazionatutako dokumentuak

Itzuli