Euskaraz.net

Martxoaren 24ko oharra: Ekitaldi hau bertan behera geratu da. Informazio gehiago: sarreren diru itzulketa eta beste hainbat xehetasun.

Kantari baxenabartarrak bere barneko garapen pertsonala eta nortasun eraikitzea aipatzen dizkigu Muda azken lanean. Bere azal-mamiak urtez urte kendu ditu, suge batek egin lezakeen bezala, eta prozesu hori alegiazko zein egiazko istorio batzuei esker kontatzen digu.

Abestien letrak osatzeko, berak batzuk idazteaz gain, hainbat olerkari eta bertsolarien laguntza jaso du: Uxue Alberdi, Jon Benito, Leire Bilbao, Itxaro Borda, Xabier Euzkitze eta Jon Maia.

Jérémie Garat (ahotsa, gitarrak, txeloa), Joël Merah (mandolina, gitarra portugesa, baxu akustikoa), eta Amaiur Cajaraville (kontrabaxua)  musikariak izango ditu alboan.

Hiriko eta aldirietako kultur mugimenduaren eta bertako sortzaileen inguruko magazina egunero Donostia Kultura (DK) Irratian.

Astelehenetik larunbatera ordu eta erdiko saioa aurkezten du Ion Olano Carlos esatariak. Igandetan ordubetekoa da.

Irratia zuzenean entzuteko bi aukera daude:

1.- DK Irratiaren webgunean

2.- Frekuentzia Modulatuko (FM) 107.4 frekuentzian.

Horretaz gain, badago Bestalde zuk nahi duzun unean entzuteko aukera ere bai.

Gogoratu DK Irratiak eguneko 24 ordutan emititzen duela. Kontsultatu programazio osoa eta podcasten saila.

Egungo konfinamendu egoerara oraindik egokitu nahian gabiltza. Ez genuen horrelakorik espero, eta zurrunbiloaren erdian gaude, baina ez da hau historian lehen aldia. Izurrite beltzatik gripe espainiarrera. Mendeetan zehar izandako bost pandemien errepasoa. Nola egin zitzaien aurre horrelako egoerei iraganean? Zer nolako eragina izan zuen gizartean? Hori guztia bost ataletan.

Tessa Andonegi interpreteak Historiako Pandemien Entziklopedia Ilustratuaren bidez egingo digun pandemia, epidemia eta abarren historiaren errepaso umoretsua ikusi ahal izango da gure Youtubeko gure kanaleko zerrenda honetan.

Bideoa apirilaren 3an 19:00etatik aurrera egongo da ikusgai.

Antzokia Etxean programarekin jarraituko dugu, zeinak agenda berri bat irekiko baitu ostegunetik igandera bitarte (gune eszenikoetan jende gehien izaten den egunetan, alegia), 19:00etan. Hemengo artista eta sortzaileek beren ikuskizun edota sorkari berri orain arte erakutsi gabeen zatitxoak eskainiko dituzte formatu honetan. Kontzertuak, bakarrizketak, koreografiak... izango dira, 5 eta 15 minutu artekoak, eta primizia gisa gozatu ahal izango dira Donostia Kulturako kanaletatik.

Lehen asterako (bihartik igandera, hots, apirilaren 5era), Aizpea Goenaga, Tessa Andonegi, Iker Lauroba eta Sergio Nguemaren emanaldiak izango ditugu.

Argazkia: Gorka Bravo