Euskaraz.net

Apirilaren 27ko saioa entzungai: Tinko Euskara Elkarteko Iñigo Arandia eta Iñaki Beraetxe bikoiztaile eta aktorea izan dira gaurko gonbidatuak. Egunero bezala, Beñat Hach Embarek eta Anartz Bilbao kolaboratzaileek ere beren tartea izan dute irratsaioan.

DK Irratiko Ispilu beltza saioa Donostiako paisaia, aktore eta gertakizun kulturalak islatzeko jaio da.

Astelehenetik ostiralera bi orduko saioa aurkezten du egunero Oier Aranzabal esatariak.

Irratia zuzenean entzuteko bi aukera daude:

1.- DK Irratiaren webgunean

2.- Frekuentzia Modulatuko (FM) 107.4 frekuentzian.

Horretaz gain, badago «Ispilu beltza» zuk nahi duzun unean entzuteko aukera ere bai.

Gogoratu DK Irratiak eguneko 24 ordutan emititzen duela. Kontsultatu programazio osoa eta podcasten saila.

Ez du axola, irakurle, zerk ekarri zaituen puntu honetaraino. Gauza da hemen zaudela eta, nahi izanez gero, zeure buruaz zerbait ikasteko aukera duzula. Ausartzen bazara, noski

Koadernoa izeneko egitasmoaren barruan, gure idazle eta ilustratzaileek kontakizun labur argitaragabeak eskainiko dituzte, eta egoera berezi honetarako bereziki sortutako ilustrazioak. Eguneroko eskaintza izango da –astelehenetik ostiralera–, donostiakultura.eus-etik eta sare sozialetatik. Zenbait idazle ezagunek, hala nola Juan Kruz Igerabide, Luisa Etxenike, Mila Beldarrain, Julia Otxoa, Jabier Etxaniz, Aritz Gorrotxategi, Oier Guillan eta Ana Malagonek, agindu digute DKEtxean Kuadernoa programaren lehen egunotan parte hartuko dutela.

NOR ZAREN JAKITEKO TESTA

"Zeure burua babesteko, gorrotoa erein".

"Arrazoi duzula adierazteko, arrazoia galdu".

"Libre zarela frogatzeko, men egin".

"Norberaren adierazpen askatasuna defenditzeko, bestea mututu".

"Zubiak aipatu eta lubakiak zulatu".

"Garbi zaudela sentitzeko, bestea zikindu".

"Berdintasuna aldarrikatu eta bazterkeria bultzatu".

"Elkarbizitza sendotzeko, arerioa etsai bilakatu".

"Suntsitutako zubien harriak harresiak eraikitzeko erabili".

"Irainak ekiditeko, iraindu".

"Bortxari kontra egiteko, eraso egin".

"Bakearen izenean armak prestatu".

"Tradizioa defenditzeko, tradizioa traditu".

"Argiaren defentsan begiak itxi".

"Egiaren izenean gezurrak zabaldu".

"Norbait zarela sentitzeko, bestea gutxietsi".

Irakurri arretaz esaldiok eta erantzuna neurtu. Esaldi batekin guztiz bat bazatoz, jar itzazu ondoan hiru puntu; bi, esaldiak zure ohiko jokaera nola hala adierazten badu; bat, antzekotasuna txikia bada; zero esaldiak zurekin zerikusirik ez badu.

Horrela banan bana, zero, bat, bi, hiru. Lana bukatutakoan, batu emaitzak zenbaki bakarrean. Batuketak berrogeita zortzitik zerorako bidea osatuko du, zuria, beltza eta grisaren ñabardura guztiak.

Eskolako matematikak ahaztuta badituzu ere, aise ulertuko duzu zuria zeroari dagokiola, berrogeita zortzia beltzari. Hartu arnasa lasai emaitzaren esanahiari aurre egin aurretik, birritan hiruko asko jarri badituzu.

Zenbatutako puntuak zerotik hamabira badoaz, etxera eramateko moduko pertsona zara, beti ere esaldi bakoitzari eman diozun erantzuna benetakoa bada.

Hamabitik hogeita laurako tartean bazaude, arindu bihotza, zintzoen ondoan jar zintezke, amildegitik hurbil baina arriskurik gabe oraindik.

Hogeita lautik hogeita hamaseira batu badituzu hasten da arriskua, zaila duzu amildegiari ihes egitea, zaila, baina ez ezinezkoa.

Hortik aurrera galbidea dator eta sendabide bakarra gezurra da. Aukeratu zure barruko beltza zurituko duten hitzak eta hautsi, txirtxilatu arte, emaitzak azaltzen dituen papera, inork ikus ez dezan.

Arantxa Urretabizkaia