Honelaxe aurkeztu du Antton Gurrutxagak hitzaldia: "Mendi handia da Dhaulagiri, 8.167 metrokoa, eta piramide erraldoi baten gisan goratzen da Nepaleko Kali Gandaki eta Miagdy Khola ibaien artean. Ibai horien ibilguei jarraituz, Dhaulagiri oinez inguratu genuen, 2018ko azaroan, eta aurkezpen honetan bazter miragarri horiek ezagutzeko parada izango dugu, zeharkaldiko irudien eta azalpenen bidez. Dhaulagirik zer kontatu asko dauka, bestela ere, eta jakingarri horietako batzuk ere aipatuko ditugu. Besteak beste, euskaldunek igo zuten lehen zortzimilakoa izan zen; hain zuzen ere, 1979an nafar espedizio batek lortu zuen taldeko hiru lagunek gailurra zanpatzea".
Antolatzaileak: Haizalde Elkartea, Donostia Kultura