Albisteak
Euskarazko produktuen gida 10 urtetik beherako haurrentzat
2022-12-23
Donostiako Udalaren Euskara Zerbitzuak Euskarazko produktuen gida 2022 paperean eta on line argitaratu du. Haurrei zuzendutako euskarazko produktuak biltzen ditu. Durangoko Azokaren eta Gabonen atarian argitaratu da, euskarazko liburuak eta produktuak erosi edota oparitzeko garaian.
Turistentzako Euskarazko Hiztegi Txikia berritu du Udaleko Euskara Zerbitzuak
2020-02-04
Turistentzako Euskarazko Hiztegi Txikia argitara eman du UdalekoEuskara Zerbitzuak Jon Insausti Kulturako eta Euskarako zinegotziaren esanetan, patrikako hiztegian euskarazko oinarrizko hainbat hitz eta esaldi bildu dira Donostiara etortzen den bisitariak ezagutu eta erabili ditzan (agurrak, lekuen izenak, egunak, hilabeteak, zenbakiak…). Hitz horiek guztiakbederatzi hizkuntzatan kaleratu dira: euskara, gaztelania, galegoa, katalana, frantsesa, ingelesa, italiera, alemana eta, berritasun gisa, japoniera.
Euskara Zerbitzuak lau jarduera antolatu ditu uztailean haur eta gazteen euskararen ezagutza eta erabilera sustatzeko
2023-07-03
Ia 1.000 lagun ariko dira lau jardueratan eta jatorri ezberdineko
etorri berri askok hartuko dute parte
Donostiako Udaleko Euskara Zerbitzuak uztailaren 3an jarri ditu martxan haurren eta gazteen artean euskararen ezagutza eta erabilera sustatzea helburu duten udako jarduerak.
Lau jarduera antolatu ditu uztailean: batetik, Oporretan Euskaraz udaleku irekiak, 5-11 urteko haurrentzat; bestetik, Haurrak Udan Mintza Jolasean (8-10 urtekoentzat) eta Aisikasi (12-15 urtekoentzat) udaleku trinkoak, ikasturtean zehar kanpotik gurera etorri eta oinarrizko hizkuntza-maila eskuratu ez dutenentzat; eta, azkenik, euskara ikastaroak, oinarrizko euskara mailarik ez duten 16-18 urteko gazteentzat. Aipatu lau jardueretan, guztira, 982 haur eta gaztek hartuko dute parte.
"Oporretan euskaraz" udalekuetan izena emateko epea maiatzaren 10ean itxiko da
2023-04-21
Udaleko Euskara Zerbitzuak “Oporretan Euskaraz” udaleku irekiak antolatuko ditu uztailaren 3tik 28ra. Udako jarduera honen helburua da euskararen erabilera sustatzea haurrengan. Bertan parte hartzeko izena eman ahal izango da maiatzaren 2tik 10era. Izen-ematea online egitea gomendatzen da. Hala ere, Udaleko Euskara Zerbitzuaren bulegoan ere egin ahal izango da, Konstituzio plazaren 2an, 9:00etatik-14:00etara.
Ikastetxeetako Euskara Batzordeen Topaketa egin da
2022-12-16
Gaur, abenduak 16, Donostiako 14-16 urte bitarteko DBHko bederatzi ikastetxetako 90 ikasle bildu dira Tabakaleran. Institutu eta ikastoletako euskara batzordeetako kideak dira. Elkar ezagutzea eta euskara sustatzeko ekimen bateratua prestatzea izan da topaketaren helburua.
Euskararen Nazioarteko Eguna ospatuz Donostian
2022-12-02
Euskararen Nazioarteko Eguna (abenduak 3) dela eta, hainbat ekimen antolatu dira (bai auzo mailan, baita hiri mailan ere). Ekimen hauek auzoetako euskara batzordeekin eta bestelako eragileen partaidetzarekin antolatu dira. Abenduaren 3an eta 4an antolaturiko ekintzak auzoka dituzu ikusgai
Xare, Euskarazko Kultura Digitalaren Jardunaldiak
2022-12-01
Informazioaren eta Komunikazioaren Teknologien (IKT) arloan euskararen erabilera sustatzea eta euskarazko kultura digitala gazteen artean ezagutzera ematea dira helburuak .Horrekin batera, softwareen euskaratzea bultzatzea eta gazteen artean horiek erabiltzeko ohitura areagotu nahi da, modu praktiko eta ludikoan. Abenduaren 5ean eta 9an, 14-16 urte bitarteko 527 ikaslek parte hartuko dute EHUko Informatika Fakultatean antolaturiko Xare egitasmoan. (Egitaraua)
Badator Euskaraldia!
2022-11-04
2022ko azaroaren 18tik abenduaren 2ra ilusioz, arduraz, gogoz eta emozioz ekingo diogu ariketari. Kaleak beteko ditugu berriz ere, euskaraz hitz egitea inoiz baino errazago izan dadin. Belarriprestok eta ahobiziok aukera berriak izan ditzagun lan egingo dugu elkarrekin, auzoz auzo, herriz herri eta arigunez arigune. Hitzez ekiteko garaia heldu da.
Irailaren 28tik aurrera, belarriprest eta ahobizi guztiek eman dezakezue izena Euskaraldian parte hartzeko! Sartu estekan eta batu ariketara!
Donostiako Kultur Etxe guztiak, Benta Berri eta Bidebietako kiroldegiak, Begera Elkartea eta Euskara Zerbitzua informazio puntu bihurtuko dira. Bertan izena eman ahal izango da, baita txapak lortu ere.
2022ko udako ikastaroetarako dirulaguntzen behin behineko zerrenda argitaratu da
2022-11-03.jpg)
2021eko irailaren 7an GAOn argitaratu ziren oinarrietako 9. puntuak dioena betez, argitara ematen da dirulaguntzen behin-behineko ebazpen proposamena.
Alegazioak aurkezteko epea: azaroaren 4tik 17ra (biak barne)
Behin betiko zerrenda abenduaren 14an argitaratuko da.
Alegazioak aurkezteko lekua:
- Euskara Zerbitzuan (Konstituzio plaza 2 behea)