Euskaraz.net

Igor Leturiak euskaraz zuzendutako solasaldian, Mikel Begoña (Sopela, 1964) gidolariaren eta Adur Larrea (Bilbo, 1982) marrazkilariaren lana aztertuko dugu.

Mikel Begoña komiki gidoilaria eta komikigintzaren sustatzailea da. Historian lizentziatu zen eta liburuzaina da lanbidez. 2004 eta 2008 urteen artean Ricardo Sendra marrazkilari argentinarrarekin lankidetzan aritu zen. 2007an argitaratu zuen bere lehen albuma, Berunezko Itsasoa eta 2015ean bigarrena: Ötzi.

Adur Larrea, komikigilea, Arte Ederrak ikasi zituen Leioako unibertsitatean. Ilustrazio lanak egin ditu prentsa eta liburugintzarako, eta bideo animazio eta grafismo lanetan aritzen da. Hainbat aldizkaritan egin du lan, eta baita Berria egunkarian ere. 2018an Nabarralderen enkarguz eta Miren Mindegiaren gidoiaz Maria Zugarramurdikoa eta sorginduak izan ziren emakumeak komikia sortu zuen.

2013tik aurrera Bertsolari aldizkarian Mikel Begoñak eta Adur Larreak The last shot komiki saila hasi zuten, eta 2017an Bertsolari aldizkariak album moduan argitaratu zuen osorik Arditutakoak izenburupean. Bertan, Ameriketako euskal artzainen inguruko komiki-istorioa azaltzen da.

Irakurketa errazeko talde bat egingo dugu liburutegian.

Helburua: euskaldun berriak direlako edo euskaldun zaharrak izanagatik euskaraz irakurtzeko zailtasunak dituzten pertsonak irakurtzera animatzea. Liburu guztiak liburutegian bertan lortuko ditugu eta bertan irakurriko dira. Eta noski doanekoa da.

Montse Flores Pallarésen Rif mendietako ura liburua irakurriko da.

Informazio gehiago: Irakurketa erraza.

Euskaltzaindiak Euskara Ibiltaria erakusketa ekarri du San Telmo Museora, mendeurrenaren ospakizunen harira. Euskararen Herri Hizkeren Atlasean dago oinarrituta, erakusketak ahozko euskararen aldaerak mapetan erakustea du helburu.

Erakusketa interaktiboa da proposamena; bisitaria euskararen hitz eta hotsekin jolastuko da eta zentzumenek ere izango dute zer esana...

Ilustratzailea eta artista grafikoa, beti ikuspegi kritikotik eta ironiaz betetakoan axola zaizkionn gaiei buruz lan egiten du. Teknika desberdinekin esperimentatzea gustatzen zaio, eta eskuz eta digital tekniken artean mugitzen da.

Gizartearen aldarrikapena bere lanaren muina izaten da. Bidegabekeriak, sexismoa edo arrazakeriari buruz lan egitea gustatzen zaio.

Aldarrikapen lan horretan, estanpatuek oso lan garrantzitsua izan dute beti, kultura bisual baten erreflexu gisa eta kultura aniztasuna erakusten.

Oraingo honetan, irudi protagonista gisa estanpatuak erabili nahi ditut gaur egungo gizartea erakusteko; askotan gizarte bidegabea eta zentzurik gabekoa.