Haurrentzako ipuin kontaketa, Iraitz Lizarragak eskainia. Izar magikoa entzun eta ikusi ahal izango da gure Youtubeko kanaleko zerrenda honetan. Bideoa uztailaren 14ean 10:00etatik aurrera ikusgai egongo da. Familia osoari zuzendutako ipuinez gain, jolasak, pistak eta sariak izango dira. Zuen erantzunak donostiakoipuinarenordua@gmail.com posta elektronikora bidali. Animatu eta parte hartu!
Uztailaren 1etik abuztuaren 30era izango da Ipuinaren Ordua, astelehenetik ostiralera, eta hiriko 44 toki esanguratsutatik ariko dira. Bideo guztiak irailaren 10era arte ikusgai egongo dira.
Ipuinaren Orduaren saio birtualak euskaraz izango dira, eta ostiraletan, gainera, zeinu hizkuntzan. Narratzaileen taldea Lur Kortak koordinatu du, eta hauek dira kontalariak: Saioa Aizpurua, Amaia Puin, Lur Korta, Iraitz Lizarraga, Izaskun Mujika eta Lur Usabiaga. Ostiraleko zeinu hizkuntzako kontaketak Eskuaire bitartekaritza zerbitzuko Bego Gonzalezen eskutik iritsiko zaizkigu.
Gaurkoan, Gipuzkoa Plaza izango da eskenatoki. Bertako lorategia Pierre Ducasse frantziar lorezain ospetsuak diseinatu zuen. Mota askotako zuhaitz, lore eta landare ditu, eta, erdian, aintzira txiki batean, ahate eta zisneak igerian ibiltzen dira. Plazan, Gipuzkoako Foru Aldundiaren jauregia dago.
DK Irratiko Ispilu beltza saioa Donostiako paisaia, aktore eta gertakizun kulturalak islatzeko asmoz sortu da.
Astelehenetik ostiralera bi orduko saioa aurkezten du egunero Oier Aranzabal esatariak.
Irratia zuzenean entzuteko bi aukera daude:
1.- DK Irratiaren webgunean
2.- Frekuentzia Modulatuko (FM) 107.4 frekuentzian.
Horretaz gain, badago «Ispilu beltza» zuk nahi duzun unean entzuteko aukera ere bai.
Gogoratu DK Irratiak eguneko 24 ordutan emititzen duela. Kontsultatu programazio osoa eta podcasten saila.
Wikipedia inguruko tresnak eta teknikak ezagutzeko eta praktikatzeko ikastaroa.
UEU Udako Euskal Unibertsitatearekin eta EWKE Euskal Wikilarien Kultura Elkartearekin elkarlanean.
*Izenemateak hemen.
Aurten ere Udako txokoak prestatu ditugu familian sortu eta elkarrekin egoteko. Robotika, soinua, aerodinamika, bideo-jokoak edo arte plastikoak bezalako gai interesgarriak landuko dira familian, elkarren arteko dinamikak sustatuz. Gerturatu txokoetara!
* Txokoak familian, gazte (+5 urte) eta helduek elkarrekin, gozatzeko prestatu dira. Hiru adingabeko bakoitzeko heldu batek parte hartuko du, eta gehienez 10 kide egongo dira taldean, senitarte, lagun, pisukide edota ingurukoez osatua.
** Saio bakoitzean familia-unitate/talde bakar batek parte hartuko du.
Kale-arteak eskaintzen dituen sormen aukerak ezagutuko ditugu stencil teknika landuko duen lau eguneko (uztailak 14, 15, 16, 17) lantegi honetan.
Balu kale-sortzaile goierritarraren eskutik, stencil teknika deskubritu, sortu eta probatzeko aukera izango dugu. Kale-artea zer den ikasiko dugu, zenbait korronte eta erreferente ezagutu, erabiltzen diren materialak identifikatu, espazioen garrantzia azpimarratu eta sormena landuko dugu proiektu pertsonalak gauzatuz. Etxetik, kalera.
Beharrak:
*Ordenagailu bat
*Internetera konexioa -- Wifi-a
*Kuterra
*Guraizeak
*Folioak
*Karrozero zinta
*Spray beltza edo aukerako koloreak
Azken boladan bizi izan dugun egoera ezohikoa dela eta, gure artean harremantzeko distantziak aldatu egin dira. Lehen gertu zegoena, orain urruti gelditzen zaigu; lehen eskura genuena orain harrapatu ezina bilakatu da… Eremu berri hau esperimentatzeko aukera bezala ikusita, txikiak bai helduak ere, Tabakalerako magnolioen inguruan elkartuko gara eta distantzian aktibatzeko jolasak sortuko ditugu.
Nola besarkatu bi metrora dugun lagun hori? Zer nolako tresnak beharko genituzke ukitu gabe kilimak egiteko? Nola sortu daiteke denen arteko irudi eta istorio bat distantziak mantenduz?
Vick eta hartzak iraganean harrapatuta daude, buruan gauza bakarra duten animalia erraldoiz inguratuta: bazkaria. Lortuko al dute errealitatera itzultzea?